بدت تمطر وانا ادري بك تحبين المطر

الختام

"الليله هذي ماهي بس ذكرى فرح"
جُمان:ما ابي أكون الا معاك
ابتسم اصيل وكمل طريقه للقهوه واخذو قهوتهم وراحو يتسوقون
جُمان:اصيل ناظر يصلح لك
اصيل:مامنه لون ثاني
جُمان:الا وطلعت اللون وعجب اصيل واخذه وكملو باقي اغراضهم وراحو يتعشون ويرجعون البيت
الساعه ٢الفجر
جُمان:تعبانه بنامممممممم
اصيل:فيه رقم يدق علي اصبري ورد وقال:هلا
ليليان:انت اصيل؟
اصيل:ايوه من معاي
ليليان:ليليان اخت جُمان
اصيل:نعم شبغيتي
ليليان:احاول اتواصل مع اخواني مايردون وحصلت رقمك اذا عادي بكلمهم
اصيل:لامو عادي
جُمان:اصيل من تكلم
ليليان:عطني بس جُمان بكلمها
اصيل ناظر جُمان وقال:تبين تكلمين اختك
جُمان حسبتها جوليا وقالت:ايوه عطني
ومد الجوال لها وقالت:هلا جوليا
ليليان:انا ليليان
جُمان:ليليان؟؟؟
ليليان:جُمان وينكم ماتردون
جُمان:ليه مانرد؟حبيبتي لاعاد تتصلين ولااشوف رقمك انتي بعتي اخوانك عشان تركي خليه ينفعك الحين
ليليان:انتو ليه ماتبغونا نتفاهم
جُمان:مالنا تفاهم معاك
ليليان:يعني نرجع؟
جُمان:ليه انتو جيتو؟
ليليان:ايوه
جُمان:ارجعو ولاعاد تتصلون
وقفلت ونزلت من السياره على طول وراحت فوق واخذ اصيل الاغراض ولحقها
وحصلها مقفله باب الغرفه على نفسها
اصيل وهو يدق الباب:جُمان افتحي
ماردت ودق اكثر من مره ولافتحت وانتهت محاولاته وجلس بالصاله ومامرت ساعه الا فتحت جُمان قام اصيل يركض لها وشاف دموعها وقال:شفيك تصيحين
حضنته وصارت تصيح
جُمان:لايجون اصيل قولهم لايجون ماابغاهم
اصيل:جُماني هدي طيب ماهم بجايين خلاص يروح اصيلك
جُمان:الابيجون بياخذون جوليا وغيث
اصيل:جوليا وغيث عندهم فارس ليه تخافين عليهم
جُمان:لااعرفهم بيجون
اصيل ناظرها وكان خشمها احمر وقال:
طيب الحين انتي قلتي لهم لايجون واخوانك ماردو عليهم مالهم حل الا انهم يرجعون
جُمان:يعني مابيجون
اصيل:ايوه
(ومن هاللحظه ام فارس وليليان انتهى دورهم ومعاد بنشوفهم ابدا)
جُمان ناظرت اصيل ولاردت
اصيل:طيب تدرين وين بنروح؟
جُمان:لا
اصيل:بعد خطبة فارس واولاف بنسافر
جُمان:صدق؟
اصيل:ايوه
جُمان:وين بنروح
اصيل:للمكان اللي انتي تبغينه
جُمان ابتسمت بوسط دموعها وقالت:
المكان اللي ابغاه حضنك
اصيل حضنها وارتخت بحضنه ووداها للسرير وغطاها ونامت
وجلس يناظرها وبعدها نزل تحت لأمه
ام عبدالعزيز:ياهلا
اصيل:وش اخبارك
ام عبدالعزيز:بخير الحمدلله
اصيل:اولاف موافقه؟
ام عبدالعزيز:ماعطتني رد شوفها بغرفتها
اصيل راح لغرفة اولاف ودق الباب ودخل وحصلها على ايبادها
اصيل:اولاف
اولاف:هلا
اصيل:قولي لي موافقه على فارس عشان يجي يخطب؟
اولاف:مدري
اصيل:وشو مدري ماصليتي استخاره؟
اولاف:الا
اصيل:ارتحتي طيب؟
اولاف:ايوه
اصيل:طيب انتي موافقه
اولاف:هو شوف
اصيل:وشو
اولاف:موافقه خلاص
اصيل باس راسها وقال:على البركه اجل بيجي يخطب بكره
اولاف:بهالسرعه؟
اصيل:ايوه وبيجي معاه الشيخ وبعدها بشهر عرسكم
اولاف:خيرر كذا بسرعه
اصيل:ذا اللي يصير يلا تصبحين على خير
اولاف:وانت من اهله
وطلع من غرفتها وراح فوق عند جُمان ونام جنبها
..........................................
ثاني يوم العصر
..........................................
جوليا:يلا فارس
فارس طلع من غرفته وقال:شكلي حلو؟
جوليا:تموتت لو اني مو اختك تزوجتك
غيث:ادعسس ابو مُلهم طالع عريس
جوليا:هو العريس لاتستهبل
فارس:تبون نمشي الحين
جوليا:اصبر بشوف افنان وطلعت جوالها تدق على افنان
افنان:هلا جوليا
جوليا:كيف الاوضاع
افنان:توتر تخيلي انها ترجف وتقول بطني
جوليا:بسم الله عليها المهم اسمعي
افنان:ايش
جوليا:بنجيكم الحين وترا جُمان عندكم
افنان:غرقانه بالعسل ذي ماشفناها ابد لاهي ولا اصيل
عذب:ياكذابه هذا هي عند عمتي
افنان:المهم ماعلينا كيف العريس
جوليا:نفس وضع العروسه
افنان:ايييي قولي كذا وش لابسه انتي
جوليا:وردي
افنان:عاشقة الوردي
جوليا:اييييييوه لااطول عليك الحين بنجي وناخذ العلوم
افنان:يلا باي
وقفلت من جوليا وقالت:اولافوه خلاص عاددد
لينا:خلي سعود يخطبك ونشوف وضعك
ريم:على طاري سعود تدرون ذاك اليوم امه دقت على امي وخطبتها وقالت امي ماعندي بنات للزواج
خصال:خيييرررر وانا متحمسه لزواجهم
دينا:خلاص انتي وياها خلو البنت ربي ماكتب نصيب
اعتزاز:هي ذاك اليوم قالت انها مرتاحه ليه كذا العالم ضدهم
افنان:محد مع اللي يحب
نجد وجوري بصوت واحد:تحبييينه؟
جُمان وهي داخله الغرفه:ايي تحبه وتموت فيه وتكذب علينا وتقول مااحبه مدري تكذب على مين وعلى طاري الخطبه انا بقول لأصيل يتصرف مع امك اعذريني انتي وريمو بس صدق امك شوضعها سعود واحد ينرفض؟مستحيييلل الف بنت تتمناه
افنان:لاتزيدينها عليي ترا جوالي من امس ماهجد من رسايله المشكله قلبي على طول حبه مدري ليه
