اجت أمي مادري وين جانت بس اعتقد بالحمام شافتنه ملتمين باوعت النا بخرعه وگالت
ليلى : شبيكم ولكم ملتمين شصاير
ركضت حضنتها وبجيت
نبأ : ماما خايفه خايفه خليني يمج
ليلى : عمت عين امج ولج گليلي شبيج
نبأ : قتلت كلب بالغلط ماما
ليلى : شنو ولج شسويتييي
سولفت الها الي صار ضلت اتدك وتلطم لو صاير عليج شيء لو عاضج ردتها تهديني تالي أنا گعدت اهدي بيها
صدفه اجت عيني على أيهم لگيته صافن بيه مدري شبي شفت ميـار وايسـون كذالك منتباهات اله استحيت منهن وگمت اجت وراي ايسـون
ايسـون : هلا بالشريرة هلا بالقاتله
نبأ : يمااا نجـبي هوا انا مخروعه
ضحكت بصوت عالي
ايسـون : ذكرتيني من نيمت الطابوگه براس محمد
نبأ : انتِ نيمتيها براسه وانا رجعت نيمتها براسه
رجعت ضحكت بصوت عالي تخبلت بحيث اجه الأكبـر للمطبخ
الأكبـر : شبيج ولج ضحك خير ان شاءالله فضحتينا
ايسـون : هههههههههههههههههههه أكبري اليوم نبأ همين نيمت الطابوگه براس محمد هههههههههههههههه
ضحك الأكبـر وگلها
الأكبـر : جعلني لا انحرم من هاي الضحكه يروح أكبـرج
اختفت ابتسامتها وطلعت وهيه تكول
ايسـون : من رخصتكُم
باوعلي الأكبـر وگـال
-شسوي واخليها تحبني
نبأ : ترا واضح هيه تحبك بس مجاي تصارح نفسها باهذا الـ شيء وهيه خايفه من شيء ولهذا الـ سبب جاي تتهرب من يمك
الأكبـر : اي صح تگلي تعوفني مثل ما سوت أُمي انا محد حبني گتلها يابه احبج وماعوفج ومستعد انتظرج الـ أخر يوم بـ عمري
ابتسمت وتقربت من يمه
نبأ : شفت خايفه من هذا الـ شيء هيه وانتَ حاول تطلعها من الي بي هيه حسسها بالأمان ساعدها تطلع من الخوفه تستاهلون السعادة ثنينكُم وانا يمك اذا تحتاج مُساعدة ميحتاج اكلك مو؟
باسني من راسي وحضني وهوا يگول
الأكبـر : يروح اخوج ونظر عينه ربـي يخليج ألي احبج حيل
نبأ : اموت عليك ياروحي انتَ
قاطعنه صوت أيـهم وهوا يگول
أيـهم : ادخل؟
الأكبـر : أتفضل حبيبي
أيـهم : شلون صرتـي غزاله ؟
فتحت عيوني بصدمه شديحجي هذا الأكبـر همزين باله مو يمنا انتبه الـ نفسه أيهم
نبأ : الحمدالله احسن تسلملي
خليت وطلعت ضل هو والأكبـر بالصالة مدري شبيه تلبكت ليش گلي غزاله؟ لو منتبه اله الأكبـر ميستحي والله
CZYTASZ
قوة ايسون
Akcjaبين أحضان القسوة والمرارة ولدتْ بطلة كانت أم نفسها فلم تكن أمها غير لعنة طاردتها في حياتها ، لم تجد حنان الأم البتة ما بين طعنٍ بالشرف ونبذ وتحرش وخطف وحقد وإجبار كانت بطلتنا كالقشة أمام العاصفة الهوجاء ورغم ذلك لم تستلم ولم تضعف قواها ، تحملت مسؤول...
القـوة الحاديـة عشـر
Zacznij od początku
