ثأر الجموح (قيد التعديل)

البارت الثامن عشر

سحبتني جموح وكعنه اني وياهه بالارض نبجي ادفع بيه اريد اروح لا ياخذو رجعت راسي عليه واردفت
-جموح حبابه كولي الهم ما اريد ياخذو زين زين ياخذوني اني وياهم هاا هاا باعي جموح حبابه ورحي روحي جموح ما اكدر اعوفه جموح حبابه لاا الا جموح كوميييي حيرحون جموح حبابه

اضرب على صدره اريده تكوم تحجي وياهه بس هيه كاعده عفته وكمت طلعت بره لزمني لابد ملصت روحي منه جاي اروح وسحبني من خصري ويه شوغت روحي وكل جسمي انتفض من حركته ضربته راجدي حيل انسحبت منه وصرت بصف مسلم الي الشراره تطلع من عينه اعرف مو وكت عرك،رفعت عيني بعين مسلم واردفت
-اخذي وياك

مسلم:-لا مشمش اكعدي مو زين عليج

-لا كلهم راح يروحون ليش ما تاخذين مسلم حباب لا تكسر بيه

سكت واخذني للبيت صاح على روز جابت الي عبايه وربطه نزعني الشال ولبسني الربطه وحط العبايه على راسي تشبث بايدي وطلعنه،صعدني بسيارته واجتي جموح بصفي كعدت واجتي خاله ام مسلم بصفي هم كعد بالصدر حسين ومشينه الطريق كله اني ابجي بسكوت حذرني مسلم اذا بجيت يرجعني بقيت ابجي واسكت،وصلنه و زورناه كربلاء وبعدين النجف بقيت الطريق كله افكر واذكر كل لحظه كضيته ويه ابويه..

وصلنه للمكان الي يدفنون بيه،اباوع عليهم يدفون بيه ويقرون سورة يـٰس دموعي تنزل وحسيت صدري ضاك المكان ضيك فتحت الباب ونزلت تجيت نفسي على الباب وبديت اجر نفس حسيت ايد نحطت على صدري فزيت عبالي لابد بس طلع مسلم ابتسم بوجهي وتجيت نفسي ودحست راسي بصدره شد على ايده واني حسيت شويه وادخل باضلاعه فرفحت روحي من البجي وماكدر اسوي اي شي غير بس ابجي على ابويه وسندي وكلشي بحياتي ما شفته منه شي ما شبعت منه ما شبعت من حنانه وحالحنيه الي بصوته ما شبعت من حظنه وكلامه وغزله اليه ما شبعت يا ناس اريد ابويه..

راسي بحضن روز واني وياهه بالغرفه هيه تمسح على راسي وصوت الملا يطن باذني،شلت راسي من حضن روز وكلت اله تطلع راحت واني بقيت وحدي استرجع ذكرياتي صوت ضحكي وعياطي صوت كلشي من حجي وضحك ورزايل وصوت ابويه وهوه يدافع الي اذكر من يقتل حسين علمود كلي كلمه محلوه وبجيت من ضربني وابويا  ضربه جان حنين عليه وعلى حسين حيبنه ويعزنه ويموت على امي امي الي حاله اسوء من حالي يا روحي يا امي شكد عانت وصبرت ويه الكل وهسه هيه جاي تعاني حسيت نفسي بلا قوه بلا سند وحيده بين اربع جدران،سحبت المخده وحطيت راسي على غمضت عيني واستسلمت للنوم...

حلمت بابويه وكعدت مفجوعه جنت وحدي وحسيت اريد امان اريد احد ياخذني بحضنه ويدفيني ما اجه بالي غيره بسام الي يحبني ويخاف عليه مهما كرهته ابقه افكر بيه زاح كل كرهي بس لاني محتاجه دفو محتاجه احد يطبطب عليه،ملصت روحي من الفراش ولبست طلعت من البيت من الباب الوره اتمشيت واني اعرف وين رايحه رايحه اله اجرت تكسي واطيته المنطقه بقه ساكت وكال راح يوديني للكراج ومناك اخذ تكسي وافقت وداني واخذت لمنطقتهم وصلني وراح بقيت اباوع بين البيوت ياهو بيتهم حسب وصفه الي بيتهم مو كلش بعيد عن ضف النهر بقيت امشي ولمحت وحده تشبه غادة لان شفت صورته شفته امشي بتجاه بيت رحت وراهه وكفت ودكت الباب شفت شمس فتحته وبدن يحجن اطته شي ورجعت..