ငါးဖမ်းဖို့ ဘယ်လိုလုပ်အချိန်ရှိမှာလဲ...
နောက်ဆုံးတွင် ဟင်းသီးဟင်းရွက်နှင့် ဆန်များသာ ထုပ်ပိုးပြီး သားသတ်သမားကျန်း ထွက်လာခဲ့သည်။
နာရီဝက်ကြာ အထုပ်အပိုးများကိုထမ်းလာပြီးနောက် သားသတ်သမားကျန်း ဟယ်ချောင်စီရင်စုကို ရောက်ရှိလာသည်။
တူးမြောင်းသည် ဟယ်ချောင်စီရင်စုကိုဖြတ်သွားခဲ့သည်။ သင်္ဘောကျင်းကြီးတစ်ခုလည်းရှိသဖြင့် တစ်မြို့လုံး တက်ကြွလန်းဆန်းနေသည်။သားသတ်သမားကျန်းက သည်ကို ရံဖန်ရံခါ ရောက်တတ်ပေမဲ့ ပျားပမ်းခတ်အောင်သွားလာအလုပ်ရှုပ်နေကြသည့် လူတွေကို ကြည့်ပြီး အဆင်မပြေဖြစ်နေဆဲဖြစ်သည်။
စီရင်စုအတွင်းရှိ အိမ်များအားလုံးကို သစ်သားဖြင့်ပြုလုပ်ထားပြီး မြစ်ကမ်းစပ်တွင် သွားလာရလွယ်ကူသော လမ်းများလည်း ရှိသည်။သားသတ်သမားကျန်း အပြာရောင်ကျောက်တုံးများခင်းထားသော လမ်းတစ်လျှောက် လျှောက်သွားခဲ့ပြီး မကြာမီမှာပင် သစ်သားတဲငယ်လေးတစ်ခုဆီသို့ သူရောက်လာခဲ့သည်။
ဟယ့်ရှီရွာသည် ဟယ်ချောင်စီရင်စုနှင့်မဝေးသောကြောင့် သားသတ်သမားကျန်းသည် ကျန်းချောင်ရှန့်၏နေ့လည်စာစားရန်အချိန်မီရောက်ရှိခဲ့သည်။
ကျန်းချောင်ရှန့်က သင်္ဘောဆိပ်အဝင်အထွက် မှတ်တမ်းများကို ထိန်းသိမ်းရန် တာဝန်ရှိသည်။ သင်္ဘောကျင်းရှိ ကူလီများသည် နေ့လယ်တွင် တစ်ခုခုစားရန် အနားယူမည်ဖြစ်သောကြောင့် နေ့လည်စာစားရန် အိမ်ပြန်နိုင်သည်။ သူက လောလောဆယ် အိမ်မှာရှိနေ၏။သားသတ်သမားကျန်းကိုတွေ့သောအခါ သူက ချက်ချင်း ကြိုဆိုလိုက်သည်။
"အဖေရောက်လာတာပဲ"
"အဖေ...အထဲဝင်ပြီး ရေသောက်လှည့်ပါ"
ကျူးရှုဖန်က သူမ၏ လက်ဖက်ရည်ကြမ်း ထုတ်ယူကာ လက်ဖက်ရည်ခွက်ကြီးတစ်ခွက် ပြုလုပ်ပြီး သားသတ်သမား
ကို နှုတ်ဆက်သည်။
သားသတ်သမားကျန်းက သည်ကို မကြာခဏ ရောက်ဖူး၏။ သူက အထုတ်ကိုချကာ ထိုင်လိုက်ပြီးဆိုသည်။
YOU ARE READING
တစ်ဦးတည်းသောချစ်ဇနီး(ကျန်းကျန့်)
General Fiction💥New BL ဒါဒါတို့ရေ... ရှေးခတ်ကျေးလက်တောရွာကို ကူးပြောင်းမှ ကြိုက်ပါတယ်ဆိုတဲ့ဒါဒါလေးတို့အတွက် အသစ်လေးလာပါပြီ .... ရှားပါးတဲ့ MC Gong ပါနော် Gp လေးက ၂ခု ရှိပါမယ်ရှင် Gp 1 (1 _140) ငွေလွှဲ ၂၅၀၀ / bills 3000 GP 2 (141 _END ) ငွေလွှဲ ၂၅၀၀ / BILLS 300...
တစ်ဦးတည်းသောချစ်ဇနီး(ကျန်းကျန့်)
Start from the beginning