"حبك بين ضلوع الصدر"

...•••....
الـبـارت الـثـالـث
طلعو الحوش و ريماس الي راحت المطبخ تجيب الصواني الي سوتها و عزوز يساعدها و شاف صينيه المكرونه البشميل :يالله من سواها والله مشتهيها بس ناسي اسمها
ريماس :من في غيري يطبخ ذا اول شي ثاني شي امسها مكرونه البشميل ثالث شي سلم علي سلام الشكر لاني كنت حاسه انك مشتهيها
عبدالعزيز بطقطقه :اول شي ان شالله حلوه ثاني شي اسمها صعب ثالث شي تبطين اسلم عليس بس يعطيس العافيه
ريماس بطرف عين:لو ماقلت بعطيس العافيه والله ماتاكلها
صحك عبدالعزيز وطلع عند اخوانه :وينكم تاخرتو
عزوز (عبدالعزيز):ماتعرفون اختكم لو ماتسوي سالفه ماتكون ريماس
ريماس وهي شايله صينينه الحلا:احمد ربك ان عندكم اخت مثلي
الكل:متى يجي الي امه داعيه عليه
ريماس:وش قصدكم انت وياه هاه
سحب فهد شعرها:الي فهمتيه
نطت ريماس عليه :كم مره اقولك ما تسحب شعري شكلي بنتف الشعرتين الي فوق فمك (تقصد شنبه)
سلطان:الله الحين شنبه الي كثر شعرس صار شعرتين
[شنب عيال ابو سعد كثير و كثيف ]
و بعد مكلو و شبعو تهاوشو مرا ثانيه و قامت ريماس و كبت عليهم المويه و انحاشت وهي تضحك و صقعت في ابوها الي صحاء من ازعاجهم و هاوشهم و رحو كل واحد ل فراشه و سحب ريماس :امشي انتي امشي ماضني فيه بنت مثلس شيطانه
ريماس بتوتر:يبه هم الي غلطو علي وانا مرضا علي
سحبها ابو سعد جواء البيت :ادخلي و ارقدي وياويلس اطلع وملقاس
ريماس الي خافت ان ابوها ينيمها معه هو و ام سعد:ابشر يبه من عيوني
ابو سعد ببستامه داخليه :يلا يلا و خلي عيونس لس
ريماس:اذا ما عطيتك عيوني اعطيها من
خبطتها ابو سعد ب عصاته:رحي يالله
راحت ريماس و ابو سعد يضحك منها ومن لسانها الي ينقذها منه
..••....
اليوم الثاني ب الصباح كل عاده قام ابو سعد ويصحي عياله لصلاة الفجر :يالله يعيال قمو الصلاه لاتاخرون عشان نطلع سواء
عند العيال الي قامو على صوت ابوهم و يصحون فهد واخيراً قام سلطان: فهد حنى ل متى نصحي فيك استح على وجهك وقم على طول كب الرباده عنك
فهد الي باقي فيه نوم:يالله صباح خير وش تبي انت نايم على قلبك
عبدالعزيز:هدو يعيال بعدين ي سلطان خله هو الي بياكلها من ابوي
سلطان قام عشان يوضي :اعجلو لايعصب ابوي
قامو يوضون و طلعو مع ابوهم الي صافين حوله و ابو سعد قدامهم ووصلو المسجد وقرر ابو سعد هو الي يصلي ب اهل ديرته ووقف و اقام و كبر خلصت الصلاه ورجعو البيت
ريماس :حي ذا الصوت يبه جلعنا مانفقده
الكل :امين
ابو سعد: قم ي فهد شب النار و انت ي عبدالعزيز سو القهوه و الشاهي وانت ي سلطان رح ل امك شف وش تبي اتجه كل واحد لشغله
سلطان الي راح ل امه و سلم على راسها:يالغاليه تبون شي اسوي شي
ام سعد:لا ي ابوي يعطيك العافيه
سلطان:يعافيس يارب الى سعد متى جاي
ام سعد:يقول قبل الظهر بمشي و يمكنه الحين مشى
سلطان:يوصل ب السلامه
عند ريماس الي تسوي الفطور و تتحلطم :اف ياربي يمه ليه ما تجيبون خدامه تعاوني انهد حيلي
ام سعد:توس بدايه حياتس مسرعس تعبتي واذا باقي معرستي اذا اعرستي وش بتسوين
ريماس الي انصدمت من طاري الزواج الي فتحوه اخوانها و امها بنفس اليوم:ومن قال اني بعرس بقعد على قلوبكم
ام سعد بطرف عين:ومن قالس اننا بنشاورس اذا جاك عريس بنوافق عليه على طول
فهد الي كان واقف عند الباب و سمعهم :اوهه ي حلوه اللبن اتفق معس للمره المليون و ب اوفق عليه قبلكم كلكم خل نفتك منها
ريماس بقهر و بطرف عين :خل احد يسويلك اكل اخر الليل ولا خل احد يفتح لك الباب اذا سمرت عند فرج