غَياهب الأيهم

part 30 والأخير

إيه صحيح أني هويت، حتى إسمي أني نسيت
لما قال إيه تعال إحضني بوقتها

أدري ما يكفي الكلام يجنن إحساسي الغرام
وأني مغرم أني أحبه أني عاشق يحبني قالها
وأخيرا قالها، قال أحبك قالها

يماااااييي يحبني افتريت بالغرفة أحس الدنيا مسايعتني من الفرح

ورا ساعة امي صاحتني نزلت والخجل تملكني

ام سرى:بنياتي كبرن واتزوجن والحمد الله وحده تجي يمي ووحده تروح

سرى:دمعت عيوني مجرد فكرة اتركهم رحت حضنتهه وبجيت وهية تضحك لأن تدري بية دريت

ام سرى:خايبة طلعتي تعرفين بالسالفة واني شايلة هم شلون اكلج جا خوش شنو رأيج

سرى: أريد اضل يمكم

ام سرى:ها تردين تضلين خوفي انتي تشردين بي

سرى:يممةة شايفتني وبعدين هو خل يجي يمنه مااروح واعوفكم

ام سرى:اي بعد يمة تردينه هو بمكانج يحبل ويجيب

سرى:عزززة بعيني هو هيج حجية

ام سرى:روحي خل اخوج من يجي احاجي واشوف رأيه

سرى:هو اخوي راح يسكن بيت ريم هم نشوفة

ام سرى:وشنريد من عنده أهم شي مرتاح وفرحان خلي مااريد من عنده شي

سرى:خوش لعد اني اروح انام

ام سرى:تعاي شوفيلج شغلة بدل النوم

سرى:اختصار للأحداث أيهم وافق بعد معاناة وكل يوم مصعب يمنه يقنع بي وهكذا تمت الخطوبة وحاليا اني الي اسبوع متزوجة

مااتطرقت لأحداث الخطوبة لأن مبيهه شي مميز غير الغزل وأحياناً تصير مشاكل بين كل اثنين وحتى تفاصيل عرسي مذكرتهه لأن مااشوف بيهه شي مميز الي ردت افيدكم بي

من خلال قصتي أن شمهما يصير خلو عائلتكم هية سندكم وشيصير وياكم بلغو طرف من العائلة كل الشغلات الي صارت وياي من مكر وخبث الأقارب وغيرة وحسد

جنت اكل لأيهم خطوة بخطوة حتى من كنت احجي وي مصعب أيهم جان عنده علم لاتنجرفو ورا مشاعركم وخلو كلشي بالحلال حلو

وأخيرا وليس أخرا

الخير بما اختاره الله

لهنا ونترك القلم بخصوص بطلتنا سرى وماهي إلا لحضات قليلة ونترك أبطالنا جميعاً

........
ريم

من دخلت للدكتور رجعت علي كل الذكريات أصعب مرحلة هية الأولى وعانيت بسببهه طلبت أيهم يكون وياي أول شي عارض الدكتور بس من شاف حالتي

قرر يدخلة واستمرت مراجعتي للدكتور واتحسنت نفسيتي رجعت أقوى من قبل بس يم أيهم ارجع طفلة بعد زواجنا أمي ضلت يم خوالي