اولاف:انتي تحبينه من زمان يا نوني تراك من عطيتيه ملابس حمد وانتي تقولين اسمه بكل مكان ويوم دريتي ان ولده بيكون اسمه هيثم تحمستي وقلتي يابنات هيثم وسحاب مرا حلو تحبينه ليه تكذبين على نفسك قولي احبه
افنان نزلت دموعها وقالت:اييي احبه ارتحتو من شفته اصلا وانا احبه وكنت اقول مين المحظوظه اللي بتاخذ سعود بنييت احلامي كلها معاه وعلى طول امي ترفض محد يدري بحبي له الا جُمان وبيوم ليله تنهدم احلامي مع سعود بسبب امي
جُمان تقدمت وحضنت افنان وقالت:
ياحبيبي انتي لاتنزل دموعك ياقلبي بيجي الي احسن من سعود
افنان:مافيه احسن من سعود بعيني
جوليا دخلت وكان الكل ساكت وقالت:وش عندكمممم ساكتين
عذب:اجلسي اجلسي
ريم:الحبب يوجععع ماابي اجربببههه
عذب:ويعور بعد تجربين احساس مجيد يوم قال فزيت من نومي أنادي لك رد الصدى عنك وجيت أدورك مشتـاق لك ولهـان
لكن ذكرت إنت وأنا ما عادنا خلان
اولاف:الحين بيصير فيني و بفارس زي كذا؟
لينا:انتو حاله خاصه ياروحي انتو بتتزوجون خلاص
جوليا:الحين افنان ليه تصييح
قالو لها البنات السالفه كلها
جوليا:اسمعيني افنانوه والله يويلك بتحاربين عشان حبك تستهبلينن قلبك تعلق فيه وماتبين تواجهيين امك؟بتواجهينها وبتقولين لها وين اللي احسن من سعود مافيه احسن من سعود واذا رفضتوه انتو ب تقولين انا بتزوجه الحين اقدر اتزوج بنفسي ولااشوف دموعك تنزل قلنا الحب يوجع وبنتعذب بسبب الحب بس مابنصييح
اعتزاز:ايي افنان الكل بيوقف معاك اصلا الكل يحبك ويحب سعود
افنان:خلاص انتي وياها
جوليا:ايي وش صار ياجُمان
جُمان:وش بيصير
افنان:اصيل مروق وانتي مروقه والابتسامه شاقه وجهك ووجهه شق وش صايير وش السالفه
جُمان:بنسافر عشان كذا
خصال:فيه سبب ثاني وشهو
جُمان:شدخلكم انتو
اولاف:اسمعي تراك بتجيبين لنا كلنا هدايا
جُمان:نشبه انتو نشبه بكل مكان تبون اجيب لكم
لينا:ايي حبيبتييي
دينا:الا وين ترف وليلى
اولاف:ليلى راحت عند امها مدري شصاير
افنان:عبدالعزيز ماتغزل فيها عشان كذا
ضحكو البنات كلهم وقالت جُمان:حرام عليييك
اولاف:صدقق ماعلينا وش ذا الفستان ياجُمان
جُمان:لونه حلو صح؟
جوليا:تقولين برتقاله
جُمان:مااسمح لك والله انه حلو
لينا:ايي جوليا والله بارز جسمها ورسمته
جُمان:ياحظظ حمودد يابنات والله محظوظ امه داعيه له
لينا:يربيي اموت فيييك
جوليا:هيي لينو وخريي تراها اختي لي
افنان:لأصيل مب لك
جُمان:على طاريه اصبري بروح له
اولاف:اهجدي ماراح يعطيك شماغ ذي المره
خصال:ايي جُمان روحي تراني جبت شي يليق على فستانك
اعتزاز:خليه يغني يالبرتقاله
جوليا:ايي جُمان قولي له متى موعد اللقاء يامطول الغيبه
جُمان:يابنتي انتي وهي شفيكم علي
افنان:خايفييين على عليك مافيه شماغ يليقق
اولاف:ايي جُمان اهجدي والله ان يستلمونك الحريم
جُمان:نشوفك اذا صار عرسك انتي وفارس وش بتقولين
خصال:بعدين انتي عندنا وحنا ستر وغطاء بس اصيل عند الرجال امسكي نفسك شوي مايصلح بنص الرجال يتفشل ولد عمي
جُمان:اعتزاز بتعلقين ولا اروح
اعتزاز:ايي صدق جُمان مايصلح الرجاجيل بينقدون على اصيل
جُمان:خلصتو؟
افنان:ايي
جُمان:يلا مع السلامه
وطلعت من الغرفه تروح فوق لأصيل دخلت وحصلته جالس على جواله
جُمان:شعندك جالس
اصيل:مدري
جُمان:تعبان؟
اصيل:لابس شايل هم سعود قال لي السالفه
جُمان:مسرع قالها
اصيل:مايخبي علي شي
جُمان:وش بيصير فيهم طيب
اصيل:اللي الله كاتبه
جُمان:تمام توصي بنزل تحت للبنات
اصيل:ايي انتظري
وقام وحاوط خصرها وقال:اكتفيت بقربك عن قرب هالناس اغنيتني عنهم جعلك لي عمر
جُمان ابتسمت وقالت:وفي عيُونك ضاع قلبي واكتفى
اصيل باس خدها وقال:بكره السفره خليك جاهزه
جُمان:بهالسرعه
اصيل:ايي
جُمان:كم يوم
اصيل:اسبوعين
جُمان:تمام وباست خده ونزلت تحت للبنات
افنان:اشوف الوجه اليوم مايحترق
خصال:مافجرها اليوم هادي
جُمان:انطمي انتي وياها اصلا ماهوب بفوق
ماكملت الكذبه الا اصيل نازل وراها
افنان:اييي واضح ماهوب بفوق مدري من ذا اللي نزل
جُمان:وانتي شدخلك خلينا بحالنا
اصيل وهو يناظر افنان:وش تبين فيها انتي خليها
افنان:مالت عليك وعليها
خصال:نبي العلوم تعرفنا انت حنا نحب سوالف المتزوجين
اصيل:اقوللل انتي وهي شوفو عزوز وليلى شتبون فيني انا وجُماني
خصال:عزوز وليلى خلص وقتهم نبيك انت وجُمان
اصيل:ماش ماتنفعون استلمو افنان وسعود
افنان:انقلععع مابيه
اصيل:قال لي تراه لاتكذبين علي
افنان:طيب
اصيل:ماعليك يابنت الخاله الشهر الجاي خطبتك انتي وهو
افنان:وش بتسوي
اصيل:بلعب بأعدادات خالتي مو عشانك عشان سعود والله انه يستاهل صديق عمري
افنان كانت بتحضنه بس حضنت جُمان وقالت:صادق انت
اصيل:ليه عمرك شفتيني كذبت عليك بشي ولاسويت بعدين تذكري تراك اختي قبل تكونين بنت خالتي وانت خصال اذا عمي مازوجك اللي تحبينه قولي لي تعرفين اني غالي على كل عمامي وخوالي
