جوهرة عيناه

بارت ٧

pov عبد العزيز

من سمعت هذا الكلام من امي كمت بسرعه باقصى سرعتي من كعدتي اني واصدقائي... وكمت حتى ما اكدر اتنفس طكيت سويچ الدراجة وركضت للمستشفى ركض
دست بانزين باقصى سرعتي.... وبس اصيح جوهرة وجوهرة احس تخبلت وجاي الوم نفسي كله بسببي عفتها..... جوهرة (خنكه)

......................................

عبد العزيز pov

وصلت للمستشفى وتلكتني علياء... وتكول خويه الحكني
ذيج غرفتها رقمها تسعة...

دخلت لغرفتها وشفتها على السرير مال مستشفى
ومعلكين الها مغذي و بايديها اكو كدمات... مال ضرب
وجانت نايمه...

طلعت من الغرفة وشفت امي وكلت...

عبد العزيز: معقوله امي لهلدرجة انتي سيئة وما عندج ضمير(بصوت عالي) والعصبية طاكتني فول

علياء: ولك عبد العزيز نصي صوتك اكو ناس ويانه احنا مو بالبيت

عبد العزيز: ما انصييييي

علياء: عزااااا لك كافي عصبيه لا يصير بيك شيء...

سارة(ام عبد العزيز): لك متستحي تعلي صوتك علية
علمود  مرتك انعل ابوها لابو هاي الفصلية  ...

عبد العزيز pov
صرت عصبي كلش من كالت امي فصلية على جوهرة
من العصبية ما كمشت نفسي وضربت الشباك الي بصفي
واطشر الكزاز مال الجامة...

ميس: عزا هاي كبت خلي ادك على ملهم🐍.

علياء: ولك عبد العزيز كافي لخاطري كافي

سارة: هاي هيج جاي تسوي علمود فصليتك وهيه شهر ما صارلها يمك...؟ بسيطة اني الك...

علياء: يمااا وين رايحه عبد العزيز هسه اجي خليك هنا
بلا زحمه يا ممرضة بس سوي ايده...

عبد العزيز pov

طلعت امي وفرغ المكان و الممرضة سوت ايدي
دخلت للغرفة يم جوهرة.... وكعدت... من النوم
وكالت

جوهرة: عموووو

عبد العزيز:(ضليت ساكت وخليتها تحجي)

جوهرة: عمو، عمة سارة ضربتني... انت كلتلي لا تسوين شي .....!

عبد العزيز: اي صح....

جوهرة: بس كل هذا وضربتني....(بجي) اريد بابا
ما اريدكم رجعوني لبابا....

عبد العزيز: بس اهدي شويه واني اوديج لابوج
هسه خلينا نرجع للبيت.... شكلتي؟

جوهرة: معليههه هسه اروح يم بابا(بجي)

عبد العزيز: هسه اسوي الاوراق مال خروج واجيج...

...........................................

جوهرة pov

طلع عبد العزيز وضليت بس ابجي واريد ابويه واريد خالة رحمة واخواني محمد وعلي و رحيم