💙كلام مهم💙

37.1K 560 162
                                    


حابه اقولكم حاجه عشان بس تفهمو طريقه تفكيري
و الي خلاني اقول الكلام ده ناس بتكتبلي حاجات غريبه عالخاص حسستني اني انسانه مفتريه مثلا او خرابه بيوت او مش كويسه و الروايه يااااادوب نزل منها اربع فصول يعني اعتبر لسه مبداتش فيها

طب يا سكر انتي وهي  اسمعي الكلمتين دول عشان معنديش طاقه ارد علي كل واحده لوحدها ادام كلكم نفس الراي
انا واحده بنيت حياتي بدراعي محدش ابدااااا له فضل في اي حاجه وصلتلها بالعكس كل الي حواليا كانو يا اما غيرانين مني فبيحاولو يوقعوني...يا اما ليهم مصلحه عندي فيجاملوني....يا عايزين يستفادو مني فبيفضلو جنبي
الا من رحم ربي طبعا
اتكسرت و اتهديت ووقعت وقعه محدش كان ممكن يقوم منها ....و ملقيتش ايد تتمدلي او حد يساعدني عشان اقوم من جديد ...بالعكس الكل كان بيدوس عليا عشان متقومليش قومه تاني
كنت صغيره معرفش حاجه عن الدنيا و غدرها و فضلت وقعه و مش قادره اتحرك .....بس افتكرت كلمه حد قلهالي و الحد ده عمررري ما هقابل زيه تاني ....قالي فريده تبان ضعيفه و طيبه بس جواها قوه تهد جبال و بنت بميت راجل بس كل ده بيظهر وقت اللزوم
افتكرت الكلام و وقفت ....لوحدي و مشيت طريقي خطوه خطوه من غير اي مساعده ....بقيت اقع و اقوم و  اياس و ارجع اشجع نفسي و اتوجع و اقفل علي جرحي ....عشت كل حاجه و نقيضها حرفيا .....بس طلعت بحاجه واحده .....ان مستناش كلمه معلش من حد انا بمعلشي لنفسي عشان محدش يجي فيوم يقولي انا كان ليا فضل عليكي
اتعودت اخد الي عيزاه و احارب عشانه ادام مش بضر حد ....مش بحب الست الضعيفه لان الدنيا بتهرسها
مش بحب الست الي بتستسلم عشان في غيرها مليون هيجرو ياخدو مكانها
اتعاملت مع جميع اصناف البشر ....عرفت افرق بين الصالح و الطالح ...عشان كده لما واحده بتكلمني حتي لو مش شيفاها قلبي بيحس بيها و بفهمها
كل وجع و كل جرح و كل اااااه طلعت من قلبي و هي بتدبحه ...كل دمعه نزلت مني و انا لوحدي ....كل سكينه اتغرزت فيا و ملقيتش الي يطلعها ..كل ده معداش عليا بالساهل اخد من روحي كتير...و بقايا روحي هي الي بتعامل بيها معاكم و بتخليني اكتب الروايات دي
بس اكتشفت حاجه مهمه كانت مفاجأه بالنسبالي
ان من غير ما احس لقيت كلامكم معايه سواء كومنتس او خاص بيرجعني للحياه تاني و بيسحبني من الضلمه الي كانت ماليه حياتي
عشان كده انا بجد بعترف بفضلكم عليا لانكم من غير ما تقصدو ساعدتوني من غير ما تعرفوني ....فالوقت الي اتخلي عني اقرب الناس ليا
اكتشفت ده لما كنت ببقي موجوعه و ببكي بدل الدموع دم و الاقي نفسي بندمج مع واحده بتحكي مشكلتها و بنسي الي انا فيه او حد بيهزر معايه في كومنت و الاقي دموعي نشفت و اتبدلت بضحكه بجد طالعه من قلبي
عشان كده مش عايزه حد يكون مدايق من طريقه كتابتي بس انا فعلا حابه انكم تستفيدو
لاول مره هقولكم ان في كل رواياتي في مواقف كتير حصلت فالحقيقه سواء مع ناس اعرفها او معايه انا شخصيا ...حبيت اخلط الخيال بالواقع يمكن حد يستفاد باي حاجه مالي بكتبها
يعني باختصار مش بكتب لمجرد التسليه كل روايه ليها هدف اتمني يكون بقدر اوصلو ليكم

بحبكم جدااااااااا بجد

فريده

💙قلب الباشا💙حيث تعيش القصص. اكتشف الآن