|[ عـــرش الـرولـيت ]|

ASKO..31

:- لا أن شاءالله ما بيهم شئ
أنتِ عينج خليها على الدربونه

:- ليشش مو كاعد يطلعون صوت

:- مادري مادري

-: خاف خذوهم وياهم

اللتفت مقلص نضرة كال بشك

:- يمكن صح كلامج خلينا نطلع منا
ونبلغ على المكان

ماكدرت بهل لحضة اتخذ قرار تيهت
صعب اطلع وصعب ابقى دفعني من ضهري
فزيت وهو وراي يمشي

روليت :- شبيككك

بسام -: مو وكت صفنتج امشي راح يجون

مشيت وسألته

روليت :- أنتَ تعرف واحد اسمه دعلج ؟؟

صفن يهز براسه

بسام :- هذا شغلة بس وي الأطفال
يستغلهم حتى ينفذ أجرامة

روليت -: شنو نوعية هذا الشغل ؟

ما رد عليه
سكتت وبداخلي كمية اسئلة كثيرة طلعنا
للشارع فتح باب سيارته بمعنى صعدي
كتله

روليت :- ما اصعد وياك لهنا شكراً الك
أنه اروح وحدي

رفع حاجبه ضاحك بسخرية

بسام -: تعرفين بيش الساعة هسه صعب
تلكين سيارة لو بشر بالشارع

صعدت ما عندي حل أثناء ما تحركنه
مسافة قطع الصمت بسؤالة الغريب

بسام :- أنتِ تعرفين ابوج الحقيقي مو ؟؟

باوعت علي عاقدة حاجبي

روليت :- شعرفك بحياتي الخاصة أنتِ ؟؟

بسام -: مو صعب اعرف حياتج

روليت :- ما لك علاقة بحياتي خليك
بعيد عني

بسام -: وإذا اكلج أعرف ابوج عماد
الدين شخصياً ؟؟

صفنت احاول استوعب كلامه درت
علي فاتحة عيوني همست بعدم تصديق

روليت :- ليش تلعب بمشاعري ؟

بسام -: ما راح تصدكيني اعرف
باجر اخذج لـ مُرجان أختج بس من غير
أم

كل هذا هواي عليه
أختي !

يعني أنه عندي اخت ؟
كل هاي الفترة اتمنى لو عندي عائلة
تمنيت لو عندي أخت وحدة بس
وهسه اعرف عندي أخت ومن غير أم وأسمها
مُرجان !