حب مرفوض

الفصل الثالث

بقلم هوس ريجا

تكيت على الكرسي عندي فترة مانيش طبيعية عقلي وبالي غير معاه نخمم فيه صباح وعيشة قد ما حاولت نحيه من عقلي ماحبش يروح ساكنلي في مخي  تسحرت بيه ومن الفوق سمية لعبتلي في راسي راح نهبل وخلاص عقلي تشوش نضت خرجت شفت سمية واقفة مع جماعة فرامالة وطبة وقت استراحة ومعاهم آجو يكون فالربعينات من عند ربي هذ الانسان نكرهو ومانطيقوش يضل يهدر على بنات ناس ويعس فيهم حتى هو ديما يتجنبني خاطر ديما ننشعو نسمع فيه يقول لسمية انتي ضك فاتت قطار الزواج راكي فال40 شكون يديك تاخذي رايي روحي ديري فيها عمرة اغسلي عظامك وهزي السبحة واستناي الموت ويتمسخر  بها وهي تضحك وعلبالي هي مالغري تضحك بصح يقسيها لكلام بقا يضحك عليها ويتمسخر بها وسط الحماعة سمية مسكينة نية وعاقلة غير تضحك تقلقت منو كي بقا يضحك عليها راح نطرطق منو قلت نضربو بكاش حاجة نفسدلو خليقتو رحت عندهم وقفت فوق راسو هو قاعد على الكرسي مكسل رجليه جاي قصير وسمين واصلع حطيت يدي على جنبي شفت معاه من الفوق للتحت بتقزز وعلاه ماتروحش انت تغسل عظامك  وتهز السبحة وتستنا الموت حتى انت مابقالكش قد لي راح نتاجك راهم يزوجو في ولادهم _مزلني صغير انا، واش الصغير فيك وانت قد الارض ـ انا قد لرض ولو كثر منها ماشي عيب خاطرني راجل نجيبها مولات ال16 سنة ضحكتلو ضحكة مصرية مستهزئة مولات 16 سنة تقبل بك انت ـ ايه علاه ماتقبلش واش خصني انا اذا على عمري نورمال ضك ڨاع عادو يدو تاع ال16،هي صح لبنات تاع ضك يدو تاع ال40 بصح ماشي اي اربعيني ـ علاه زعما،  ها ارعيني على اربعيني يختلف ـ فاه يختلفو ڨاع كيفكيف، نعطيك مثال اربعيني كيما انت يخلص مليون لشهر ماشي كيما اربعيني يخلص 20مليون لشهر، مكانش منها هذه انا راجل وهو راجل، حتى الراجل على الراجل يختلف ماشي ڨاع الرجال كيفكيف، ياودي راكي غالطة ضك كون نروح نخطب مولات 16 غير يعطوهالي على الصباح هي بحوايجها، قول والله غير يمدوهالك هي بحوايجها انت جداتي لي في عمرها 70 سنة تعافك وما تقبلش بك وماتزيدش تعاود الهدرة هذه تاع بنت 16 تقبل بيا راهم يضحكو عليك ـ علاه مانقبلش بيا واش خصني والله ننوي غير يعطوهالي باطل،يعطوهالك باطل  يكون عندك فيلة ومرسيداش وكونت بونكار وتصرف الاورو والدولار هنا صح تقبل بك وتكون غبية اذا ما قبلتش بك ، ماشي ڨاع نسا كيفك يحبو دراهم، وانا علاه نحب دراهم نسيت انا بنت من عوج فمو ماعجبوش كلامي، واش كي هدرت صح ماعجبكش الحال تحوسني نكذب عليك كيما راك تكذب على روحك ندي بنت 16 لي تديك انت تندب بك  ولا كلات راسها غير حط رجليك في لرض وركح روحك وانت اذا طارتلك عجوز مطلقة احمد ربي وعاود ـ هذاوين فهمت راجلك علاه طلقك، حاشا لي يطلقني مزال مازادش انا لي طلقتو وامثالك انت وهذاك المخنث