The newest hanamichi sakuragi(Cold-hearted)

chapter 145

Alam kasi ng dean na kayang kayang patalsikin at bilhin ni don fermin ang buong campus kapag nalaman nito ang nangyari sa apo nito. Personal kasing pinuntahan ni don fermin ang dean ng campus kaya sobra na lamang ang takot niya sa oras na malaman ito ng lolo ni sakuragi.

"Kahit hindi ko naman ipaalam kay lolo ang mga nangyayari sakin, nalalaman niya rin naman agad." Saad ni sakuragi na ngumisi pa..

"Atsaka ang gusto ko katahimikan, iyon lang ang pakiusap ko sainyo. Ayoko ng gulo at lubayan niyo ang buhay ko habang nag aaral ako sa eskwelahang ito." Anas ni sakuragi na may malamig na tono

"N-naiintindihan ko.. a-ako na ang bahala sa kanila." Saad ni dean, lumabas naman si sakuragi mula sa loob ng dean office habang naiwan ang ilang grupo doon.

Habang naglalakad sa hallway si sakuragi hindi parin matapos ang pakikipag tsismisan ng mga estudyante sa tuwing nakikita siya, kaya lalong nag aalala si sakuragi para sa kalagayan ng kanyang nobya.

Paliko na patungong room si sakuragi ng makita siya ni hajime, sokomo, jun at sachi na gulat na gulat.

"S-sakuragi?" Gulat na puna ni sokomo at hajime

"Bakit?" Tanong ni sakuragi sa mga ito

"B-bakit hindi mo man lang samin sinabi na ikaw pala ang apo ni don fermin, ang may ari ng palayan at prutasan?" Automatic na naging blangko ang expression ni sakuragi ng marinig iyon, ang hindi niya balak na pag sabi ay nalaman din pala nila.

"Dahil wala naman akong balak sabihin iyon, gusto ko lang ng katahimikan. Hindi ko naman akalain na may ibang makakakilala sakin dito." Saad ni sakuragi sa flat na tono

"Tsk! Imposibleng hindi mo gusto ang attention nila, halata namang gusto mong gulatin ang lahat dahil binubully ka na e." Saad ni jun, umangil naman si sokomo at hajime sa sinabi ni jun. Ngumisi naman si sakuragi sa sinabi ni jun bago umiling.

"Hindi naman ako katulad mo na gagawin ang lahat para makuha ang atensyon. Tsaka wala naman akong dahilan para ipaalam kung anong klaseng buhay meron ako." Ngising pang sagot ni sakuragi bago ito naglakad at lagpasan sila, ngunit napahinto sa pag lalakad si sakuragi ng hawakan siya ni sachi sa kamay.

"S-sakuragi? T-totoo bang may nobya kana at m-magkakaanak na kayong dalawa?" Nakatalikod si sakuragi mula kay Sachi kaya hindi alam ni sakuragi kung umiiyak ba ito o malungkot lang, iba kasi ang tono nito sa karaniwang tonong ginagamit nito habang kinakausap siya nito noon.

Humarap si sakuragi dito bago tinignan si sachi ng malumanay,.

"Oo, may anak na kami ng nobya ko. Girlfriend ko na siya bago ako kinuha ng lolo ko mula sa kanagawa." Paglahad ni sakuragi na tila proud na proud din dahil nakangiti siya habang sinasabi iyon kay sachi.

Nagulat nalang si jun, hajime at sokomo ng yakapin si sakuragi ni sachi.

"Hindi m-mo ba nakikita na gusto kita, gustong gusto kita sakuragi." Umiiyak na pag confess ni Sachi kay sakuragi, bumuntong hininga si sakuragi ng malalim bago inalis ang pagkakayakap nito sakanya.

"Alam ko Sachi, ramdam at nakikita ko naman ang bawat ginagawa mo para sakin. Pero nakikita lang kita bilang kapatid, hanggang doon lang." Anas ni sakuragi na lalong ikinaiyak ni sachi, kwenilyuhan naman ni jun si sakuragi dahil sa narinig.

"Tarantado ka, alam mo naman pala pero bakit hindi mo parin siya iniiwasan at pilit mo parin siyang kinakausap?" Bulyaw na saad ni jun

"Dahil siya iyong pilit nang pilit na lumalapit sakin, sinabihan ko na siya na wala akong gusto sakanya pero siya iyong nangungulit." Saad ni sakuragi na tinulak si jun palayo kaya nahawakan ito ni hajime at sokomo nang muntik na itong matumba.