انيي صح غلطان وماجان لازم اتصرف معاج هيج تصرفات وهاي ابد مو شخصيتي ولا بعمري هنت بنيه بس ما اعرف شجاني وهيج سويت بيج
ما اريد منج شي هسه اني جداً اسف واتمنى تسامحيني
نار:- ماحجيت شي ضليت ساكته وصافنه علي رجع حچه
باهر:- حقج شتسوين وشتحجين حقج تصرفاتي ماجانت توحي لشخص عاقل
نار:- گام على حيلو وحجه
باهر:- اخذي راحتج مراح ازعجج بعد يابه
نار:- اجيت اجاوبو وطبگت سيارة الأبتر يم المحل نزلت منها زهراء والأبتر من شافنه سوة طبگ حواجبو باوع علي شوي وشخط السيارة وراح
راح باهر واني دخلت ع محل لبست الصدرية واجت زهراء
زهراء:- نار شعندج واكفه يم باهر سوالج شي؟
نار:- ماسوالي شي زهراء بس اعتذر مني ع سوا بيه وراح
زهراء:- وصدكتي بي بهل سرعه؟
نار:- وليش ماصدك بي ؟ اجه واعتذر مني وراح الولد ماحچه شي ناقص ولا زايد
زهراء:- هم لاتثقين بي لاتنسين هذا باهر
نار:- تمام
بدينه نشتغل واني مالي واهس وگلبي زاد الوجع بي ماتحملت رحت على خاله ام حسن
نار:- خاله كلش تعبت وگلبي جعد يأذيني اريد اجازة ارتاح شوي
خالة:- يااا سودة علي تكدرين تروحين بناتي روحي بعد خالتج اذا تعبتي
نار:- تمام
طلعت من عدها ونزعت الصدريه وگلت الزهراء حروح
زهراء:- اسم الله نار شجاج خما حيل يوجعج گلبج؟
نار:- لا شوي نغزات هسه اروح ارتاح وتروح
زهراء:- ديري بالج على نفسج وطمنيني عنج عود
نار:- ان شاءالله
ودعتها وطلعت من المحل اجرت تكسي ورجعت ع بيت علگت الاضويه ودخلت سبحت وصليت
لملمت البيت وبخرتو شغلت قرأن ومن التعب گبل نمت
زينة
تونست كلش ويَ البنات وخلصت العطله وصار لازم اداوم خابرت حاتم يجي ياخذني
ودعت البنات وطلعت برا. انتضرو شوي وأجه
حاتم:- هلاا بحبيبة اخوهاا مشتاقلج يولي
زينة:- يمةة حتى اني كوومة مشتاقتلك شخباررك
حاتم:- بخير .. تونستي ويَ البنات ؟
زينة:- ايي كلش تونست فد حبابات
حاتم:- دومج يبعد عيني اليوم دوام تداومين لو على باجر؟
part 19
Start from the beginning
