خيالي الأسود 11:11

part. 12⚖️

:- تعاي رُمـانه خلـي اودعج قبـل ما ياخذوج.

- حسيت بكلمة ياخذوج بيها غصه ووجع، راحـت أفاطم تمشـي باتجاهه وهو لزم ايدها باسها وباس راسها واردف:

:- راح تـطلع رُمانتـي مـن بيـت عمـها اليـوم وانـه اليـوم أحـس راح أود؏ بنيتـي مـو شخـص يقربلـي

لا تكطعيـن بعمـج رُمـانه وخليـج دائماً ؏ تواصل وياية لأن فركاج راح يرجعنـي لوحشتـي ويأذينـي

"يبهـجة العمُر "

- أباو؏ عليـة وهو يحجي بغصـة ماليـه صوتـه، ماتوقعت خيال راح يسمحلها أنو تروح ضلـيت مصدومه من خيال سمح انو ياخذها ابوها..

هو صح ماله حق انو يمنعها تروح بس ماحاول حتى يقنع ابوها!!!

ود؏ أفاطم بخيـبه وهـي بس تباوعلة مانطت أي ردة فعل حسيتها ماتريد تبقى يمة بعد وضلت شايلـة بقلبها ومستهضمه لان ضربها.

أجتـي الي تريد تودعني، حضنتها واردفت:

ردوينه: راح تعوفيني فطوم؟ مو احنا صديقات؟ بعد ويامنو أشوف رودي تابوتي؟

أفاطـم: تشوفيها وية عمـو خيال.

ردوينه: عمج مايشوفة وياية

أفاطـم: لا يشوفها وياج

- ردت اجاوبها بس خيال قاطعني وهو يكول:

:-تعالـي رُمـانتـي أنطيـج شيء بالغرفة، مرخصتك ابو فاطمـه بـس أنطيـها شيء وأرجعـها ألـك.

- مرخوص حبيبي.

::- اخذها خيـال وهو وشايلها وراح للغرفة صار عندي فضول شنو راح ينطيها ف لحكتهم

...  باوعـت عليه نزلها مكعدها ؏ الجرباية وهو راح فتح الكنتور وطلع من عدها علبه سوده كبيرة بيها
قلوب انطاها الها وكاللها افتحيها

فتحتها افاطم وجان تطلع منها دبدوب أحمر حجمة صغير الى متوسط الحجم، باوعت عليها اشوف ردة
فعلها شفتها بس ابتسمت وشكرتة وهو يمسد ؏ شعرها  اردف:

:- يابـة رُمـانتـي شلـون راح أدزج بأيـدي شلون راح أكضـي يومـي وسوالفـج مابـية؟ شلـون راح أكـدر أدخـل للبيـت وضحكتـج الحلـوة ماموجـوده بيـة؟

ليـش طلعتـي برا ليـش؟ وأنـي زاد غضبي، ماكـدر أحميـج من عصبيتي إلا بهـذي الطـريقة هـو أبعـدج عنـي

::- كالـها وعيونة مدمعـة سكـت شوية ونادانـي
رحت عليه واردف

:- عاصفتـي صورينـة انه ورُمانتـي أخر صورة

- كالها بصوت ماليتة الغصة، صورتهم واخذ الفون منـي ضمه بجيبة والتفت ؏ أفاطم حضنها حيل لصـدرة واردف:

:- لاتنسيـن بويـة بيـوم عمـج خيال ولاتنسيـن انو وراج سنـد لـو مالـت بيـج الدنيـا تلكينـي حايـط