جُمان بغيره لانه طق السوالف:ماكأنك طولت على العيال
اصيل:الا يلا مع السلامه
وباس خدها وطلع للعيال اللي كانو ينتظرونه
عبدالرحمن:غارققق بالعسل
اصيل:هاه دحومي اشتقت لي
عمر:غثنا تراه يقول اشتقت لاصيل
فهد:ايي مدري شلاقي فيه
حمد:اسألني انا وش يبي بأصيل
اصيل:تعال دحومي ماعليك منهم
عبدالرحمن:تحبنيي اعترففففف
اصيل:ايي احبك ارتحت ليه تغث الواحد
عبدالعزيز:يلا ياعيال الشيخ جاء
اصيل:تكفون قلبي مو مطاوعني اخلي عنقود قلبي يتزوج
عمر:ادع لها الله يوفقها بس
اصيل:ماابي البيت يصير فاضيي ياعيالل والله انها هي رُوح البيت
فهد:اصيلل تراها مع فارس مو مع احد غريب
اصيل:مااحد عارف شعوري امشو بس
ودخلو كلهم المجلس وحصلو ابو عبدالعزيز يمين الشيخ وفارس يساره
الشيخ:ردد معاي ياابو العروس زوجت ابنتي اولاف
ابو عبدالعزيز:زوجت ابنتي اولاف
الشيخ:على هذا الحاظر فارس ابن خالد على كتاب الله وسنة رسوله
ابو عبدالعزيز:على هذا الحاظر فارس ابن خالد على كتاب الله وسنة رسوله
الشيخ:وقع ياعريس
وقع فارس وهو طاير من الفرحه واخذ اصيل الكتاب عشان توقع اولاف وراح لها ومعاه عبدالعزيز
اصيل:يااولاففف ياام عبدالعزيز
جت اولاف ومعاها ام عبدالعزيز ومعاهم افنان وكانت متوتره
اصيل:وقعيي يلا
وقعت اولاف ويدها ترجف
اصيل حضنها وقال:يالله عساه مبروك ياعين اخوك ويارُوح البيت ياجعل السعاده والفرحه ماتفارقكك مع الفارس
حضنها عبدالعزيز وقال:متى كبرتي امس وانا اعلمك كيف تمشيينن وكبرتي ياقلب اخوك
والله يوفقك وياجعله عقد تنعقد فيه سعادتكم
اولاف نزلت دموعها من كلام اخوانها
اصيل:ليه ليه الدموع
افنان:انقلع انت وياه خليتوها تبكي وتقولون ليه الدموع
اصيل:عزوز ود اللي بيدك واقف كذا
مشى عبدالعزيز يرجع للمجلس واصيل واقف عند اولاف وقال:ادخلي داخل وامسحي دموعك ماتنزل دموعك ابد ولاعاد اشوفها دامك اخت عبدالعزيز والأصيل ماتنزل دموعك وهم وراك
اولاف ابتسمت ومسحت دموعها وقالت:ابي ابوي بشوفه
اصيل لف وراه وحصل ابوه واقف ويبكي وقال:حتى انت يبه
ابو عبدالعزيز حضن اولاف وقال:مبروك يانور عين ابوك
اصيل:ماتقول عندك كلام لها قله يبه ابي اسمعه
ابو عبدالعزيز:هذي هي اللي حبها يشبه الروح وسميتها من بينهم نور عيني
اليوم عني شيخة البيت بتروح للي معه
تقضي العمر والسنيني
اصيل:كملها يبوي
ابو عبدالعزيز:الباقي اكمله بعرسها يالأصيل
اولاف بدال ماتخف دموعها زادو وقالت امها:خلاص يبو عبدالعزيز البنت بكت زياده
اولاف شهقت وحضنت ابوها
ابو عبدالعزيز:ليه تبكين يانظر عيني ويانوره
اولاف:ماابي اتركك لا انت ولا امي
ابو عبدالعزيز:ماتتركينا يانظر عيني بتروحين مع الفارس وانا ماعطيتك له الا وانا متأكد انه رجال ويصونك
اصيل:يلا يبه لانترك الرجل لحاله تعرف بعدين يقول اهل العروس راحو عند بنتهم وسحبو علي
ضحكت اولاف ودخلت هي وافنان وام عبدالعزيز وراحو اصيل وابوه للمجلس
جوليا حضنت اولاف وقالت:وصرتييي حرم اخوييييي
جُمان برضو حضنت اولاف وقالت:يالله اولاف مو مصدقه انك اخذتيي اخويييي
ووخرت عنها بسرعه وقالت:عطرك مخيس
جوليا:لاوالله حلو شكل خشمك فيه شي
جُمان ناظرتها وركضت للحمام تستفرغ ولحقتها افنان
افنان:شفيك
جُمان:مدري صار لي كم يوم كارهه كل شي وبطني يعورني بشكل واصيل بذات صرت مااحبه يقرب لي وصرت احضنه غصب عني
افنان:بنتت لايييكونن حاملل
جُمان:كيف حامل مااسرع
افنان:اسمعيني البسي عبايتك وامشي معاي للمستشفى نروح ويودينا فهود
جُمان:لامايحتاج يمكن مغص ويروح
افنان:امشي تعرفين قبل السفره عشان اذا حامل ماتروحين وتقعدين هنا ونهتم فيك
جُمان:اقولك مب لازم
افنان:امشي البسي عبايتك خلينا نروح
جُمان مشت قدامها واخذت عبايتها وراحو لفهد يوديهم وتوجه فهد للمستشفى بدون مايدري عنهم احد ودخلو المستشفى وكان وقتها اولاف وفارس يلبسون الخواتم
فارس باس راسها وقال:كنت انتظرك تصيرين حرمي وصرتي ومابقى الا انك تصيرين ام عيالي
اولاف حمرت خدودها وقامت تطلع للبنات اللي كانو ينتظرونها بكل شغف عشان تقول لهم
خصال:دقيقه وين جُمان وافنان
جوليا:مدرييي
اعتزاز:شفتهم طالعيين وهم لابسين عبياتهم
لينا:يمكن راحو يوزعون حلويات على الصغار مثل كل مره
دينا:يلا امشو نرقص تراني واقفه صارلي ساعتين انتظركم
نجد:يلا صدق ترا فيني حماس ورقصه مت زمان
جوري:يلا يلا
وراحو كل البنات للمجلس ومسكت خصال السماعه بدال افنان لانها مب موجوده
بالجهه الثانيه عند افنان وجُمان
افنان:يلا ادخلي
جُمان:لا ماابي
افنان سحبتها ودخلو عند الدكتوره
الدكتوره:الحين بنسوي لها سونار عشان نتأكد اذا هي حامل او لا
وقامت الدكتوره وجُمان كلها توتر
افنان:الحقييهاا اخلصيني
قامت جُمان صوت افنان بنفسه يوترها باللحظه ذي
وبعد ربع ساعه
الدكتوره:مبروك
افنان:حاملللل!
