سلاسل الماضي

السلسـة التاسـعة 🔗🖤.

::ـ بابا

::ـ ها يبعد ابوك وعشيـرتـة

::ـ وين سيارتي جبتهـا لو نسيتها

::ـ لا حبيبي جبتها شلون انساها

ـ رحت للسيـارة فتحتها ونزلت العابهم ودخلت اخذو كـل واحد لعبـتة دخلت للصالـة سلمت عليهن

::ـ الله يساعدك

::ـ ويساعدكم يابـة

ـ كعدت شويـة يمهم وكمـت للغرفـة تعبان اريد اسبـح وانـام اول ما دخلت للغرفة

اجـة اسمر يركض ويتعثر لزم رجلية دنكـت عليَّ حاضنـة لصدري

::ـ ها باباتي شبيك حبيبي

ـ اشر ع الباب دخل مهاب ضايج
::ـ ها شبيكم

ـ حجة بضوجة عاكد حاجبة
::ـ اخذ سيارتي اله ما ينطينياها ومن اجيت اخذها اجه الك يركض

::ـ يلا حبيبي شتفقنـة احنـا لو نسيت ؟ ها

::ـ لا ما نسيت گلت انتم اخوان والعابكم تتشاركون بيها

ـ اشر على اسمر واردف
::ـ هذا مو اخوي بس ياخذ العابنا ويكسرهن

::لا حبيبي انتم اخوان عادي اجيبلك احسن منها باجر من نروح وانت تختارها

::ـ ما اني اريد هاي مالتي

::ـ مهاب بابا اني تعبان واريد ارتاح حبيبي انتم تشاركو بالالعاب واني باجر من نروح اجيبلك والله زين ؟

ـ هز راسـة زعلان
::ـ زين يلا باي

ـ طلع من الغرفـة وهذا صافن ع اللعبة
::ـ ليش تاخذ لعبة اخوك ها

ـ ضحك وقرب وجهة الي باسني
::ـ تقشمرني بـ سوالفك هاي ؟  ما يصير بابا روح بوسة وانطيهيا

ـ هز براسه وطلع من الغرفة ، اخذت ملابسي ورحت للحمام غسـلت وطلعت صارت السـاعة بـ 6 بـعد ما بيها نومـة اجت الصلاة رحت للغرفة انتـضرهـا تحل تغلبني النعـاس اغمـض وافز اباوع للساعـة اصبـر بنفسي لمن نمـت ما ادري شصار بعد ..

________________________________________

"گمـريـة"

ـ كعدت الفجر على صوت الاذان التفتت ع جهة محمد جان صافن دار نضراته الي صبح عليـه بـ ابتسامة

::ـ صباح الخير يابه

::ـ صباح النور