قوة ايسون

القـوة العشـرون

-سُلطـان : اخواتي بحياتهن كلها مانزلن راسنا ، ولا يسون شيء غلط يحسبن حساب لكل خطوه يخطنها وحاطاتنه بين عيونهن ومنطينهن ثقه كامله ومتأكدين هن كد هالثُقة ، مو من تالي تجي وحدة مانعرُف حتى أسمها تمس أختنا بحجايه !

-سُلطـان : ياريت تعالجون بتكم لو تحطولها حد وتعيدون تربيتها احنا ناس خطار أحترمنا عزيمتكُم واجيناكُم ما اجينه حتى ننهان

نزلت دموعي گبل مسحتهن حسيت بـ فخر بالي سوا اخواني والحمدالله انا متأكدة من نفسي مامسوية شيء غلط تقربت ايسون حضنتني

-حـيدرة : شما تحجون حقم والله العظيم مستحي من أسوايتها بس هيّ مريضه تعبنه من تصرُفاتها حاولت وياها عالجتها بس ماادري شنو من بت ياربي شيطاااان دمرتنا دمرتناا

-أيـهم : سُلطـان الأكبـر تعالوا وياي من رخصتكُم

طلعوا برا مادري شنو يحجون تقدمت حضنت أمي
-ليلى : كافي بنيتي ندري بيج ماتسوين شيء غلط كافي

حجت ايسون بغصة
-ايـسون : أعتذر نبأ كلش أعتذر والله

تقربت حضنتها
-نبأ : لا لتحجين هيج ايسون قابل انتِ شعليج

ضحكت مستهتزئة
-ايـسون : غير بت خالي

وين ماجاي نحجي نزلت هيّ واخواها گام حيدرة وحجه
-حـيدرة : شكوو جبتها شكوو

-عـلي : أريدها تعتذر منهم كلهم على سوايتها القذرة

-حـيدرة : أصبر خلي يجون الشباب

باوعت الها تبجي خلقتها صايرة جنها سحارة حاطه مسكارة وسايله وشعرها منتف وتبجي كلهم يباوعلها با أستصغار حجت ايسون
-ايـسون : الله يشافيج ويكون بعونج

-تولين : شوفها حيدرة

-ايـسون : هههههاي لا بالله شوفها حيدرة؟

-حـيدرة : كاافي تولين كاااافييي شوكت تصحين على نفسج انتِ شوكت عيب عليج جبتي حياتج كلها مفشلتنا ! جاي تصغرين نفسج وتصغيرنا وياج يابت الناس شتردينن احجي

ديحجي ودخلوا الولد
-الأكبـر : نترخص من يمكم وهسه صار لازم نروح

-حـيدرة : تولين أعتذررري

حجت وهيّ تشهگ
-تولين : أعتذر منكم بعد مايتكررر

حجيت وانا قرفانه منها
-نبأ : عوزها تكرري بنت أبوجج وكرررري عود أگلب الدنيا على راسج

حجه الأكبر وعينه عليها
-الأكبـر : لو أحد غيرنا جان سواها گعدة ويطيح حظ حظج على الي صار بس هالمرة لخاطر مرتي ولخاطر أهلج راح نسكت خليها بالج اذا تكرر حتى ايسون ماتوگف بوجهي