الدكتوره:ايوه وصارلها شهرين وكم يوم وتكمل الثالث
جُمان اللي نزلت دموعها من الفرحه وحضنتها افنان وقالت:والله يابخت ابو الصوص دام بتجيه غيم وامها جُمان
الدكتوره:لازم تنتبهي ولاتتعبين كثير لان البيبي توه ولازم يثبت الحمل
جُمان:تمام شكراً دكتوره
وقامت جُمان وطلعت هي وافنان وكلهم فرحه يتوجهون للبيت
عند اصيل
عبدالعزيز:خانقتني العبره ياعيال ورعتنا بتتزوج
عمر:غثيتنا ياولددد درينا والله درينا انها بتتزوج
اصيل:نشوفك بعرس لينا
حمد:ياعيال فهد وينه اختفى
غيث:جته مكالمه وطلع وركبو اثنين من البنات
اصيل:ماعلينا ابو هيثم شعنده هاجد ولاهو مع الدنيا
سعود ابتسم بضيق:وش تبيني اسوي وانا قلبي انجرح من الرد اللي جاني
عبدالعزيز:وشو رده وليه قلبك ينجرح
حمد:صدق لايكون حبييتتتت
سعود قالهم السالفه كلها
حمد:مااحد علمني لو ادري خليتك تاخذها
سعود:جاني الرد من امك ياحمد
اصيل:اقوللل سعودد من متى وانت تنسحب كذا مو كنت تقول لي انا لو حبيت احارب الدنيا كلها لعيونها وش صار الحين
سعود:اللي صار الحين اني سمعت الرفض قبل لااحارب
حمد:حارب اقول انا بوقف بوجه امي ولاعليك من احد
عمر:ونقول ليه سعود مضيم
عبدالرحمن:اثارييييك تحبببب وطلعت عاشققققققق
اصيل:مو بس عاشقق وطلع يهتمممم
سعود:الحين وش بتسوون قولو لي
عبدالعزيز:سهله ذي بنخلي خالتي تزوجك ام لسانين
حمد:ولدد تراني اخوها انطم
اصيل:وهو صادق شايف لسان اختك؟
حمد:شف لسان اولاف انت بعدين تكلم على افنان
اصيل:اسكت بس الا اولاف
حمد:وانت اسكت الا افنان
عمر:خلاص انت وياه قولو وش بتسوون
اصيل:نقول لها جبنا عريس يحبه قلبك لأفنان لانها تبي الفكه من ام لسانين وهي بتوافق عليه بدون ماتشوف والعريس ذا يطلع سعوددد
عبدالعزيز:خطتك مخيسه مثل شعرك
سعود:اسكت انت وياه
(وبنفس اللحظه اللي تكلم فيها سعود دخلو فهد وافنان وجُمان)
حمد:افنانوه وين رحتي
افنان:شدخلك مالك دخل
فهد:ودت جُمان المستشفى لانها تعبانه
اصيل:جُمان تعبانه؟
جُمان:لالا فهد مايدري عن شي بس لاننا قلنا له ودنا المستشفى يحسب اني تعبانه
بالنسبه لسعود اللي كان يناظر افنان ولامل ولارمشت له عين
عبدالرحمن انتبه لسعود وضحك
اصيل:وشو ليه تضحك
عبدالرحمن اشر على سعود وقال اصيل:
سعودد
افنان اللي انتبهت انه موجود وناظرت له وتلاقت عيونها بعيونه
جُمان اللي سحبت افنان لداخل وقالت:
تستهبلين انتي ليه تناظرين له
افنان:كيفي ياخي تعجبني عيونه
جُمان:تستهبلين انتي؟
افنان:لاوالله صدق تراني احب عيونه مدري كيف تجذب الواحد يارب بنتي تطلع نفس عيونه
جُمان:بسم الله عليك امشي امشي للبنات
ودخلو للبنات وجت اولاف لهم وقالت:
وين هجيتو
افنان:رحنا المستشفى
اولاف:ليه شفيك
جُمان همست لها:بتصيرين عمه
اولاف:طيب انا عمه كيف بصير عمه
افنان:يعني بتصيرين عمه مره ثانيه ياتيسه
اولاف اللي صرخت:جُماننن حاملللللل؟؟؟؟
وكل اللي بالمجلس ناظرو جُمان وقالت ام عبدالعزيز:الف مبروك يابنتي جُمان
جُمان ابتسمت:الله يبارك فيك ياعمه
وبدت التباريك من الحريم وكانت جُمان ترد ووجهها احمر
خصال:يربيي اللي بتصييير اممم
جُمان:تكفين خلاص
جوليا:احس اللي ببطنك ولد
افنان:لامانبي قرد نبي وحده كيوت وعيونها تهبل مثل عيون اللي قلت لك جُمان
جُمان قرصتها وقالت:افنان قلتي بنتك انتي وش تبين ببنتي
ريم:عيون من افنانوه عطينا اسمه
جُمان:سعود تحب عيونه
افنان:وجعاه ياجُمان وجعاه
لينا:افنان الا جُمان مااسمح لك تتكلمين عليها
دينا:وهي صادقه الا جُمان الأصيل
اعتزاز:وخري انتي وهي البنت اختنقت منكم
جوري:جُمان لو طلعو تؤام وش بتسوين
جُمان:عادي مابسوي شي بس بخلي واحد عن اصيلوه وواحد عندي
نجد:تخيلي يطلعون سته تؤام طقه وحده والله وناسه
اولاف:تحسبينها ايش والله لاتنجن
افنان:خلاص غيرو الموضوع
جُمان:انا بروح فوق برتاح
افنان ضحكت وقالت:بشري الاصيل وقولي لنا ردة فعله
جُمان:انطمي بس
وراحت فوق وحصلت اصيل وفارس جالسين ينتظرونها
جُمان:وش تسوون هنا
فارس:جايين نسألك
جُمان:ايش
فارس:ليه رحتي المستشفى شفيك تعبانه؟
جُمان:لاماني تعبانه
اصيل:اجل ليه رحتي
جُمان:رحت مع افنان كان بطنها يعورها ووديتها المستشفى
فارس:وافنان مالها اخت تروح معاها
جُمان:يوه فارس شفيك عاد ترا كلها مستشفى اللي يسمعك يقول هجينا
فارس:اخر مره ياجُمان ثاني مره تقولين لي او لأصيل ماتطلعين بدون ماتقولين لاحد
جُمان:تمام وغيره
فارس:سلامتك
وطلع من شقتهم ونزل لتحت عشان يمشي هو وجوليا وغيث
جُمان بحماس:اصيلل بقول لك شي
اصيل:وشهو
جُمان:مو هنا بنروح انا وانت مكان وبقول لك
اصيل:وش المكان
جُمان:طريق السفر اللي شفتك فيه وشفتني فيه بنجلس هناك
اصيل:ليه
جُمان:اقولك بقول لك شي
اصيل:تمام اجهزي بعد شوي بنطلع
جُمان:انتظرني تحت
اصيل:صح مافيه احد
جُمان:بس خالتك ام حمد وعماتك
اصيل:انتظرك تحت
ونزل تحت يركض وكانت هي مستغربه من ركضه وراحت تبدل وتمسح المكياج
(تحت)
اصيل:السلام عليكمممم
ردو كلهم بصوت واحد:وعليكم السلام
اصيل:خاله جواهر
ام حمد:سم شبغيت
اصيل جلس جنب اولاف وقال:انا سمعت انك رفضتي اللي تقدم لأفنان ليه رفضتيه
