لا تمر بخاطري مثل الغريب
و أنت صاحب دار و عيونك وطن
الهسه مصدومه من الصار وما مستوعبته الي صار شلون صار شلون سمحتله يقترب هيج مني اني الي محد لازم ايدي
جنت بين اديه مثل سعفه بمهب ريح شلون صار هيج
اول ماطلع هو اني شردت للغرفه جيت احمد جانت المنقذ اليه
دفنت راسي جوه الغطه واحس جسمي يرجف
عيونه انفاسه عطره
كلشي بيه ميرضى يطلع من راسي
يومين مرن واني حابسه روحي بهل غرفه بحجه تعبانه ومستحيل انزل اذا اسمع مجرد صوت ولد هو او غيره
اشكال الافكار براسي هسه شيكول عني هيج وحده سهله
وفكرة ليش هيج اقترب مني ماجاي الكاله تفسير وهب
مو الشخص الي اكدر اكول عنه جانت لحضه ضعف هذا شيخ وخطواته قبل ميخطيه الف حساب يحسبله
اصفن والكه روحي حاطه ايدي على شفافي اعيونه متفارك عيوني
وارجع اطرد هل افكار من راسي عشق المكان مو مكانج والبيئه مو بيئتج لا توكعين بيه وتتورطين
وارجع اصفن بجماله وشخصيته وهيبته اني مجنت مقاربه منه هيج بس جماله وهيبته مو شي عادي
عيونه بحر يغرك اكبر وحده
بس وهب من شفته وشافني يعارك بيه شلي خلاه هيج يسوي معقوله هذا الحب الي بعد الكره
وضعي صار من اسوء لاسوء
اني من يتازم وضعي النفسي اختنك وعلاجي جان بجنطه ساهر
خابرته كتله اريد علاجي كال انزلي للحديقه الخلفيه
جانت الساعه 2:30 بليل ماكدرت انزل وحدي كعدت فنار اصلا هيه مجانت نايمه
من نزلنه سمعت صوته الي خله جسمي رجف جان ورايه من كال
وهب
وين طالعات بهل وقت
فنار
شيخ عشق رايحه شوف اخوه تخربطت وعلاجه يمه
وهب
وانتي وين موليه
فنار
اكيد ماروح وياها لاخوهه اني انتضره بالمطبخ
وهب
اخذيه وصعدي هسه اني اجيبه واجي
عشق
جان يحجي ويتامر ماعرف ليش احس غضب اتجاهه اكيد لازم احس هيج ما اني بهل حاله من وراه
عفته يحجي ويه فنار وطلعت ماله حق يتحكم بيه ضعفتله مره مو معناها صرت تحت رحمته
وهب
بعد ماطلعت ورحت ويه احمد ودينه كرار للطوارىء مختنك شارب نركيله هواي ادري هذا الثاني شبي
جنت اخجل احط عيني بعين احمد واضوج وانفعل من هل فكره
رجعنه وصلناه لبيتهم ودخلت للصبح اني كاعد
طول النهار اني اجنب احمد وساهر
وهل عصبيه الي متملكتني اتعارك ويه الكل
مر يومين واني مالمحته كل مره تكمز هنا وهنا عبالك بيت ااخلفوهه بسس ماكو شنو الفلم
لا اكدر اسال وينه واصلا شكو سال
جنه بالمطبخ واحمد كال
احمد
منار اكلج شو عشق ماكو شعجب
منار
من البارحه نايمه بفراشه ماتقبل تنزل تكول تعبانه
احمد
خير شبيه خما مريضه
منار
والله ياخوي ماعرف شو ساكته هيه مو عادته
وهب
جانو احمد ومنار يسولفون عله عشق واني احس طلعت روحي ليش هيج الموضوع ينرفزني مادري
شبيك وهب تخبلت شنو علساس متدري هيه واحمد سوى
اخر شي شفت حسناء بت عمي اجتي
هاي الكائن الطيف الي مليانه هدوء مادري من اشوفه احس حيل ارتاح
صح مرات اضوج من تخلي مكياج بس جنه العافيه جميله بطريقه خياليه
جنت احجي وياها وصاحوني وطلعت
بعد مارجعت للبيت غير تالي اليل من راح الكل
واشوف هاي البلوه وفنارنازلات يردن يطلعن وهيه ماشاء الله لا حجاب ولابسه تراك احس روحي دخنت من شفته هاي وين متخيله روحه مطيتني ضهرهه شعرهه واصل لركبه تكول ليل الي فهمته صحته مو تمام وساهر جايبله علاج
ماعرف ليش ماردت احد يششوفه بهل شكل كلت لفنار تاخذه وتصعد اني طالع لساهر اشو هاي عافتني وراحت ولا كائن سمعت حجي لحكته اني الج اليوم
YOU ARE READING
متاهة العشق
Romanceبعدني بليلي أذكرها وبعدني لهسّة اذا طاريها مَر بالبيت لو سچينة بيدي "بلا وعي اعصرها" -ابراهيم المتيوتي
