ثأر الجموح (قيد التعديل)

البارت الخامس عشر

ثائـر:-ماشي

_بسام ميعرف مو حتى باهـر

ثائـر:-لا محد يعرف لتخافين

هزيت راسي وهوه اخذ جعفر وراح سحبتني مروه من حضن خاله ودخلتي لغرفته اتمدت على الچربايه وهيه يم راسي اقره قرأن نزلت دموعي من اذكر الموقف ما اتخطيت صدمتي الاولى هسه اخذ الثانيه بقيت ساكته فتره طويله وكل شويه افكر بشي تفكيري مو صافي حتى اكدر احجي ويه احد او افهمه او احد يفتهمني شبيه احد يعرف يدليني على الطريق الصح ياخذني بالاحضان يلملم شتاتي غمضت عيني وتمنيت انا بحضن بسام يمسح على راسي يبوسني يحسسني بالامان بعدت من مروه واردفت
_اريد بسام مروه حبابه كولي اله خلي يجي

مروه:-اشش تعالي عمري

اخذتني لحضنها وتمسح على راسي شديت على حضنها اكثر وجسمي يرجف بلعت ريكي وخوفي بعده خايفه يرجع مره ثانيه ويسوي شي اكبر كل ما تجي الفكره براسي اخاف اكثر بعدت من حضنه ورجعت اتمدت غطتني وطلعت بقيت كاعده وقت طويل سمعت لاذان كمت من الفراش شفت نفسي بملابس مروه ما اذكر شوكت غيرت الي دخلت للحمام الي موجود بالغرفه اتوضيت وكفت اصلي خلصت وسجدت بقيت ساجده ودموعي تنزل شحكت وبعد ما اكدر اكمل كلهم اذوني محد بيهم جاي يصلح بيه بسام مجاي يهتم الي ولا احد امي ما ادري شصاير بيها رفعت راسي حتى لا تنزل دموعي بعد غمضت عيني بقوه وكمت من السجاده طلعت ورحت على تلفون جموح اخذت رقمه ورحت للغرفه دكيت عليه جاوبني
_انا شمس

:-ومنو انتِ

_اخت بسام

:-ومين جبتي رقمي

_من جموح

:-ليش داكه وبهل وقت .؟!

_راح اسوي شي وانتَ ساعدني ما اكدر احجي ويه البنات لان هذه الشي مو بينه تكدر تسوي

:-شنوه

_بسام عده ملهه وهناك يحط كل شغله لا تسائل منين عرفت لان اعرف المهم لازم احد يروح هناك ولازم لازم يخليلي بسام يثق بي مثل ثقته بـ عمر راح يخلي الشغل عليه ويخلي ترتيب البضاعه عليه جنت اسمع باهـر يحجي هيج وياهه ويكله نخلي عمر لازم احد يصير بمكان عمر حتى يكدر يجيب ابنه معلومات وانا راح ارجع لبيتنه حتى اجيب اكثر معلومات

:-وانا شون اثق بكلامج

_روح للملهه رحت اله البارحه منطقه البتاوين من ادخل اله اول فرع ادخل ويجيك الملهه

:-وانتِ شمدريج بكل هذني

_كلت الك لا تسائل لان هذه شغل اخويه واكيد اعرف بس جنت جاهله عن هواي اشياء وهسه اتوضحت اليه سوي الي عليك وانا اسوي الي عليه

بقه ساكت فتره واردف
_ماشي بس مو اتكسرين الاتفاقيه

_لااا لتخاف ما يصير شي