ام حمد:ماابيه طيب انا مااحب اهله تبيني اعطيهم بنتي
اصيل:الحين انتي عشانك ماتحبين اهله ماتبينهم ياخذون بنتك لولدهم
ام عبدالعزيز:خلاص يااصيل
اصيل:يمه وشو خلاص الولد تعبان يقول مابي غيرها وافنان مثله تدرين ان اليوم خطبها شايب كبر جدي من حمد وحمد ماقصر قال لخالتي وخالتي قالت نشوف البنت توافق على شايببب وتسحب على اللي يحب بنتها ويبي لها الخير؟من الحين اقول لكم افنان اذا ماخذت سعود وصار زواجهم
بزوجهم بدون مايدري احد بس اهم شي راحتهم وسعادتهم
ام عمر:وشو تزوجهم بدون مايدري احد ام البنت ماتبيهم غصب يعني
اصيل:ياخاله وش سوو لك عشان ماتبينهم
ام حمد ساكته ولاردت
اصيل:ماسوو شي صح يعني افنان بتتزوج سعود بس مو الحين بعد ثلاث شهور
اولاف:وشوو بعد ثلاث شهور اصيللل خيررر
اصيل:اصص ولاكلمه بشوف سعود وش بيسوي
(افنان ماكانت موجوده عشان كذا تكلم اصيل)
اصيل:هاه ياخاله قولي انك موافقه عليه
ام حمد:يصير خير
اصيل:يعنييي موافقه ماترديني صح ياخاله
ام حمد:عشان هالمسكين لاهو عشانك ولا عشان ام لسانين افنانوه
اصيل:عادي تكلمي علينا راضيينن بس اهم شي سعودي مايصير فيه شي ياخاله
ام عذب:هذا اهم شي عندك سعود
اصيل:اهم من عزوز لو انه اخوي احسن يلا مع السلامه
اولاف:وين وين
اصيل غمز لها وقال:عندي شغل
وفهمت عليه وطلع هو لفوق وحصل جُمان جاهزه وقال:حسبتك بتنزلين
جُمان ناظرته وقالت:لاكنت استناك تخلص سوالف مع البنات وكذا ماحبيت اقاطعكم
اصيل:انتي لو تقاطعين الناس كلها محد يزعل عليك
جُمان قامت واخذت عبايتها وقالت:يلا شغل السياره
اصيل:السياره شغاله بس تستناك
جُمان:طيب امش يلا
ونزلو للسياره وحرك اصيل وراحو لمكان لقائهم الاول(طريق السفر)ونزل اصيل الكراسي وجلسو
اصيل:ايي قولي وس عندك
جُمان:اليوم انا اللي رحت المستشفى مو افنان
اصيل:ليه شفيك وليه ماقلتي لي اوديك
جُمان:خلني اكمل طيب
اصيل:كملي
جُمان:ورحت للدكتوره(وسكتت هنا ماعرفت تكمل)
اصيل:ايوه وبعدها
جُمان:قالت لي انتي حامل
اصيل:تكذبين علي صح؟
جُمان:لاوالله اقولها صادقه بتصير ابو غيم
اصيل اللي كانت مشاعره طاغيه على ردة فعله ناظرها وحضنها على طول
ضحكت جُمان وقالت:شفيك
اصيل:مافيني شي يا ام غيم
وخر عنها وقال:بنت ولا ولد
جُمان:توه بدري عشان نعرف
اصيل:يالله انها غيم
........................................
(بعد شهرين)
يوم زواج اولاف
افنان:اولافف خلاص عاددد بدون دموع لاادفنك
ريم:افنان بشويش عليها
خصال:افنان صادقه كم صارلها تبكي شوي شوي طيب ترانا ماهجينا عندك للحين
اعتزاز:متى تجي لينا
دينا:تقول حمود توه صاحي
(عرس لينا كان حفله تجمع اهلها واهله والناس اللي يعرفونهم)
جوري:جُمان مادقت عليكم
افنان:الا تقول مابقى الا شعري حتى جوليا خلصت
نجد:طيب والزفه جاهزه صح
افنان غمزت لها:حتى اللي قلت لك عليه
اولاف:افنان فستاني وين
افنان:انتي خلصي اول
خصال:افنان شعندك على الاحمر تبين تلبسينه
ريم ضحكت وقالت:عشان سعود🤣
افنان:شدخل سعود
اعتزاز:الاصدق متى خطبتكم
افنان:وش دراني انا
دخلت ام عبدالعزيز وكانت الساعه
(٩العشاء)
افنان:خلصنا ياخاله بس باقي نلبس
ام عبدالعزيز:زين اسرعو لان اصيل وعبدالعزيز بيتصورون مع اولاف
افنان:نص ساعه بس ونكون لابسين
وقامو كل البنات يلبسون فساتينهم
(اولافي عروستنا طبعا ابيض وافناني احمر وجُماني ازرق على الجسم وجوليا وردي واعتزاز اخضر فاتح وكان على الجسم وخصالي اسود ودينا بيج على سُكري ونجد موف وجوري برتقالي وريم سماوي ولينا كحلي)
افنان:يلا يابنات عشان يدخلون يصورون
وطلعو كل البنات ودخلو ابو عبدالعزيز وام ام عبدالعزيز واصيل وعبدالعزيز
اصيل:وش ذا الجمالللل ياحـرّم الفارس
عبدالعزيز:طالعه قمر
ابو عبدالعزيز:وخرو عن بنتي
وحضنها وباس راسها وقال:هذي هي اللي حبها يشبه الروح وسميتها من بينهم نور عيني اليوم عني شيخة البيت بتروح للي معه
تقضي العمر والسنيني مثل الفرس عز وجموح منزهه بالطهر عن كل شيني اليا ضحكت تشفي من احزان وجروح واليا بكت كل الفرح مايبيني
كانت المصوره تصور كل شي من دخولهم لين كلام ابو عبدالعزيز
اصيل حضن اولاف وقال:كلامي بتسمعينه بزفتك الحين ماعندي مشاعر مثل ماتقولين
اولاف نزلت دموعها من تكلم اصيل وكأنه تكلم عشان تنزل دموعها
عبدالعزيز:ليه ليه تبكين
اولاف:ماابكي هي نزلت
ضحكو كلهم وقالت ام عبدالعزيز:صورو يلا عشان تطلعون
اصيل:طرده ذي
ام عبدالعزيز:ايي طرده اخلصونا
وصورو كلهم مع اولاف وطلعو كلهم ودخلت افنان وعذب عندها ويساعدونها عشان الزفه
افنان:احسني بصيييح اولاف مو مصدقه صرتي عروسه
عذب:يلا يلا عشان الزفه
دخلت عليهم جُمان وقالت:هلا بالعروسه
افنان:جُمانوه
جُمان:سمي
افنان:ليه ساحبه على اصيل معاد صرنا نشوفك تحت
جُمان وهي تجلس:اسكتي بالله اصلا من علمته اني حامل ثالث يوم رحت للشقة اخواني
عذب:ليه ليه
جُمان:دابل كبدي الشقه بس مرتبه مايوصخ شي وانا مابي اجلس قلت اروح عند اخواني ابرك ولليوم ذا ماشفته
اولاف:جُمان شكلك ماعرفتي اصيل للحين
جُمان:ليه
