تـراتـيــل الـمـوت

part 15

زهراء:- صح النوم ست نار صارلي ساعه اتصل عليچ وما تجاوبين خفت عليج

نار:- هلاا ليشش الساعة شگد ولچ

زهراء:- ارفعي عينج وشوفي الساعة شكد

نار:- باوعت ع ساعة چانت بالـ 4:30 شهگت وطفرت من مكاني وحچيت

- اسفة تأخرت عليچ أخذتني النومة

زهراء:- كومي كومي أستعجلي

نار:- خوش خوش

سديتو منها وطفرت من مكاني عسريع سبحت وفرشت اسناني ولبست الفستان ومشطت شعري

باوعت على نفسي بالمراية طالعة كلشش حلوه صرت أتأمل نفسي شوي وسمعت صوت الجرس يدگ

رحت فتحت الباب صارت بوجهي زينة صفنت علي بدوون ما ترمش حچيت

نار:- هلا يولي شبيج صفنتي؟

زينة:- عزااا ولج طالعة تخبلين اول مره تلبسين الوان كلش لايگلج

نار:- عمري حتى انتِ طالعه تخبلين

زينة:- يلا استعجلي حاتم ينتضرنا برا

نار:- ايي جاية بس اللبس بوتيني وأجي

طفرت ع بيت لبست البوتين وحطيت عطر وعدلت شعري ع مراية وطلعت قفلت الباب وطلعنه

سلمت على حاتم وهوه وصلنه وراح واحنه دخلنه ووگفنا يم الباب دگينا الباب شوي وفتحت الباب زهراء وحچت بحماس

زهراء:- هلااااا يعمريي

بسرعه ركضتلنه وحضنتنه بعدين وخرت ودخلتنا لبيتهم وفرحاانه بينه لان اول مره نجي عليهم

دخلتنه ع صالة ولگينه ام زهراء تصلي كعدنا ع قنفات شوي وأجن صبا ويسر سلمن علينه وگعدن ويانه

كملت صلاة أم زهراء وحچت

ام زهراء:- هلا ببنياتي كل الهلا بيچن نورتونه

گمنه اني وزينه سلمنه عليها وبوستنه وهلت ورحبت بينه مبينه خوش مره وحبابه حيل

ام زهراء:- اخذن راحتجن حبيباتي اني راح اطلع

نار:- طلعت هيَ وگمنه احنه وحده تسأل ع الثانيه عبالك صارلنه سنين ماتواجهنه گامت يسر شويه واجت بيدها عصير قدمتلنه وگعدنه نسولف

زهراء وزينه خبصنه ماسكتن ابد من جينه وهنه يسولفن وسوالفهن تافهه

صبا:- اهوو انتن ماتسكتن تره اثولتنه ماخليـتنه حتى نتنفس

يسر:- صبا مالچ علاقه هسه تره اگل لـ علي يطيح حضچ

صبا:- هه اصلا اني گلتلو عليچ من البارحه حبيي

زهراء:- اهوووو كاااافيي .. يمممه تعااالي عليهن

انفتح الباب ودخلت ام زهراء مخليه اصبعها على شفايفها بمعنى تسكتهن وحچت بصوت خافت