🤍
عدل قعدته و هو يتأمل السقف بكل فقدان امل..
اسامي معينه يتكررون براسه.. بس.. ماهو متذكر اي شي يخصهم..
استقام و اتجه للمرايا المتكسره و هو يدقق بملامحه شعره ، عيونه ، لون بشرته.. بعد السنين الطويله هذي موضوع انه مجهول الهويه معاد يخوفه بعد ماكان كابوس بالنسبه له.. خلاص بعد مافقد كل ذكرياته و افكاره القديمه.. صار يعيش على افكار و معتقدات جديده ، من الاشياء القليلة اللي يعرفها عن نفسه انه كان ساكن بمكان فيه بحر ، يعشقه عشق كبير و دايم ماتتكرر ذكريات مشوشه و هو قدام بحر..
مع ان في بحر بالمدينة اللي هو ساكن فيها الحين لكن لا.. ماهو نفس اللي بذكرياته ابد
نفض افكاره و هو يتجهز للدوام ، طلع من شقته الصغيره و قفل الباب وراه ، بدا يركض باتجاه دوامه ، فلوسه ماتكفي انه يشتري سياره او ياخذ مواصلات فاعتمد بالسنين الماضيه بعد ما استرجع عافيته على المشي..
بعد وقت طويل من المشي و اخيرا وصل للمقهى ، لبس المريلة و بدأ ينظف بالمكان امس كان مرهق لدرجة انه ماقدر ينظف اي شي
_
دخلت على القسم بأبتسامه مطيحه الكل بحبها
وقفت عند الرسبشن تبصم و مره وحده تسلم على اللي موجودين
دخلت مكتبها و هي جالسه تشيك على ملفاتها لمحت اللي منسدحه على الكنب هزت راسها بقلة حيله و كملت شغلها
"الحين بفهم عندك مكتب شكبره ماتحلى لك النومة الا بمكتبي؟"
ردت عليها و هي تتقلب
"احسن من قالك تعطيني بطاقة مكتبك"
"اح هذا و انا مسويه فيك خير! و بعدين عطيتك اياها يوم كانوا يعدلون لك مكتبك مو عشان كل مادخل الاقيك متسدحه فيه"
تجاهلتها الثانيه و هي تحاول ترد تنام
اثير تنهدت و طلعت بأتجاه الجناح..
_
جلست جنب اخوها على الطاوله الصغيره و هي ملاحظة ذبول ملامحه.. من امس و هو بس يفكر
"خلاص لا ترهق نفسك كذا تراك رفعت ضغطي!!"
قالت لين بعصبيه
لف عليها بكل حزن..
"خايف.."
ماقد شافت ملامح اخوها بهالحزن من سنين طويله.. و خايف؟ لا هذا مو اخوها
حطت يدها على ظهره و هي تمسح عليه
"خايف من ايش؟ قول من امس ماقلت الا ان ابوك محد يعرف وينه"
"خايف ان بدر كارهني"
قال و بدت توضح الغصه بصوته
"ياغبي ليه شايل هم انه يكرهك! بدر مستحيل بيكرهك صح اني ما اعرفه بس من كلامك عنه انا واثقه انه ينتظرك تجيه ، تراك بحسبة ولده.. لا والله مو بحسبة ولده هو مربيك من يوم ولدت انت ولده"
YOU ARE READING
وَجْـــد - WAJD
Romantikaالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