اولاف:مرتب مايوصخ شي حتى شقته اللي بمكان شغله القديم مرتبه وريحة عطر ويوم جيناه انا وهزاع ونور بس خايف انهم يخربون شي
جُمان:ماعلينا من اصيل قولي لي انتي جاهزه الزفه الحين
اولاف:لاتذكرينيييييي
افنان:جُمان ترا ماصدقنا نخفف توترها
عذب:يلا يلا صارت عشر
وساعدوها تنزل معاهم وضلت معاها افنان عشان تعدل الفستان ودخلت جُمان وعذب داخل
وانفتح الباب وكانت الإضاءه خفيفه وبرضو عليها وابتدا كلام اخوها عبدالعزيز وهو يقول:ماني عارف اقول مشاعري ياحبيبة اخوك فرحتي لك كبيره وكبرتي وكبرة معك فرحتنا وفرحة البيت رُوح الجميع ورُوح بيتنا بيت مصعب آل صقر كنا نقول الأصيل رُوح البيت طلعتي انتي رُوحه والله يوفقك انتي والفارس
ابتدأ كلام اصيل وهو يقول:ياحنية يانور كل المدنيه ياشمعة البيت وهناه وحنينه(قال شعر ابوه بس عدل عليه)هذي هي اللي حبها يشبه الروح وسميتها من بينهم اولاف مابين ضحكاتها وهي صغيره ومابين فرحتي بها ستزف يا أول افراحنا وكل هنائنا بزفافك الكل منا سعيد والقلوب بعدك بيتعبها الحنين بركات من الالة ترافقك ياعين الأصيل وحظ سعيد وحياة سعيده
نزلت دموعها بفرحة بعد كلام اصيل وعبدالعزيز وابتدت الموسيقى وبدت تمشي
وبدا الرقص وبدو يرقصون البنات وكان حماسهم بفرح اولاف غير
جت امها تحضنها وتسلم عليها
اولاف:بتسمعين كلامي بعد شوي
كانت مجهزه كلام لأمها وابوها واخوانها
وجاء وقت انها تطلع وابتدا صوتها وهو يقول
:لحظات الوداع بعد الاعتياد مرعبة جداً
ترك العائله والمنزل بمثابة ترك جزء من قلبك وروحك انتم نعيمي ونعمتي وأمان قلبي وطمأنينته وأنتم ضماد قلبي الذي يعيد تسويته كلما امعن في الالتواء كنتم حائطي العظيم الذي اسند عليه ظهري كلما ارهقني هذا العالم
ماما وبابا يادواء قلبي وجرحي ونور طريقي انا اعتذر اذا قصرت معكم في يوم من الايام بطاعتكم او بنشغالي عنكم فأنتم جنتي وناري
عبدالعزيز والأصيل ياسندي وعزوتي فأنتم العوض عن كل شي وانكم النور وباقي الدنيا سواد كنتم لي الاب والاخ والصاحب والحبيب وما الاخوان الا اتكاء روح على روح وغيم يجاورني مدى الحياة
انهت كلامها ب"ولأني امضي نحو حياة جديده دعواتكم لي بالتوفيق اللهم ان استودعتكم الله فأنتم اثمن اشيائي واقربها الى قلبي واغلى واحب عروستكم اولاف بنت مصعب آل صقر"
صفقو كل الموجودين وطلعت اولاف من القاعه وراحت تتصور مع فارس
بغرفة التصوير
دخل فارس وشاف اولاف واقف وتتصور وكان يناظرها ولا مل
لمحته المصوره يناظر اولاف بحب وصورته كم صوره وكانت اولاف متوتره ومن شافته هدت وابتسمت
المصوره:اخيرا قررتي تبتسمين
فارس عرف انها ماابتسمت الا لما شافته وقرب منها وحاوطها ببشته وحضنها وكانت نبضات قلوبهم اللي تنسمع
وخلصو تصوير وجت افنان تساعدها عشان تطلع للسياره
افنان:عزوز اصيللل
جو عبدالعزيز واصيل واخذوها وركبوها السياره وركب فارس وكان بيمشي بس دق الشباك وكان اصيل
فارس:سم شبغيت
اصيل:اسمعني وداعتك اولاف وخلها بين عيونك ولانوصي حريص يالفارس انت عارف انها وحيدتنا ولا لنا غيرها ولانبيك تزعلها بحاجه
فارس:ابشر يالأصيل والله انها بين الرمش والعين وتفداها روحي ولا تزعل
ابتسم اصيل ومشى فارس للفندق
داخل عند البنات
اعتزاز اللي كانت تشهق:تكفون لاتروحح
افنان:وجعاه اسكتي انتي على لينا مابكيتي كذا
لينا:تجحد اختها ذي ماتعترف فيني
ريم:تعالي انا اعترف فيك واخليها تاخذ افنان
قاطعهم صوت عبدالعزيز وهو ينادي :ياليلى يلااا بنروححح
ليلى شالت هزاع وقالت:تمسون على خيير
البنات:تلقيين الخير
جوليا:تبون نسمر ولا؟
جُمان:انا بروح مع اصيل مشتاقه له واجددد
افنان:عشششناااا
خصال:خلوها صارلها كم شهر ماشافته
ام عبدالعزيز:يابنات يلا اصيل بيودينا كلنا للبيت
افنان:خاله اصيل حرمته تبيه حنا نروح مع حمد
ام عبدالعزيز:حمد مشى من زمان مابقى الا اصيل
ترف باست راس ام عبدالعزيز وقالت:انا غيث ينتظرني مع السلامه
(غيث وترف تزوجو بحفلة صغيره جدا وكانت عائليه لان اهل ترف ناس مُتدينه مره ولا عندهم عادات الزواج والاغاني)
جوليا:خذيني معاك تراني اخته
افنان:نامي عندنا اليوم ببيت خالتي
ريم:ايي جوليا صدقق خلي غيث مع حرمته شوي
ضحكو البنات كلهم وقالت ترف:بلا قلة ادبب
اصيل بصوت عالي:يلااا عاددد طفشتتت ترانيي
جُمان بهمس الكل سمعه:ياحييي هالصوتت
افنان:قومي قومي وقت اصوات
وقامو البنات يلبسون عبياتهم وراحو للسياره وكانت سيارة ابو عبدالعزيز لانها كبيره
لمح جُمان وقال بصوت عالي:يا وجهٍ يروي ضمّا قلبّي
عذب:اصيلل مو وقتك ابدد كلنا تعبانين
اصيل ناظرها وقال:اسكتي انتي
ام عبدالعزيز:افتح السييياره
اصيل ركب وركبو البنات وشغل اصيل
"بدت تمطر وانا ادري بك تحبين المطر والغيم"
ابتسمت جُمان ولمح اصيل ابتسامتها وكمل طريقه للبيت ونزل البنات وراح يرجع السياره لمكانها
ونزل يروح لشقته وسمع صوت يناديه:
اصييل
لف وحصل جُمان وقال:هلا والله بالقاطعه
ابتسمت وقالت:اشتقتت لك
اصيل:المشتاق يرسل ويحضن
حضنته وقال:لا مرني طيفك من الشوق ضميته
جُمان:تدري عاد مااشتقت لك الا اليوم
اصيل:اجل مع السلامه
جُمان:امزح معاك
