The white room

الغرفه البيضاء (الفصل السادس و الاخير)

و بعد ثانيتين من سكوته

قولتله مازن انت كويس؟

لاقيته بيبصلي و ابتسم ابتسامه غريبه كأنه واحد تاني غير اخويا اللي اعرفه و بعدين لاقيته قام وراح اوضته

دخلت وراه خفت يعمل في نفسه حاجه لانه مش في وعيه يعتبر بس لاقيته نايم علي سريره

بصراحه ارتحت شويه و سيبته ينام و دخلت الاوضه بتاعتي انا كمان و قاعدت اقرأ قران و ادعي انه يبقي كويس

بعد ماخلصت  دخلت انام عشان افكر هعمل ايه في الموقف ده بكرا الصبح

كنت نايمه ولاقيت نفسي في مكان كله ضلمه  كحل و قدامي ممر طويل في سنة ضوء قعدت امشي في الممر ده وانا مرعوبه و مره واحده سمعت اصوات مخيفه و مرعبه جداً
كانت عامله زي اصوات مرعبه جداً بتكلم بعض  او
زي اصوات تعاويذ بصوت خشن منبوح و مره واحده لاقيت
حد واقف اخر الممر بس مكنش باين حاجه منه غير وشه
و لما ركزت لاقيته وش مازن بس كان شكله مرعب عينه كانت كلها ابيض و وشه كان زي وشوش الاشباح و كان مبتسم روحت ناديت عليه [ مازن  ]  لاقيت وشه اختفي روحت بصيت جنبي لاقيته واقف جنبي و مبتسم
و شكله بقي اوحش من الاول و بعدين ضحك

هنا انا صحيت من النوم بصوت بطريقه هستيريه و بعيط
من الخوف و لما استوعبت انه كان حلم و انا صحيت منه حمدت ربنا وجيت ببص قدامي لاقيت مازن واقف قدام باب اوضتي

بصراحه انا اترعبت اكتر منه بعد الحلم اللي حلمته بس مسكت نفسي
و قولت مازن انت كويس لاقيته بيشاور ورايا

بصيت ورايا ملاقيتش حاجه بصيتله تاني لاقيته ضحك و جري لاوضته

هنا كان قلبي هيقف من الخوف بجد و حسيت ان هيجيليحاله نفسيه من اللي بيحصل و الكوابيس وكل حاجه مرعبه حصلت

بصيت علي الساعه لاقيتها 7 الصبح قومت وحضرت فطار علي السريع كدا لمازن

روحت اديله الفطار و مشيت بسرعه لأني كنت خايفه منه

وروحت عملت  كابوتشينو  و قعدت مع نفسي بفكر اعمل ايه او اروح لمين يساعدني بعدين افتكرت دكتور فؤاد
قولت بس هو ده اللي هيفهم حاله مازن

روحت جبت الفون و رنيت عليه

رد وقال الو مين معايا

رديت وقولت انا مريم يا دكتور

راح قال مريم عامله ايه فينك يا بنتي بقالك اسبوعين
مش بتحضري محاضرات ولا بتيجي الكليه ودي مش عادتك

روحت قولتله بحزن معلش يادكتور في سبب ورا كل ده

راح قال سبب....  سبب ايه يا مريم

روحت حكيتله علي كل اللي حصل و خطف مازن و تصرفاته والكوابيس وكل حاجه مرعبه حصلت

راح قالي مريم هاتي مازن معاكي انهارده الكليه
في المكتب بتاعي

روحت قولتله حاضر يا دكتور

و فعلاً بعد ماقفلت معاه لبست بسرعه واخدت مازن و روحتله المكتب

دخلت المكتب لاقيته قاعد و بيقول اهلا بالطالبه المتميزه

قولتله ازي حضرتك يا دكتور

قالي ازيك يا مريم 
و راح يسلم علي مازن لاقاه ساكت وهادي و مش بيعمل حاجه ولا ردت فعل راح الدكتور قعد يسأله اسأله يمكن يرد لاكن برضو مش بيعمل ردت فعل

قالي انا لاحظت ان مازن جاتله صدمه نفسيه من ساعت ماحكيتيلي اللي حصل و بعد ما شوفته انا اتأكدت اكتر من ده

روحت قولتله وانا بعيط طيب اعمل ايه يا دكتور انا خايفه عليه اوي و مليش حد غيره

رد الدكتور و قال متخافيش يا مريم اخوكي كل اللي محتاجه دلوقتي انه يروح لدكتور نفسي علي الاقل شهرين عشان يرجع احسن من دلوقتي و يستجيب

روحت قولت بجد هو لو راح عند دكتور نفسي هيبقي احسن

راح رد وقال اكيد لان اللي بيحصل ده بسبب حاله او صدمه نفسيه بسبب اللي اتعرضله ده انتي المفروض تحمدي ربنا انه لسه عايش لان اللي مر بيه ده مش سهل يا مريم وانتي عارفه ان التعذيب النفسي ده اسوء من التعذيب العادي بمراحل

روحت قولتله طيب يا دكتور انا مش عارفه دكتور نفسي عشان اروحله

رد وقال انا عندي واحد صاحبي اسمه الدكتور احمد و هو دكتور نفسي شاطر جداً جداً و انا متاكد انه هيساعد مازن

وراح اداني رقم الدكتور النفسي

قولتله شكرا بجد ليك يا دكتور والله طمنتني شويه

راح قال مفيش شكر علي واجب يا مريم

وروحت مشيت انا و مازن

بعد شهرين..........................................

لاقيت حد بيرن ببصي لاقيته مازن

رديت وقولت انت فين يلا هنتأخر علي الدكتور احمد

راح قال اهو والله جاي بس اتأخرت في الدرس اعمل ايه طيب

روحت ضحكت و قولتله طيب ياخويا انجز بس 

راح ضحك وقال ماشي وقفل الخط

وانا قعدت اشكر ربنا و احمده ان رجعلي مازن احسن من الاول و قعدت ادعي لدكتور فؤاد لأنه ساعدني و مسبش  مازن و لدكتور احمد عشان ساعد مازن انه يستجيب و يخف بسرعه

وانتهت قصه الغرفه البيضاء 😍................

اتمني القصه تعجبكم لأني اول مره اكتب علي الوتباد و القصه دي معلوماتها حقيقيه مش خيال ولا حاجه لأ دي كلها حقائق في علم النفس  وانا حبيت اكتب قصه عنها عشان تفيدكم بالمعلومات 🤗💜💜💜💜💜💜💜💜💜💜💜واسفه بجد علي التأخير 🥺ده كله بس والله بسبب تعب و ارهاق  دروس ثانويه عامه ادعولي بقي 🤲🏻💞✨