တစ်ဦးတည်းသောချစ်ဇနီး(ကျန်း​ကျန့်)

တစ်ဦးတည်းသောချစ်ဇနီး

တစ်​နေ့နှင့် တစ်ည အနားယူအပြီး ​ကောင်း​ကောင်းမွန်မွန် စား​သောက်ထား​သော​ကြောင့် ကျန်းကျန့်မှာ ယခုလက်ရှိတွင် အနည်းငယ် အားပြည့်လာသဖြင့် ဆယ်ကီလိုဂရမ်မျှ​ ​လေး​သော ဓါးကြီးကို သယ်လာရသည်ပင် ပင်ပန်းသည်ဟု မခံစားရ​ပေ။ သို့​သော်လည်း အချိန်အ​​တော်ကြာ လဲ​လျောင်း​နေခဲ့ရသဖြင့် သူ့ ခန္ဓါကိုယ်က အလွန် နာကျင်​နေခဲ့​လေသည်။

​နွေဦး အ​စောပိုင်းကာလ၏ ​လေ​ပြေညင်း​လေးက အတန်ငယ် ​အေးစက်​နေ​သော်လည်း ထိုခန္ဓါကိုယ်က ​အေးခဲရမည်ကို ​ကြောက်မ​နေခဲ့​ပေ။ ၎င်းက ​ကောင်း​ကောင်းမွန်မွန် လိုက်​လျောညီ​​ထွေ ဖြစ်​နေဟန်ပါပင်။ ကျန်းကျန့်က အကြီးဆုံးကျန်း၏ မှတ်ဥာဏ်များကို စိတ်ထဲတွင် ​လှန်​​လှော​နေရင်း သူ့​ဘေးနားတဝိုက်မှ အ​ခြေအ​နေကို ​လေ့လာပြီး​နောက် ဤကမ္ဘာကြီးကို စတင် နားလည်သွားခဲ့သည်။

ဤ​နေရာက လွင်ပြင်​ဒေသ ဖြစ်​လေသည်။ ကျန်းကျန့် မြင်​တွေ့ရသ​​လောက် သိပ်မမြင့်သည့် ​သေး​ငယ်​သော ​တောင်ကုန်း​လေးတစ်ခုကိုသာ ​​တွေ့ရ​သေးသည်။ တစ်ချိန်တည်းမှာပင် လူဦး​ရေ ထူထပ်ကာ မြစ်​ချောင်းများစွာ ရှိ​ပေသည်။

ကျန်းကျန့်က တချီ၏ သမိုင်း​ကြောင်းကို မသိပါ​သော်လည်း ဤပတ်ဝန်းကျင်က ​ရှေးခတ်တရုတ်ပြည်နှင့် တူညီလုနီးပါး ဖြစ်​နေသည်ဟု ခံစားရသည်။

ဤဟယ့်ရှီရွာက မြစ်တစ်စင်း ရှိ​နေရုံသာမက ​ရေကန်များစွာလည်း ရှိ​နေ​သေးသည်။ စိုက်ခင်းများကလည်း ဆလတ်ရွက် စသည့် အသီးအရွက်များဖြင့် အပြည့်ဖြစ်​နေပြီး မီတာ နှစ်ရာ သုံးရာခန့် အကွာအ​ဝေးတွင် ဟယ့်ရှီရွာသားများ ​နေထိုင်ရာ အိမ်​လေးများက တစ်ခုနှင့်တစ်ခု ​ဝေးကွာ၍ ပြန့်ကျဲ​နေ​လေသည်။

ဤအချိန်၌ ​နေက မြင့်မား​နေ​လေသည်။ မြစ်​​ဘေးမှ ​​ကျောက်တုံးအဆင့်​လေးများ ​ပေါ်တွင် အမျိုးသမီးများက အသီးအရွက်များ ​ဆေးရင်း အဝတ်များ ​​လျှော်ဖွက်ရင်း
စကားစမြည် ​ပြော​နေခဲ့ကြသည်။

သူတို့က ကျန်းကျန့် မြစ်ကမ်း​ဘေးတွင် ​လျှောက်သွား​နေသည်ကို ​တွေ့​သောအခါ မည်သူကမှ တိတ်တဆိတ် ​နေတတ်​သော အကြီးဆုံးကျန်းကို မနှုတ်ဆက်လိုကြ။