باس خدها وقال: ‏
من شاف وجهك يضيع وجهته والمسار
‏وش ذنبه العابر اللي تمنعه لا يمر ؟
يغار منك القمر والشمس ظني تغار
‏ضيك على ضيهم يطغى ويامر امر
‏وملامحك عالمٍ ثاني وقو ابتكار
‏فيها حلا بيض ممزوج بملوحة سمّر
‏اضيع من خدك اللي مثل نور النهار ؟
‏ولا الثمان العذاب اللي حرسها جمر
ابتسمت وباست خده وقالت:مااعرفف اردددد
اصيل:المهم انتي مو الرد طول الشهرين كنت اكلم فارس يطمني عنك لاني ادري انك كنتي كارهتني وجدا
جُمان:الحين بنتي صارت تحبك وبتشاركني فيك
اصيل:اللي ببطنك بنتتت؟
جُمان:اييييي
حاوطته يد اصيل خصرها وقُبل مبسمها لدقايق ماهي قليله
(نروح لعرساننا)
وصلو الفندق ونزل فارس يفتح لها الباب ونزلت معاه واخذ البطاقه وراحو الدور
(24)
دخلو الغرفه وشافها متوتره وقال:انا بروح اجيب عشاء خذي راحتك
ارتاحت يوم طلع من الغرفه واخذت شور سريع وطلعت ولبس بجاما باللون الاسود حرير وعلى الجسم وتعطرت وجلست تفكر تنام ولا تسحب عليه وخلال تفكيرها دخل فارس ومعاه الاكل وناظرها وابتسم
وقال:الله يعين قلبي
اولاف:خل قلبك بعدين تراني ميته جوع
فارس نزل الاكل وقال:اغسل يدي واجيك
اولاف هزت راسها بمعنى"تمام"
وقامت ترتب الاكل على الطاوله طلع من الحمام"يكرم القارئ"وشافها ترتب الاكل وقرب وحاوط خصرها وقال:انا ظلك وضيك وانا اللي احبك
ابتسمت وقالت:الاكل وبعد الاكل بقول لك تاريخ بدايتي فيك تاريخ رضى الحياة لي
ضحك فارس لانه عرف ان اكبر همها بطنها وقال:ام بطين اجلسي كولي
ناظرته بطرف عين وقالت:مالي خلقك لاني ميييته جوع
فارس:هذي اولها بتبدين هواش؟
اولاف رفعت السكين عليه وقالت:اجلس وانت ساكت
ضحك وقال بداخله"ورانا مشوار طوييل يااخت الأصيل"
ومشى يجلس قدامها وقال:والله ان وضعك غريببب قبل شوي مستحيه وبياكلك الحياء والحين رجعتي مثل قبل
اولاف:قبل شوي لاني كنت متوتره والحين لاني ارتحت شوي وبعدين معلومه ما
تعرفها انا كذا مع الناس اللي احبهم واجد
ابتسم على جنب وقال:انا من ضمنهم؟
ناظرته ولاردت وقال:جاوبي انا من ضمنهم؟
قامت وهي تقول:الحمدلله شبعت
فارس:والله ان تكملين اكلك
اولاف:كمل اكلك وانت ساكت
فارس:مابسكت وش بتسوين
تقدمت خطواتها لناحيته وهو كان جالس وقالت:بشوه وجهك بالكاتشب اللي بيدي
فارس:سويها وشوفي اللي بيجيك
وفعلا مدت يدها لوجهه وصار كله كاتشب
وقالت:هاه شفتتت وش بتسوي الحين
ناظرها وسحبها وجلسها على رجله وقال:
ليه تعاندين؟
اولاف رفعت كتوفها بمعنى"مدري"
فارس:طيب بسألك
اولاف:ايش
فارس:كيف قلبك؟
اولاف حطت عينها بعينه وقامت على طول تغسل وقالت بصوت عالي:غسل الصحون
وشال الاكل وحط الصحون بغسالة الصحون وراح يغسل يده وحصلها نايمه وراح جنبها وحضنها لين صار ظهرها ملاصق بصدره
كانت تمثل بإنها نايمه وزادت نبضات قلبها من حضنها
همس لها:ترا ادري انك صاحيه
لفت عليه وقالت:طيب بغيت شي
فارس هز راسه بمعنى"ايوه"
اولاف:ايش
فارس:كل قرب غير قربك ما وده انا حالف غير قلبك ما احب
وماانتظرها ترد وقُبل مبسمها
(نروح للبنات)
افنان:جُمانوه وينها طولت
عذب:تحصلين اصيل مسكها
جوليت:ياعزتي لهااا
جت ام حمد وناظرت افنان وقالت:ام سعود اتصلت
افنان:تمام وش اسوي انا؟
ام حمد:اتفقنا انا وهي
افنان:ايوه وبعدها؟
ام حمد:خطبتك انتي وسعود بعد اسبوعين
افنان:عذب اقرصيني بالله
عذب ضحكت عليها وقالت:مبروكك يالخبله بتتزوجينه
افنان شافته امها طلعت ومسكت قلبها وقالت:قلبي صار ينبض بقوه من كثر الحب لسعود قلبي
خصال واعتزاز بنفس الوقت:هل يوجد حب في قلببب افناننننن؟
افنان:يوجد يوجددد وهالحب اهلكنااااااا
ريم:عششناااااااا
جوليا:دينا ونجد وجوري شعندهم ساكتين
دينا:جُمان ماهي هنا عشان اطقطق عليها
نجد:اكلها اصييللللل
افنان:اتركو جُمان شوييي مالاحظتو ان اصيل من شافها ابتسم وصار يغني واغاني حب وخرابيط
دينا:مشتاققق لهااااا
افنان:اشتقتت لفوفتي
اعتزاز:تدرين ماني متعوده بدونها بيت عمي هاجد مره الحين مافيه الا اصواتنا بالعاده تشوفيه الصاله حوسه لانها جلست فيها وطفشت
افنان:جتني كتمه بطلع برا
وقامت لبرا ومحد لحقها وراحت للمزرعه تبكي على راحتها بسبب شوقها ل اولاف
وكان فيه شخص ينتظرها تطلع ويسولف معاها ولحقها للمزرعه
سعود من وراها:شفيك
افنان مسحت دموعها على طول وقالت:
ولاشي
سعود:اقدر اجلس ولا اروح؟
افنان:لااجلس عادي
وجلس جنبها وقال:امك قالت لك؟
افنان:ايوه
سعود:طيب ماتبين تقولين لي ليه تبكين
افنان:اشتقت ل اولاف مو متعوده اجلس ببيت خالتي بدونها دايم هي موجوده فيه والحين غرفتها فاضيه بالعاده ادخل عليها القاها تذاكر للجامعه وتقول لي جيتي والله جابك تعالي اشرحي لي ذا
سعود:لهدرجة اولاف غاليه عليك؟
افنان:وجدا صح اني اكبر منها بأربع سنوات لكن مااعرف اتصرف بدونها
سعود:طيب انتي بتتزوجين وهي تزوجت وكل وحده بتشوف حياتها
افنان هزت راسها بمعنى"لا"وقالت:انا واولاف غير ياسعود يوم يشوفننا الناس مع بعض يحسبونا خوات مع ان مافيه ولاشبه بيني وبينها حتى بالجامعه هي صارت اختي وصديقتي وقلبي وكل شيي
سعود:خلي اولاف على جنب خليني فيك وخليك فيني
