نوره : هاتي نشوف وش عندتس
وقالت وهي تشرب شاهي وتبحر بالنار
لي مدة والقلب تلعب به النار
كنه تلحف جمرة واحتضنها
قضيت ليلي ضايقه ومحتاره
وهم كلا حدب الضلوع وسكنها
ماغير اقلب ذكرياتي والاشعار
في وحدتي والناس محد ضمنها
عجزت الاقي فرحتي ضمن الاعمار
مني صغيره الهم روحي حضنها
تخيب هقواتي وهقواتي كبار
ياما تجد الروح ويخيب ظنها
مافوق جور الوقت شماتي كثار
محسوده عالضحكه ودافعا ثمنها
تلعب بي الدنيا وتاخذني الافكار
واجهز لروحي الحزينه كفنها
اميره : الله الله صح لسانتس
نوره : صحح بوحتس مبدعه
ريم : صح بدنكن يا عيوني
منصور سمع القصيده وسمع الغصه بصوتها
حس انه ريم ورا ضحكاتها تخفي جرح كبير
تنهد تنهيده طويله وهو يهوجس
ريم قامت للخيمه وانسدحت ونامت من التعب
ابو ريم : وليدي يا منصور جب لي مويه
منصور : ابشر بس وين المويه
ابو ريم : رح لخيمت الحريم اكيد ما بها احد
منصور : طيب
دخل للخيمه وشاف اللي لابسه فروته ونايمه
بحر فيها لثواني وهو يقول معقوله هل وغد بقلبها كل هل حزن اخذ المويه وطلع
ام ريم : قامت تشوف ريم لقتها نايمه مسحت على شعرها وهي تقرا عليها
بعدها صار وقت النوم والكل قام
ما فيه ثواني الا وعم الهدوء
الكل نام الا منصور وهو بالعاده ينام من اول ما يحط راسه
على المخده كان متضايق ومب عارف السبب وقرر يطلع يجلس برا
صحت ريم وكانت جيعانه حاولت ترجع تنام بس مافيه
فايده تذكرت انها جابت اندومي معها وقامت وهي تمشي
على الخفيف عشان محد يصحى
راحت للخيمه اللي مسوينها مثل المطبخ
بارت 28
حطت الاندومي على النار وجلست تتدفى مسكت الفروه وأبتسمت 😅
منصور جاء للخيمه وبحر من بعيد وشافها بالفروه حقته
صد عنها وسند راسه على الباب
منصور بصوته الحاد : وش مصحيتس هلحين وش جالسه تسوين تقل فاره
ريم بخوف : بسم الله انت اللي وش مصحيك خرعتني
منصور : ماقويت انام
ريم : وش السبب
منصور : مدري المهم تراني جيعان سوي لي معتس لاهنتي
ريم : ابشر بس كل واحد لحال
منصور : طبعا مانيب مجنون
ريم : عليك الشاهي
YOU ARE READING
حبيت لي وغد وذبحتني بعنادها
Randomمابغيتس من فراغ ولا تمنيتس عبث ولا ابي لتس نهاية ولا ادور لتس بديل 🥺♥️
