اجوي البنات ثنينهن يمي للمطبخ وگعدنة نسولف ثلاثتنة بس خاتون هاي هواي حاصت لحد ما متحملت رفعت ردانهة واخذت من أيدي.
وانا وجموح واگفات يمهة ونضحك وهي تكول.
-شلون ثنين، والعباس ماكو وحدة فاهية بگدجن ثنينجن.جموح: خاتونة عيني شوكت تشتغلين بحلگ ساكت ؟
دخلت أمي وفتحت عينهة: يووو شنو جايبة الابنية تشتغلين بيهة !!
خاتون: صدگ جذب خالة قابل احنة غربة !
ضحكت أمي وكلت: لعد اخذي راحتج إرَم فاهية كلشي متعرف.
ضحكت خاتون واشرت على جموح بالجفجير وكلت.
-احنة هم عدنة فاهية.باوعنة انا وجموح على بعض بصدمة وأمي وخاتون ضحكن علينة ثنينة.
وهاج: المهم يلا إرَم طلعي المواعين خلي نبدي نصب ترة وقت الغداء بعد.
خاتون: لا خالة لعد شنو شغلنة احنة، روحي گعدي انتِ يم أمي ودگوهة سوالف.
هزت جموح راسهة وكلت: روحي خالة گعدي وان شاء الله احنة مو غرباء.
بالبداية مقبلت أمي بس البنات كلش اصرو هنة الي يصبن وياية، لهذا عافتهن أمي واحنة بدينة نطلع مواعين.
سمعت صوت باب المطبخ يندگ ومختار يصيحني، باوعت عليه وهو جان منزل راسة، كلت.
-تفضل.مختار: أبدو صبو الاكل، وانطيني سفرة.
طلعت من المجر سفرة وهو اخذهة مني، وبدينة احنة نصب ومختار وابن عمي الثاني ياخذون للزلم بعد ما خلصنة الزلم صبينة النة وجموح راحت فرشت السفرة.
حطيت الأكل وگعدنة كلنة على السفرة، والنسوان يسولفن وانا گاعدة بين جموح وخاتون محبوبات بشكل لا ينوصف.
وحدة هادئة وخجولة والكلمة بگوات تطلع منهة، والثانية عبارة عن لسان.سمعنة صوت الولد بالمطبخ عرفت جابو المواعين وخلصو أكل.
بعد ما خلصنة احنة هم ودينة المواعين للمطبخ وهم نفس الشي مقبلو الا يساعدونة ثنينهن، انا وجموح جنة نغسل المواعين وخاتون سوت الچاي.صبت بستكاين وحطيت انا وياهم بقلاوة وزنود الست وانطيتهن لمختار يوديهن وبنفس الوقت ودينة للنسوان هم.
بس استحيت كلش من البنات، فوگما جايات ضيوف شالن نص الشغل.گعدنة احنة البنات بالمطبخ ونشرب چاي ونسولف بيناتنة وتعرفنة اكثر على بعض.
مر الوقت وصار العصر واجة مختار وهو عاقد حاجبة حط الصينية مال ستكاين الفارغة على المغسلة وكل.
-إرَم انطيني صينية الفواكه.
STAI LEGGENDO
الخازوق الأسود
Mistero / Thrillerنحنُ السِراب الذي يلعنهُ التائهون... نحنُ الرصاص العشوائي الذي يستقرُ بكل شيٍ بلا موعد... نحنُ صمتْ المقابر... نحنُ التُراب الذي يقفلُ الشبابيك بوجه الصباح... نحنُ الحظُ العاثِر للسُفن في عرضٍ البحر... نحنُ خليط من الأعمار المتشابهة، نضحكُ مع قلبّنا...
الخــزق الـسـادس
Comincia dall'inizio