لبده أنسير

part 28

••

اليوم الرابع مِن رمضان فرحانه وسعيده لدرجه محَد يتخيلها، .العائله شي ثمين وحلو
متوقعت راح يجي يوم واعيش ابنص عائلة كامله

خلصت مِن لف شالي ونداريت لعهود-: هاا اشلوني؟

قلصت عيونها وهي تفتر حولي-: امم اتخبلين حياتييييي

هزيت ايدي -: اي عجل ديري بالج تا مااخبلج

سحبت جنطتي ونزلنا جوه جان الكل كاعد بصاله مِن شافونا صاح زهير مِن مكانه

-: لو ماصايم جان حجيت شي استغفرالله

وبستهزاء رديت-: لا لا حباب احجي

-زهير: ماكول غير الله يعينا عليجن، .

رفعت حاجبي ابغرور اله طلعنا وتوجهنا بسيارات صعدت آني وعهود وجدان ويه صدام وبابا

-نيروز: شوفي عيونه خرب لج شنو هاي

-عهود: يولي، .مايستحي

-نيروز: حَرام هيج، .وهو ماكدر يمنع نفسه

-: ادري،

باوعت ؏ صدام عين ؏ الطريق وعين عليها
اتنهدت مقهوره ؏ الاثنين
مقهوره لان عهود ماتاتفهم حب صدام الها ومقهوره ؏ صدام لان عهود ماعدها مشاعر ناحيته

وصلنا لبيت ابن عم جدو الي جان عازمنا كلنا وحسب ماعرفت اهنا اطباعهم ميصير يرفضون

وهمه بين يوم يوم لازم عزيمه صراحه حبيت هل شي اهوايي

لزمت ايد عهود ودخلنا جوه سلمنا ؏ الموجودين وكعدنا بالهول

ضلينا كاعدين لحد مااعهود سحبتني وهي اتكول -: امشي انروح لمطبخ انساعدهم

طبينا لمطبخ رفضو انمد ادينا عَلئ اي شي
بَس النادره عهود هزت ايدها وكالت -: لااا خيه شني ياعيبت العيبه
قابل شمسوين احِنـا

كلبت عيوني املل ندارتج مو اهنا اطلعينها ياعهود ،.خليتها اسوي بل حلاوه وياهن
ورحت كعدت عَلئ كرسي صاير يم الثلاجه

سالتني وحده مِن الموجودات -: خيه نيروز اشلونج؟

ابتسمت وأردفت-: الحمد الله حبيبتي

-: دومج ان شاء الله

سكتت واني ضليت اباوع عليهن اشلون يشتغلن جان بنص المطبخ جداري كبار وع الطباخ هم مليان

راحو الزلم لجامع وهنه بدن يصبن الاكل عاد حسيت ؏ نفسي وكمت وياهن

لحد مااجو الزلم وبدو ينكلون الاكل، .خلينا السفره النا وكعدنا نفطر كلنا سوه

بعد ماخصلنا وغسلنا المواعين كعدنا نشرب الجاي بَس كم وحده مِن بناتهم وعهود وعُلا
طلعو بره وحتئ مااضل مثل الاطرش بزفه طلعت وياهم