نعفس عليكم ونفوت شاف مع سمية اديها منا راهي بدات تخلط فالهدرة ونحصل فيها، تحصل فيا قول والله يا يما خوفتني درتلي الفضول علبالك نوض وريلي واش دير جبدتني سمية من يدي واشبيك شعلتي فيه كان غير يڨصر، مكانش يڨصر كان يهدر صح وانتي ماتزيديش تخلي واحد مايسواش قشرة بصلة فايحة يستهزء بك قبل مايهدر عليك يروح يهدر على روحو معفون توالات يدخلها بلا مايغسل **** وجاي يهدر على لالاه ويقولها القطار فاتك واش دخلك انت تصرف عليها ولا هازها فوق راسك ودور حتى راك مقلق على زواجها ناض عندي واشبيك انتي احترمي نفسك، انت لي تحترم نفسك وتبركا ما تطعز فالهدرة ماشي كي شفتها ساكتتلك يعني عاحبها الحال هي راهي ساكتلك خاطر حاشمة منك و انت مابغيتش تحشم على روحك ـ وانتي  واش دخلك ما فهمتش هدرت معاك، انا دخلت روحي واش راح دير ـ روحي احشمي على روحك روووحي، وكي مانروحش واش راح دير ـ انا نوض نروح خير قبل ماندير فيك جريمة، خوفتني ناض خرج الغاشي دار بينا داتني سمية معاها واشبيك انتي،  وانتي علاه ساككتلو ـ واش ندير معاه نوض نسبو، ايه سبيه باه يتربى عليك ديما يديرلك هكذا ويضحك عليك الغاشي وانتي كالهايشة تضحكي دخل صالح هذا يخدم  طبيب تاع ضروس اكثرية نخدم معاه هو، ـ رفيدة واش دارلك لاجو، مادارلي والو ـوعلاه تقابضتو، هكذا باه يتربى، رفيدة عيب عليك الراجل ماشي نتيجك باه تبهدليه هكذاك، وهو نورمال يبهدلها ويضحك عليها الغاشي، شكون هذه، شحال من مرة وهو يضحك على سمية ويجرحها بالهدرة قدام الغاشي عندك نورمال هذه ولا كعاد كبير يجوزلو كلش كل واحد يعرف حدو  كبير ولا صغير ولي مايعرفش حدو نعرفوه نحيت الطابلية علقتها وخرجت جبت صاكي وجيت ماعلباليش واش بيا مقلقة .
خرجت لبرا الساعة قريب 6 جيت نمشي فجأة لمحتو يمشي من بعيد  لابس اونسومبل بلو سيال تريكو سامبل مكتوبة فيه كتيبة بالابيض وشورت فايتة ركبة شوية باسكات بيضة وساعة شعرو هابط على جبينو يديه فالجيب و بنتو تمشي قدامو لابسة نفس الستيل واللون دايرة شابو تروح تجري وترجع عندو تحظنو وترجع  بقيت واقفة في بلاصتي نشوف معاه مسحورة  الطريق تلفتلي عجبني طيرلي عقلي هذا الكولار عكس بياض بشرتو بلاك هو ييض عليا عندو بشرة شفافة حتى عروقو الرقيقة تبان  قلت نهبط راسي وندير روحي ماشفتوش ونشوف اسك يعرفني ولا لالا خاطر عندي فترة ما شفتوش   رحت نمشي عادي جيت فايتة عليه ـ رفيدة ياعمري على اسمي من لسانو درت روحي تفاجات اا ذياب، اهلا واشركي، لباس وانت ـحمدالله بست سندس ـخلصتي خدمتك، ايه خلصت ـ وين رايحة ضك، هابطة لاري مروحة لدار وانتما واش ديرو هنا، خرجت سندس دور شوية، برات شوية ـ لا الحمدالله لباس، الحمدالله مهم انا نروح ـاصبري ماتروحيش وحدك طاحت الظلمة خلي نروحو مع بعض  راني بلا طوموبيل،لا نروح