حب مرفوض

الفصل الثالث

جيت نمشي تلاقيت بصالح واش المحاربة بديتي الحرب ولا مزال صحكت لا مزال _كي تبداي خبرينا ،خلاص انت اللول ـتغذيتي ولا مزال، لا مزال _واش رايك نخرجو نتغداو انا وياك جيت نهدر حتى شفتو قاعد على الكرسي وداير رجل على رجل هاز حاجبو ويشوف معايا باستهزاء شفت مع صالح دقيقة برك ونجي رحت عندو وقفت قدامو شاف معايا من الفوق للتحت من الصباح وانا نعيط وبالي مشغول عليك وعقلي يدي ويجيب ونخمم فيك ونقول الطفلة واشبيها واقيلا كاش ماصرا معاها كاش ماعندها مشكل مريضة مقلقة مقهورة وفلخر خرجتي راكي هنا وغالقة تليفون وتضحكي فرحانة، لاه واش كاين ناض وقف لامكان والو سلامة راسك  ظهرت مقلق عليك باطل هيا ملا انا نخليك مدامكي لباس هذاك هو المفيد جا يمشي حكمتو من ذراعي شاف مع يدي جبدتها شاف معايا ،معليش نهدرو فالجاردا _ايه نهدرو علاه لالا هيا امشي قدامي نشوفو واش راح تقولي خرجنا للجاردا وقفنا في كوانة تحت الشجرة فالظل ـ اهيه راني نسمع ،وشنو _قلتي نهدرو لالا ،ايه _راني نسمع بقيت مهبطة راسي وساكتة الكلام ضاع من فمي ديجا ماعلباليش واش نقولو _راني نسمع رفيدة شفت معاه ماعلباليش واش نقولك _قولي واش تحبي مهم اهدري بقيت ساكتة _هيا رفيدة اهدري ،لا خلاص والو سمحلي كي عطلتك تقدر تروح جيت ماشية حكمني من يدي درت عندو طاحت عيني في عيني قدم عندي دار وجهو في وجهي  واشبيك انتي واش حكايتك من البارح نحس فيك ماكيش نورمال كاش ماصرا معاك كاش مادرتلك غلطت معاك فالكلام قلقتك قولي اهدري ،لالا _هاه واشبيك ،والو _وعلاه حاستك تتهربي مني نعيط ماتهزيش غلقتي تليفوتك صباح شفتيني ودرتي روحك ماكيش شايفتني ،مكان والو _لا كاينة حاجة بصح ماعلباليش وشنو هي ،والله ما كاينة حاجة جيست مانيش مليحة_ ماكيش مليحة مني انا ؟ ،لالا ماشي منك _ومن واه ملا ،من نفسي _كيفاه من نفسك ،مقلقة من نفسي راني كارهة روحي _كارهة روحك علاه انتي تتكرهي شفت معاه وعلاه ما نتكرهش _ملا صح ماكيش مليحة مدام كرهتي روحك بقيت ساكتة _رفيدة طلعت راسي شفت معاه اهدري واشبيك كاش ماعندك مشاكل كاش ما خصك كاش ما تحتاجي راني هنا نعاونك درتلو براسي لالا بقا يشوف معايا وانا مهبطة راسي _ماتحكليش واشبيك ،ماشي ضك _وقتاش تحكيلي ،مانعرف_خلاص خوذي راحتك كي تحبي تحكي راني هنا نسمعك درتلو براسي ايه _وعد ,وعد _صحا سمعت هذاك الطبيب يقولك نروحو نتغداو ،ايه _كاش ما بيناتكم ،لا والو  ديجا اول مرة يعرض عليا نخرجو نتغداو  علاقتي به طبيب وفرملية برك _علاه انتي حابتها تكون كثر من هكذا ،لالا _راح تروحي معاه ،لا مانيش رايحة معاه مانحبش نتخطى حدود العلاقات مع الناس _واش رايك تتخطايها معايا ونروحو نتغداو بقيت نشوف معاه _هاه واش رايك تروحي ولالا ديجا راكي تساليني دين ،تاع واه _كيما سلكتي عليا البارح ضحكت والله على جال الفين فرنك تخلصلي غدا _هيا برك مانطولوش قبلت بلا تردد هو خرج وانا دخلت تلاقيت ب صالح واش رفيدة نروحو نتغداو ،لا مانقدرش بصحتك زربت دخلت علبالي راح يحبسني ويسقسيني هو عندو بزاف فضول من جهتي يضل يسقسي فيا حوست على سمية لقيتها تتغدا كاش ماعندك مكياج _علاه ،عندك ولا ماعندكش _مانعرف شوفي في صاكي كاش ما تلقاي حليت صاك لقيت مسكرة وبريو لاف وردي درتهم شفت مع روحي فلمراية لابسة روبة فلوري خمار كراب نوار صندالة بلا هزيت صاكي درت الشابو الشمس تصرع  خرجت لقيتو فالطوموبيل يستنا كي ركبت شفت صالح كان مڨاري وراه شافني كي ركبت معاه غلقت الباب درت عندو ماطولتش عليك ياك دارلي براسو لالا وعينو على فمي  علاه دايرة هذا لفمك ضحكت درتو برك ياك ما يبانش بقا يشوف مع فمي ممبعد شاف معايا ولا دور وجهو شعل طوموبيل مشا