|[ عـــرش الـرولـيت ]|

ASKO..33..

وضنت انو هيه انحرمت منه للأبد
صارت تطبع قبل متفرقة على جسمه وجهه
حتى ثغرة صارت تتسابق حتى تاخذ أنفاسها

وي كل نفس تاخذه تحس روحـها رجعت
للحياة طول هاي المدة أبنها جان كدام عينها
تحجي وياه دخلته بيتها بس ما تعرف وهذا
اكثر شي قهرها

-: يا يمة اسم الله اعلى روحك اسم الله
على طولك يمن روحي اعلى روحك
كضيت سنيين وانا ابچي على فراكك
طلعت قريب مني وما عرفتك

باسته بخده شمت ريحته

-: اخخ ريحتك تذكرني بأبوك
تذكرني بايامنه الحلوة يبعد روحي من ساعة
ما رحت كلشي راح بعد لا حياة بقت ولا حتى
سعادة

-: افديك بروحي بس اشوف عيونك مرة ثانية
افديك بكل حياتي بس اسمع صوتك
الما ينمل منه عساها بعـدوينك هل نومة

تمنيتك بيوم تصير أبني ما جنت
مخليه أبالي تتحقق هل أمنية بعد ما نفترك
بعد ما أخليك بعيد عني توني ياله لكيت
روحـي شلون أعوفها ؟؟

ولو عندي عتاب بس ميخالف اصبر
وتحمل جنت ازورك بالسجن و گلبي يحترك
نار عليك بكل صلاة ادعي تطلع بأسرع وقت

وانتَ جنت تعرف انا أمك شلون طاوعك
گلبك تسكت؟.

شنو من قوة شايلها بحيث حتى ما تلبكت
ليش ضميت عليه ليش عندي عتاب وياك
للصبح ما يخلص

قبلت أيده وتمسح بدموعها
مشاعر ما نكدر نوصفها وصف دقيق
مشاعر بين أم التقت بأبنها بعد سنين طويلة
عـذاب صعب انا كـ كاتبة اوصفها بس بالنهاية
خلونا نعيش كل لحظة بلحضتها وياهم

تحركـت ايده
فزت تباوع لزمت ايده تحجي
بلهفة

-: افتح عيونك يبعد أمـك
لا تستسلم حاول تفتح عيونك النومة
هاي مو زينه الك

ماكو أي حركة
بچت بحركة قلب

بهل اثناء انفتح الباب

-: خلص الوقـت الدكتور على جيه
يفحص السجين ياريت تطلعين بسرعة

رفعت راسها وحجت
:- بس هذا أبني شلون اطلع
مو من حقكم تحرموني من أبني

تنهد

:- بداعت أبنج طلعي ما نريد مشاكل

هزت راسها ما عدها حل دنكت طبعت
قبلة على جبهته شمت ريحته وطلعت..

روليت..

اجه الدكتور يفحص عقاب وبنفس
اللحظة طلعت خاله ريناد تلكيتها رادت توكع
لزمتها باوعت عليه بنضرات عتب ماعرف لوم
ما فسرتهن بس بكل الأحوال شي اكيد راح تزعل
وتاخذ على خاطرها