وحدي _ماتخافيش على روحك انتي ضحكت علاه نخاف نورمال ـ مكانش نورمال رفيدة خافي على روحك،عادي واش راح يديرولي ـ قتلك مرة ماشي ڨاع رجال كيما عادل،علاه ـ اذا فاتك عادل غيرو مراحش يفوتك  هيا امشي  درتلو براسي ايه هز سندس وبقيت نمشي انا وياه وصلنا لاري بقينا نستناو فالطرام طول ماجاش ڨارا البيس ورانا شاف معايا تروحي فالبيس الطرام مطول، ايه نروح ـ هيا اطلعي ملا طلعت وطلع ورايا وانت وين رايح نظن مايديش لحومتك ـايه ما يديش يوصل قريب حومتك ويدور، وعلاه رايح ملا ـ قلت نوصلك ونروح ـ علاه توصلني مانعرفش صلاحي،ما جايش نخليك وحدك في هذا الوقت  نوصلك لدار نطمن عليك ونروح  سكت جا روزوفور لاح يدو للجيب ماعرف شحال جبد هاك احكم زوج  قالو خويا ماعنديش باه نرجعلك الصرف اعطيني الصرف حوس على الصرف مالقاش وليت عطيتلو انا هاك احكم زوج شاف وضحك،بلاك تبعثلي عشا والله مانزيد نهدر معاك ـ لا ما نبعثلكش عشا بصح راكي تساليني حاجة،علاه ـقتلك انا مانحبش الدين،واش من دين الفين فرنك ـ ولو مانقبلش _معليش ساهلة السيركيلاصيو كحلة طريق مغلوقة زوج سوايع وحنا في نفس البلاصة والغاشي فالبيس وديرونجمو بقيت نشوف من ومن ـ ما تخافيش راني نعس عليك شفت معاه اه ـ قتلك راني نعس عليك بركاي ما تشوفي وراك ضحكت صونا تليفوني لقيتها ماما ريبونديت عليها وي ماما ـوين راكي الساعة 8 ومازال ماجيتيش،راني فالبيس والسركيلاصيو طريق مغلوقةـ نبعث باباك يجيبك،اواه خليه برك ضك نجي ـهيا تهلاي في روحك كاش ما كاين عيطي كوبيت عليها غير طلعت راسي لقيتو يشوف معايا درتلو براسي وشنو  بقا يشوف معايا وحكم فيا نظرة حتى حشمني هبطت راسي حتى سمعت صوت عياط طفلة ملور ماعرف واش دارولها واقيلا تحرشو بها الغاشي هذا فوق هذا لاح يدو رجعني مع الكارو ووقف قدامي اوقفي هنا كاش مايديرولك انتي ثاني، واشبيها هذيك الطفلة ـ قتلك ماشي ڨاع الرجال كيما عادل بقينا نستناو وكل شوية تنوض تعيط وحدة ويصرا مشكل شاف معايا هيا نهبطو، علاه ـراح نباتو هنا خلي نخرجو منا ونحكمو طاكسي خير، مانقدرش نروح في طاكسي ـ ماتخافيش راكي معايا هيا عيط لشوفور فتحلو الباب هبطنا دار عندي هاتي يدك هنا البلاصة كبيرة ودونجي هنا مكاش تڨوعير هبطي راسك وامشي ضحكت علاه انا نتقوعر، شوية شفتك العشية كيفاه تمشي ضحكت ـ هاتي يدك هنا عطيتلو يدي حكمها وغلق عليها شاف معايا راكي مستعدة ضحكت علاه هذا كامل _ماشي ساهلة الواحد يمشي معاه وحدة كيما انتي،علاه ـ قادر يسرقوك مني نورمال ضحكت وامبعد واش يديرو بيا _انتي علاه مستخفة بروحك هكذا،انجولينا جولي انا حتى نخاف على روحي ـ وراس سندس غير خير منها بقيت نشوف معاه هيمانة ماني جايبة لدنيا خبر ولا وين راني واش راني ندير حاكمني من يدي وبقا يجر فيا وراه وندخلو بين طوموبيلات