نار:- سكتت وجهت نضري ع شارع وماحچيت شي
تنهد ورجع حچه
الأبتر:- ناار ليش تضوجيني؟ تراا كلبي خلصان رحتي وانتقلتي وما حچيتيلي دورت عليچ وگلبت الدنيا وما. لگيتج وهسة طلعتيي جيران البيت.
بقيت ساكته واباوعله وعاضه شفايفي احس كان شوي اثر بيه كلامو
هوه مركز بعيوني بشكل فضييع يباوع لملامحي رجفت من لزم ايدي ردت ابتعد وثبتني وحچيت بهدوء
نار:- كافي بتار .. رجعني للبيت
تنهد وطبگ حواجبو وگال
الابتر:- هذا اخر كلام؟ ماتريدين تحچين وياي!!
سكتت وصفنت شويه وهزيت راسي بـ اي وهوه عافني وشغل السياره ومادحگ بوجهي واني بقيت دايره راسي ع الجام
بس اسمعو يذب حسرات اكو شي بداخلي يگول هذا الخيار احسن وشي ثاني يگول نار غلطتي
وصلني للبيت وشخط السيارة وراح
فتحت الباب ودخلت لگيت زينة تنتضرني شافتني وطفرت علي
زينة:- هااا ولجج شصااار بينكم شسوة الأبـتر؟
نار:-اخذي نفس وأحجي شجاج
زينة:- اهوووو هسة أحجي شصار بطيتي كلبي
نار:- تنهدت وكعدت. ع چرباية وحچيت
- ما راد شي بس سئلني على سبب اختفائي
زينة:- اييي وشگلتي انتِ؟
نار:- ما حچيت شي بس كتلو رجعني ع بيت
زينة:- لاتصيرين ثولة عااد ليش ما گلتيله ناار
نار:- سكتي زينة لا ادفرج من الجرباية اريد انام
زينة:- ضلي ضلي هيج أمداج
نار:- گلبت عيوني وگمت بدلت ملابسي وغسلت زينة جانت نايمة شمرت نفسي ع جرباية وصرت أفكر
ضلت الأفكار براسي ماكدرت انام گمت غسلت وجهي وفتحت الشباچ
لفح بوجهي الهوا البارد غمضت عيوني وتنفسـت براحة
سديت الشباچ وطلعت اتسحب شوي شوي برا تا ماتكعد زينة
كعدت بالحديقه وصفنت ع نجوم تذكرت اليوم ما سقيت الورد
گمت من مكاني فتحت الحنفية وأجيت ارش بالحديقة والورد
صرت ألعب بالمي وأرش المي فوك وينزل على وجهي واضحك رحت گعدت عند الورد وصرت احچي وياهن عبالك هن بشر
:- اسفه اليوم نسيت ماسگيتچن .. كله بسبب الابتر اووف والله تدرن ماصدگت راح ارجع التقي بي
.. اني كلش ضايجه وزينه نايمه عادي احچي وياچن مو؟
سكتت شويه وگمت اضحك على نفسي تخبلت وگاعده احچي ويَ نبات كل عقلي
شميت ريحة جگاير وسمعت الباب يندگ عگدت حواجبي بتساؤل وخوف منو اليدگ الباب بهالساعه والوقت متأخر
part 16
Bắt đầu từ đầu
