بقلــــم:✎𝐖𝐢𝐣𝐨𝐮乂𝐒𝐡𝐞 𝐖𝐨𝐥𝐟
أمجد جمع حوايجو و هبط لواحد البيت جا معزول كاين لتحت، منو للجردة،باغي يعطيها وقت حيت لي شافتو ماشي ساهل و هو متفهم هادشي...
عند أميمة لي كانت كتحاول تبلع ريقها ،الخوف كان مسيطر عليها كانت عارفة تاج قادرة تنحـ رها وتفوتها،عرقات ونشفات بالخلعة ..
أميمة(حاولت تمالك راسها متبينش لها خوفها):واش تسطيتي ولا شنو؟ طلقيي مني
تاج( لاحت المو س من يدها و جمعات معاها بطرشة،زادتها الثانية و الثالثة و نطقات بغل) :ابنت القحـ بة جيتي عندي برجليك نخوي فيك سم خوك وما دار فيا
اميمة بدات كتنتر كتحاول تفك راسها من يديها:المسخة تمدي عليا يديك والله حتى نربيك…يالملقطة …
تاج بانت ليها غتفرشها بغواتها لقات حداها غير سربيتة ديال الكوزينة، مدات يديها هزاتها و خشتها ليها ففمها ساداه. بيها ..
تاج(كرزت على عنقها حتى بانت ليها تجيفت و قالت بشر):عارفاني مسطية ونعطي عمري عليك خسارة الى ما قيليتنيش عليك ابنت القحـ بة و هادي (ضر بات على حنكها) غير قرصة وذن
تاج بعدات من عليها حتى خلاتها تظن بلي صافي طلقاتها و هي تجرها من شعرها و خبطات ليها جبهتها مع الثلاجة المرة اللولة،وعاودات جراتها وخباطتها المرة الثانية، حتى بانت ليها فشلات بين يديها، شداتها الطيارة وعينيها بداو كيتقلبو ...
طلقاتها جات طايحة فالارض وهي واقفة عند راسها،مشات هزات صينية لي كانت هازة أميمة باش تعاونها و طيحتها حدا رجلين اميمة حتى تشخشخو الطباسل ..
تاج(تحنات محيدة ليها ديك السربيتة من فمها و نطقات بخوف مصطنع) :ويلي أ اميمة مالكي؟(رفعات صوتها كتمسعو ليهم) ويلي اميمة كتسمعيني؟ توعتي ولا شنو؟
اميمة كانت كتحل عينيها و كتعود تسدهم لسانها باش تدوي ثقال عليها،الدوخة شداتها وجبهتها كاع حمارت .
داوود تم جاي كيجري وحليمة موراه ملي سمعو صوت التهراس ،لقاو اميمة طايحة فالارض باين انها زلقت وطاح داكشي من يديها .
حليمة بخوف وهي كتقلب فبنتها: اميمة مالك؟ .. اميمة طحتي المسخوطة؟
داوود بقا غير ساكت و مصغر عينيه فتاج لي كانت محنية عند اميمة وكترش عليها الما باش توعى شوية،تسناها تهز عينيها فيه و لكن هي تجاهلاته..
تاج كتنش عليها بيديها (بخوف مصطنع): يمكن توعتات بزاف، اميمة كتسمعيني؟
حليمة(مخلوعة على بنتها):كيفاش طرا ليها؟
تاج( ببراءة):كانت داخلة بالصينية و زلقات ليها رجليها و جات براسها على الثلاجة..
داوود قرب لعندهم هاز خته بين يديه وهي مرخية خرجها للصالون ، بركوها وتبعتهم تاج جايبة ليهم الما عطاوها تشرب وغسلو ليها وجهها حتى حلات عينيها وشافت فيهم و هي مستوهة،سولوها واش بخير كانت غير كتحرك ليهم فراسها .
YOU ARE READING
اصرخي بإسمي فقط
Romanceحياة استثنائية لِكوبل جريئ متحرر متوغل في وحل الخطايا متشبتين بحبل العشق والهوس للنجاة ..فما مصيرهم ؟ >مكتملة <