وبين الاحياء والزنق والرواد الغاشي دود ندخلو منا نخرجو ملهيه وانا ذايبة فيه  بقيت غير نتبع فيه ومانيش عارفة وين رايحة رجليا وليت مانحسش بيهم غير هو لي يجر فيا جران وكل دقيقة يدور عندي اعندكي طوموبيل تقيسك بلاكي تطلقي يدي  عسي صاكك لا يسرقوك خبي تليفونك حتى وصلنا وين طاكسيات فتح الباب ملور ركبت وركب هو حط سندس في حجرو قال لمول طاكسي على لادراس دار عندي جريتك معايا،شوية _لازم هنا مايلقيش تڨوعير تبالك الغاشي نورمال بصح فالصح ڨاع راهم يڨابرو فيك كيفاه يسرقوك اي للحظة تتڨريساي،موالف تمشي هكذا،لالا جيست كي مانيش وحدي راكي امانة في رقبتي ضحكت واش رايك نحبسو نتعشاو هنا فالحديقة، لالاااا عقد حواحبو واشبيك، والله مانزيد نهدر معاك ضحك واش وليتي تخافي من كلمة عشا، لا كرهتو ضحك دبري راسك انتي الخاسرة، معليش قابلة شاف مع سندس لقاها راقدة هز يدها باسها لكبدة تاعي رقدت عيات اليوم، رقدت بلا عشا ـضك نوصل لدار نوضها، شكون قايم بها كي تكون تخدم ـ يما، علاه ما تعاودش تتزوج شاف معايا حكم فيا نظرة نشالله علاه لالا، ربي يكمل ملا ـ امين وصلنا لدارنا درت عندو تصبح على خير ـاتهلاي في روحك، وانت ثاني حليت الباب هبطت جبدت المفتاح فتحت الباب دخلت غير درت لقيتو مزال يستنا فيا دارلي بيدو سلام وراح دخلت فرحانةوندندن حوست على الفايس تاعو غير كتبت اسمو ولقبو لقيتو  بعثتلو انفي وعاودت لغيتها قعدت نتفرج حتى وصلي اشعار فالفايس بطلب صداقة كي دخلت لقيتو هو هذا كيفاه بعثلي انفي زعما لغيتها قبل ما يشوفني وبعثلي مساج بريفي علاه بعتثي وعاودي لغيتي مارجعتلوش ودرت روحي ماعلباليش زاد بعثلي  اكسابتي واشبيك تدللي عليا ضحكت قبلتو بعتلو شكونـ ـ اقراي الاسم تعرفي شكون ولا ماتعرفيش تقراي فرونسي، لا نعرف مكتوب ذياب بن *****  بصح ماعرفتش شكون ذياب ـ ريبوندي عليا ضك تعرقي شكون ذياب عيطلي ابال مسنجر الو ـوي رفيدة، وي شكون ـ ذياب معاك، شكون ذياب ـاتمسخري رفيدة اتمسخري ضحكت راني بصحي شكون ذياب ـ ذياب عم زوجك السابق كي قالي هكذا تكب عليا ما بارد الضحكة راحت والهدرة بحرتلي كشغول فكرني انا شكون وهو شكون كوبيت عليه ديراكت وغلقت الفايس  شوية عيطلي مارفدتش عليه زاد بعثلي مساج رفيدة واشبيك كوبيتي حيرتيني عليك ياك ماصرا والو مارجعتلوش عيط شحال من مرة ممبعد بعثلي مساج ماعلباليش واشبيك نشالله تكوني لباس برك قلقتيني عليك قريتو وخليتو  كنت عايشة حلم شباب وكي قالي هذيك الهدرة وليت في كابوس باشع مافهمتش حالتي واش راني حابة ضعت وتشوشت للحظة خططت انو تكون علاقة بيناتنا بصح وصلت لنيتجة بلي مستحيل هذا الشي قررت من الاحسن نبعد عليه كون نبقى معاه راح تكون العواقب وخيمة
