قِصص الأنبِياءْ | The prophets' stories

قصة سيدنا يوسف ج٣

السلام عليكم ورحمة الله وبركاته💙

نبدأ بالصلاة_علي_النبي ﷺ قبل القرآءة يا رفيقة✨

#قصص_الأنبياء

#قصة_سيدنا_يوسف_الجزء (3)

وقفنا الجزء الي فات لما نسوة المدينة سمعوا باللي عملته امرأة العزيز مع يوسف..
قالوا إيه..!!

قالت النساء : إلحقوا 🤭
مرات العزيز تراوِد العبد بتاعها عن نفسه لفعل الفاحشة وهو مش راضي😏

معقولة حبها ليه وصل للدرجة دي🤭

ده إيه الضلال إللي هي فيه ده😏

وبقت هي حديث النساء في المدينة بالمنظر ده،

*"وَقَالَ نِسْوَةٌ فِي الْمَدِينَةِ امْرَأَةُ الْعَزِيزِ تُرَاوِدُ فَتَاهَا عَنْ نَفْسِهِ قَدْ شَغَفَهَا حُبًّا إِنَّا لَنَرَاهَا فِي ضَلَالٍ مُبِين"*

طب كان رد فعل امرأة العزيز إيه ؟

ربنا بيقول:

*"فَلَمَّا سَمِعَتْ بِمَكْرِهِنَّ"*

مقلش فلما سمعت قولهن،
مع إن ظاهر كلام النساء إنه كلام وأقوال عادية😕

لكن ركزوا معايا كده شوفوا كمية المكر إللي في السطرين دول😮

أول حاجة قالوا (امرأة العزيز) يعني :

يا شيخة اتكسفي على دمك انتِ مكانتك مش زي مكانة أي حد😏
وكمان انتِ امرأة متزوجة...يعني لو واحدة مش متزوجة كنا إلتمسنالك العذر🙄

وكمان بتراود مين ؟ فتاها.. عبد يعني ..مش حر ... وإللي زيك تراود واحد من مستواها...ملك ...وزير.. واحد من الطبقة الراقية ..مش عبد😑!

وكمان هي إللي بتراوده عن نفسه مش هو!!...
يعني لو هو إللي بيراود وهي قَبِلت كان ممكن نعديها لكن هي إللي بتراود،

وقالوا تراود فعل مضارع يدل على الإستمرار يعني هي لسه مستمرة مش راودت وخلاص مرة وتابت،
يعني كإنهم بيعايروها وبيقولوا عنها:

"إيه المهانة إللي هي حطت نفسها فيها دي، للدرجة دي هي ضعيفة قدامه؟!😏

احنا مستحيل نوصل للضلال إللي هي فيه ده😤
وكمان من المكر إنهم قالوا الكلام ده من ورا ضهرها.. غيبة يعني😅