هــي الــتـي عـلـمـتـنـي كــيــف اعــشــقــهــا

Part 23

______________________________
(البر ) المغرب
بهاج جلس بالبر قدام الضوء وبيده كاسه شاهي ودخان ! يفكر ويفكر مليون مرهه يعني مو مستوعب ان نوره تسوي كذا ! وجهها مايناسب الاشياء هاذي وجهها اخلاقها ابداً ماتطابق الخيانه والاشياء الي كذا ومو مستوعب انه مد يده على بنت وهالبنت هاذي هي حبيبه القلب ! ماهو متقبل فكره انه لازم يقتلها عشان شرف عايلته !
مسك جوال نوره وفتحه ولاول مره يفتح جوال نوره هو كان واثق فيها لكن شاف رسايل المجهول لها وتهديده لها وتنهد بضيق : نوره ليش ماعلمتيني عشان ماتكبر السالفه كذا
وطلع من المحادثه بضيق ودخل الصور وشاف صورها الجميله والابتسامه الي ماتفارق وجهها وصورها هي وبهاج ولعبهم واستهبالهم
بهاج بضيق : انتي يانوره الي سويتي كذا وهدمتي كل هاذا !!
طلع من الصور ودخل الملاحظات ولقى ادعيه لها ولـ امها وابوها وبهاج! مانسته وجدتها وكل من تحبهم وتعزهم ولقى فضفضتها عن التنمر الي كان يحصل لها ايام الثانوي وعن عنف عمامها وكذالك عن عصبيه بهاج المتهوره كانت كاتبه 'بدايتها كسر ظفري كيف نهايتها يقتلني ' وفعلاً كانت حاسه ان نهايتها على يد بهاج
ابتسم بخفه من تذكر البدايات قال بهمس: اخخ ايام عنادك
وقفل الجوال بضيق مايبي يرجع البيت عشان مايفتحون معه موضوع قتل نوره

______________________________
(نوره)
صحت على اذان المغرب وفتحت عيونها بشويش وحاولت تقوم بس كل ماتحركت يوجعها شي وقدرت توقف لكن تشوف كل شي ثنين كانت دايخهه مرهه اتجهه للحمام (يكرم القارئ)وظهرها يوجعها مرهه تحسه مكسور جت بتتوضى ماقدرت ترفع يدها حاولت ترفعها لكن توجعها هنا تأكدت انها مكسوره وبكت على حالها الي تغير امس بهاج يضحك ويلعب معها واليوم مسجونه بالغرفه واذا طلعت بيقتلونها والقت نظره على المرايه ملامح وجهها مختفيه من كثر الكدمات الي على وجهها والدم والقت نظره على جسدها المليان كدمات ورضوض وبكت بحسره على حالها تتمنى بهاذي اللحضه حضن امها او ابوها وتوضت وهي تبكي وطلعت وفرشت سجادتها بألم وصعوبه تحركها ولبست شرشف الصلاه وصلت وتدعي ربي انه ينصرها وسلمت وقرأت القرآن الكريم وقرأت سوره الضحى (فَأَمَّا الْيَتِيمَ فَلَا تَقْهَرْ) وقفلت القرآن الكريم وجمعت يدينها وتدعي ويدها الثانيه ماتتحرك بس جمعتهم :يارب انصر عبدتك المظلومه يارب انصرني
وهي تدعي تبكيي والدموع والشهقات ماتوقف الينن نامت على السجاده وهي تبكيي .

______________________________
(الديره)
ام سحاب رجعت للبيت والهدوء يعم البيت بالعاده ضحكه نوره توصل لاخر الحاره مع صيته او بهاج لكن هالمره حست ان نوره فيها شي اتصلت على بهاج لكن بهاج مايرد واتصلت على ام عبدالله لكن كذالك ماترد اتصلت على زيد
ام سحاب : زيد وانا اختك وين النوريي؟
زيد بحزن وكذب: مع بهاج مسافرين شهر عسل
ام سحاب حاسه انه يكذب : ايه زين
وقفلت الخط واتصلت على الجد عبدالرحمن لانه هو الي يعطيها زبده الكلام
وفعلا اتصلت على الجد عبدالرحمن
الجد عبدالرحمن بضحكه: هلا ياجده الرخيصه ههههههههه
ام سحاب : وش تقول انت؟!
الجد عبدالرحمن: مادريتي؟ نوره خاينه بهاج وهي على علاقه مع ولد عمها
ام سحاب : وششش تقول انت نوره ماتحبب حمدانن
الجد عبدالرحمن بضحكه : وحامل منه بعد هههه
ام سحاب مرضها اشتد عليها وطاحت من طولها فاقده الوعيي
وقفل الجد عبدالرحمن الخط
اما عند زيد الي كان حاس ان اخته مزون تبي تتصل على الناس لين تعرف الحقيقه وركب سيارته واتجهه لبيت ام سحاب ودخل البيت وفعلاً لقها مثل ماتوقع مغمى عليها وشالها واتجهه لرياض اقرب طوارى لان الديره ماعندهم مستشفيات كبيره
دخل زيد يصرخ: هييي طوارى شي يجي يشوف حاله اختيي
الممرضه جابت السرير : حطها هنا حطها
زيد حطها بالسرير: طمنيني عنها تكفينن
الممرضه : ممكن توقف هنا ممنوع تدخل 
زيد : تمام
وجلس زيد بتوتر وشوي يقوم يدور ويفر والافكار تجيبه وتوديه ويفكر بنوره وهو ماهو مقتنع ان نوره تسوي كذا هو مربي نوره نوره مستحيل تسوي شي زي كذاا بس هيهات الصور موجوده
طلع الدكتور وفز زيد : ها تكفى بشر
الدكتور نزل راسه بحزن: مزون حالتها صعبه جداً هي عندها ضغط ومرض خبيث واكيد شي ضايقها مره وفقدت الوعيي وهي الان بغيبوبه
زيد بضيق: كم مده الغيبوبه
الدكتور : للان ماعرفنا
زيد : تمام مشكور ماتقصر
الدكتور : هاذا واجبنا
وراح الدكتور
زيد زفر بضيق وفك ازره ثوبه تضايق منها
وطلعو ام سحاب لغرفه العنايه المركزه وممنوع احد يدخل عليها وجسدها مليان اجهزه
زيد من حزن الشديد على حال اخته جلس على الارض بضيقق