صباح نضت مورالي زيرو كارهة روحي خرجت من الدار  صونا تليفوني لقيتو هو كوبيت عليه وغلقت ڨاع تليفون ركبت وصلت السبيطار قبل ما ندخل  شفتو مڨاري بعيد واقيلا يستنا فيا شفتو كي حل الباب هبط درت روحي ما شفتوش وزربت دخلت تلاقيت بسمية جاية صباح الخير، صباح نور شوفي ذياب جا ورايا ولا لالا ـاواه مكانش غير درت لقيتو جاي طاحت عيني في عينو وليت هربت للكوتي تاع الولادة وغلقت الباب بقيت نشوف معاه يهدر مع سمية من ورا الباب حتى راح خرج حليت الباب رحت عندها واش قالك ـ سقساني عليك واشبيها رفيدة كاش ما عندها مشكل، وانتي واش قلتيلو ـ قتلو ماعلباليش هذا وين تلاقيت بها درتلها براسي ايه ورحت جات ورايا واش كاين، والو ـ واش صرا احكيلي، ما صرا والو ـ تخبي عليا رفيدة درت عندها واش نخبي اذا انا مانيش فاهمة الموضوع ـ واش من موضوع ارواحي احكيلي رواحي خرجنا للجاردا هاه واشبيك،مانيش فاهمة روحي ـ واش مافهمتيش، مانيش فاهمة علاه نضل نخمم في هذا الراجل ـ عادي كيفك كيف اي وحدة عجبها واحد وتخمم فيه وراه الغريب، بصح هذا الراجل عم زوجي سابق ـ ايه وامبعد، كيفاه وامبعد ماكيش مستوعبة هذا الشي  في يوم من الايام كنت متزوجة واحد وطلقنا وبعد طلاقي وليت نخمم في عمو راكي فاهمة ولا لالا ـ مشكلتك وشنو، كيفاه نكون معجبة به ونخمم فيه وبلاك حتى نحبوـ ايه عادي، سمية راح تقتليني بالبرود لي عندك ياو افهمي راني كنت متزوجة وليد خوه فهمتي واش نقصد بوليد خوه ـ وراه المشكل والعيب في هذا الشي، اني نحب عم راجلي السابق في حد ذاتو مشكل وعيب ـ علاه مشكل وعيب اذا فالشرع يجوز هذا الشي، بصح واحد مايتقبل هذا الشي لا دارنا لا دارهم لا الناس  ـ واش دخلك فالناس كي كنتي تعاني مع هذاك المخنث جاو الناس سقساو عليك وحوسو عليك و وساوك ووقفو معاك في محنتك وعاونوك باه تتجاوزي هذا الشي  ياك واحد ما قال نلوحو غير كلمة واشراكي لهذيك الكلبة ونسقسو عليك حتى بالكذب ياك ڨاع جاو ضدك وقالو العيب فيك انتي وضك جاية تقوليلي الناس الشرع اهم ولا كلام الناس ونظرتو اهم بقيت نشوف معاها ـ رفيدة انا في بلاصتك راجل كيما ذياب الصقي بيديك ورجليك في عمري 40 سنة ونقدر نميز المليح من  القبيح والراجل من الذكر ولي يسواش من ل مايسواش وذياب من اول ماشفتو عرفتو راجل صح اذا لمحلك بلي عينو فيك غير اقبلي ومايهمك حتى واحد مدام الشرع حلل هذا الشي ،مانعرف خايفة _انا في بلاصتك والله ما نخاف نصدم راجل كيما ذياب يستاهل  ،ما جاياش والله ما جاية اذا انا في عقلي ما ركبتليش وماقدرتش نتقبلها كيفاه يتقبلوها الناس _ ابقاي تبعي فالناس ملا حتى تروح عليك رفيدة مزلتي صغيرة وفوق هذا الشي عذراء من حقك تعاودي حياتك هي صح مانكذبش عليك مراحش يطيرلك واحد عزابي وصغير لانو نعرفو مجتمعنا العزابي مايقبلش بالمطلقة حالة نادرة بصح ذياب خير من الف واحد عزابي راجل وفحل وخدام  