عمق الديجور 12

زهِيلَـيأ _ 7َِ

زهراء :- شكلك أخذت ميانة سيادتك؟

دلهار :- أسلوب سميرة بطلي رحمة الذاااااك أبو راس الحااار

عقدت حواجبي :- ليش تحلف! مايصير يكول حقي

دلهار :- وأنا اضل ورة حقي.

- ما أدري ومو مهم أني رايحة انام

دلهار :- ولي انخمدي وعود أنتي هم اطبخي مو بس ذابة الطبخ علية ترا ما ألحك وعنـدي شغل.

باوعتلة صفح :- وشنو يابه شكلولك طباخه خـبازه كلشي ماأعرف وشنو عيني جايبني اخدمك ! لو اشتغل يمك خدامه يبعدي ! انسى مال تعاي اطبخي ونضفي خوش !

دلهار :- السانج ألسان دلالة بت أسميرة بعد منو يكدرلج.

كمت على حيلي أريد احجي بس خزرني بلعت ريكي خزرتة اتخوف درت ضهري ومشيت أريد اروح للغرفة وبس سمعتة همس انركعت بلميز.

اتلاويت وهوة صاح :- هـوش الله بأرض الله وثول

ما رديت على ابسرعة رجعت للغرفة متفشلة ركعت الباب وطفرت جوة الغطة متغطية ببطانيتين خانكة روحي خنك

أفكر واعيد فشلاتي
أحجي وية نفسي وارجع أغفي

عاد غفيت ورجعت صحيت على أيد باردة تتمشى على وجهي نترتها وصحت نعسـانة.

- دلهاااااار

:- وجعة أمي صار ساعة أصيح حسي نبح كومي بوية حضرت العشة الحضرتج

- ما أريـد

جر البطاطين مِڼـّي وأني امعندة

:- أكو واحد يتغطة أبطانيتين! عقلج بس لٱ ربط خيط من الكرادة !

خزرتة رجع حجة :- يلة عود أني ما أطلعج حتى لٱ أتربطين فيشة وياهم بس امبين ما فاد.

زهراء :- كهكهكة كاكا ترى متضحك!

رفعلي حاجبة :- بـس كاكا أنا ما كتلج أضحكي؟

- دلهار اشبييييك كلساع أمفشلني

ومن كل عقلي كعدت أبجي انتفض واتقرب امحاوطني الحضنة يضحك

دلهار :- والعباس ما أدري.

دفعتة :- وخـررر ما تقصد وكلساع أمفشلني

دلهار :- يلة يابة أعتذر ما تنعاد أهم شي لٱ اتزعلين

- وخررررر ما أحجي وياك وخررررر.

باوعلي حيران مسحت ادموعي اناشغ وصدك ما جان قصدة بس أني ماأدري أشبية رجع يحجي ويعتذر

زهراء :- أريد أنام.

- أتعشي ونامي

:- ما أريد لتلح كوم.

- نتصاحب!

هزيت راسي رجع حجة :- يلة حتى اليـوم بليل اطلعج وأفرج وين ما ايعجبج