وصغير صح عندو يتمية بصح تقدري تربحي فيها اجر ،بصح بلاك هو معايا بحسن نية وانا لي نبني في احلام ونريب زعما هو يقبل بوحدة كانت مرت وليد خوه _وينو المشكل عادي وزيد ياك حتى المسان ما توشاكش ڨاع مزلتي جديدة باه ماتقوليش بلاك يقول كانت ترقد مع وليد خويا في فراش واحد ويدير فيها كذا وكذا مزلتي فالباط وهو لي راح يحلك ضحكت والله ضحكتيني _اضحكي عمري اضحكي انا منك والله ما نطلقو ونلصق بيدي ورجلي ،نخاف غير نتامل في باطل _اواه يبان مهتم بك ،مانعرف ماشكيتش هو يتعامل معايا عادي _ديري جس النبض وشوفي ،كيفاه زعما _مانعرف معنيلو لمحيلو غيريه جربيه مهم ديري جس نبض وشوفي النتيجة واذا لقيتيه ماعينوش فيك اجبدي روحك نورمالمو المراة تحس بالراجل اذا يهتم بها ولا لالا ديجا انتي واش راكي حاسة ،مانعرف _انا في رابي عينو فيك ومانعرف زيدي تاكدي ،ضك ندير بهدرتك ونشوف نخاف غير نتامل ونخيب _جربي واش خسرتي اذا ما طارلكش ذياب كاين صالح ،وصالح واش دخلو _علاه ما انتبهتيش ديما يشوف معاك التحت التحت وكي تكوني غايبة ديما يسقسيني عليك وين راهي وعلاه ما جاتش واقيلا مريضة ،عادي _واش لي عادي علاه ما يسقسوش عليك هذوك الطبة كامل علاه غير هو ،مانعرف عليه ديجا خليني منو انا حاليا بغير ذياب مانيش شايفة ـ بصح حتى صالح ما خصو والو ،غير بركاي ما تلعبيلي في راسي هكذا درتيلي مع ذياب بقيتي تنخري في راسي كي السوسة حتى طيحتيني فيه ـ ملا حاربي على جال حبك ضحكت سمية بركاي ما تلعبي في راسي راني نديرها _غير ديريها وتستحقي جنود راني هنا راح نكون انا جيشك درت عندها حظنتها واحلى جيش سمعنا صالح ورانا واش راكم تتحاضنو الخير برك  درت عندو لابس كلش كلاسيك قمجة زرقة وسروال كلاسيك نوار حتى هو بيض شعرو نوار وخفيف ورطب جاي طويل ورقيق داير نواظر شفافة وهاز كرطابل صراحة ماعندو ما خصو حتى فالزين هو شباب على ذياب لكن ذياب كاريزما عليه ولا انا كعدت منجذبة ليه جاني ذياب احسن دارت عندو سمية صباح الخير مكان والو جيست رفيدة راهي معولة على حرب شاف معايا علواه ماتقوليليش على لاجو ،علاه يستاهل ندير عليه حرب كيما يقولو السلاح غالي والهدف رخيس ضحك رفيدة لسانك طويل بزاف ،ماشي طويل جسيت نكرهو هذاك لاجو مانطيقوش ،كاش ما دارلك ،مايقدرش يديرلي بصح عقليتو ماعجبتنيش _معليش بصح ماقلتليش علواه ديري حرب ،لا مكان والو ماتشوفش لهذه راهي تكذب ضربتني على كتفي هي لي تكذب راهي معولة على حرب كبيرة _ها احكولي ملا بلاك تحتاجوني _مانقدرش نقولك مدام رفيدة ماهيش حابة بصح راح نمعنيلك وانت افهم _روحي معني _كاينة مقولة تقول اذا تحب شيئا اصنع حربا من اجله فالنصيب للجبناء شاف معايا اممم كشغول فهمت ،ما تشوفش ليها راهي تتمسخر برك تخنزرت فيها ،هيا انا رايحة نتلاقاو بعد الغدا...