عقدت حواجبها بعدم الفهم وكمل وهو يقول:اشتقت لك كم لي وانا ارسل لك من عقد قرآن اولاف وفارس وانتي ماتردين علي تفتحين ولاتعطيني جوابك ماتبين تريحين قلبي ياغايته ومُراده؟ماتبين تقولين لي قد ايش تحبيني وتحبين سعود قلبك؟
افنان ناظرته وشافت عيونه تلمع وقالت:
انت لو كنت سجني احبك واعشقك انت اول شخص دخل قلبي تتوقع اني بيوم بقول مااعرف سعود ولا احب سعود؟مستحييل انا لو خيروني بينك وبين اي شخص كان بحياتي بختارك انت بدون اي مقارنه
سعود ابتسم وقال:ماودك نعيد الذكرى
افنان:اي ذكرى؟
سعود:يوم كان معاك البسكوت وجلستي عندي عند البيت المهجور
افنان ضحكت بخفه وقالت:صدق انت تحب البسكوت اللي كان معاي؟
سعود:لاكنت احبك انتي ولازلت احبك انتي
افنان بتوتر من كلامه ونظراته وقفت وقالت:
انا بروح تبي شي؟
سعود:اييوه باقي ماخلصت
افنان:تخلص بعدين الحين يجي احد يشوفنا ونبتلش
سعود وقف وقال:عادي مافيها شي اعتبر محرم لك الحين
افنان ناظرته بدون رد وقال وهو يضحك:
امزح معاك بعد اسبوعين احضنك وقت ماابي
افنان حضنته بدون تردد وهو انصدم منها
وقال:خذي راحتك بحضني بس مو الحين يافناء قلب سعود
افنان وخرت وقالت:اسفين طال عمرك بس مدري كيف حضنتك
سعود:اذا دقيت ردي
هزت راسها بمعنى"تمام"
وكان بيمشي بس وقف ورجع يناظرها وقالت:شعندك نسيت شي؟
سعود:اييي وشي حلو بعد
افنان:وشهو
قرب وباس خدها وقال:ذا نسيته
شتت نظرها عنه وضحك هو وقال:
وأبقى ذاك الشخص اللي يحب شامات خدك
ابتسمت وقالت:مو حبيبي انت زادي والهوى
سعود:خليني امشي قبل لايصير شي يااخت حمد
افنان:طيب احبك ومع السلامه
سعود:عيديها
افنان:امش بس
باس خدها للمره الثانيه ومشى لبيتهم والابتسامه مو راضيه تفارق وجهه
ركضت افنان لداخل وشافت البنات نامو واستوعبت كم من الوقت جلست مع سعود وقالت بنفسها"ياجعل وقتي كله معاه دامي بكون مبسوطه كذا"
.......................................
عند جُمان الأصيل
.......................................
اصيل وهو يحط كوب المويه على الطاوله:
ياترى انتي بأي شهر؟
جُمان:بدخل السادس
اصيل:هانت باقي ثلاث اشهر
جُمان:اصيل
اصيل:عيونه
جُمان:لو كانو تؤام بنت وولد ايش بيكون شعورك يعني؟
اصيل:شعور كل اب بيصير اب وتدرين ايش الاهم ان جُمان الأصيل امهم ولااذا جو وهم يشبهونك وش ابي اكثر من كذا
ابتسمت وحطت راسها على صدره وقال هو:
ودي أشيل الحمل من ع متونك و اقاسمك أفراحي وكل الأضحاك انتي البدايه والنهايه ف سجونك أسعد سجين يعيش من دون ادراك
جُمان:مااحب ذي احب اغنيتك لي بدت تمطر
اصيل:احبك انتي والمطر اللي خلاني اعرفك واللي صدمو سيارتي وخلوني اوصلك لبيتنا وتنامين عند اولاف وامي وتتعرفين عليهم احب كل ذي الصدف اللي جمعتني فيك
جُمان:انا مااحب الصدف احبك انت
ورفعت نظرها له وباست فكه ونامو على الكنبه
.....................................
"يوم خطوبة سعود القلب وافنان الروح"
.....................................
اصيل:ياعيال سعود مستعجل خايف خالتي تكنسل
عبدالرحمن:خله ينبسط والله محد قده ياشيخ
عبدالعزيز:الحين حمد بيخطب من
اصيل:اييي بيخطب عذب
عبدالرحمن:ايشش ليه يخطب عذب
اصيل:وشو ليه عشان عرسه وعرس سعود بيوم واحد وش احلى من كذا عرسين بيوم واحد
عمر:متى كبرو ذولي
عبدالعزيز:كلهم كبرو الا انا
اصيل:الشيب مالي راسك يالكذابببب
عبدالعزيز:حتى لو توي صغير صح يبه؟
ابو عبدالعزيز:ايييي وليدي ماكبر
اصيل:مالت علي بس بشوف اولافي ماشفتها من جت
وراح لأولاف وحصلها وسمعها تسولف مع البنات
اصيل:يااولاففف
اولاف:جُمان قومي له
جُمان:قال اولاف ماقال جُمان
اولاف:اوفف عاد اخلص من فارس يجي اصيل
وطلعت له وقالت:هلا اصيل
اصيل:مالت عليك جيت ابي اسلمم عليك
اولاف حضنته وقالت:اشتقتت لك ياحيوان
اصيل:هذي بدايتها حيوان
اولاف:امزح امزح
اصيل:ابي جُماني بشوفها
اولاف:توكلل بسسس محد فاضي لك
اصيل:ياخييي طفش معرسنا ماجاء
افنان من داخل لانها سمعته وقالت:كلمه لايتأخرر
اصيل:يالخفيفه اهجدي خلاص عاد زوجناكم
جُمان طلعت راسها له وقالت:ماصدقت خلها ترتاح
اصيل ابتسم من شافها وقال:ذي الجمال كله
اولاف:ماتستحي تراك انقلع
اصيل همس لها:خلي عذب تجهز نفسها
اولاف:ليييه تتجهز
اصيل:جاي لها عريس
ومشى ينتظر سعود لان الساعه كانت
5العصر
دخلت اولاف عند البنات وقالت:افنانننييي متحمسه لك بشكللل
ريم بخبث:خليكك من افنان قولي لنا وش صار
اولاف:وشو وش صار
خصال:ماجيتي الا اليوم وصارلنا اسبوعين ماشفناك وين كنتي
اعتزاز:اييييي وين كنتي
اولاف:اقوللل انتي وياهاا توكم بزارين ولا اسمع حرف منكم واهجدو احسن لكم
جوليا:اولاف توهم ماقالو شي بس نخاف عليك وكذا
اولاف:اسكتي انتي
جُمان:ماعليك منهم الحين تتزوج افنان ونمسكها طقطقه ويمسكونها هم معانا
وسمعو صوت امهاتهم وهم يقولون:
ادخلي ياام سعود ادخلي
فزو كل البنات يشوفون افنان للمره الاخيره قبل لاتنكتب "حـرّم سعود ابن ضاحي آل وافي"
اصيل:هلا بمعرسنااااااااا
سعود:اصيلل قلبي يدق بقوه صح عادي؟
اصيل:ايي عاديييي عاد الله يلوم اللي يلومكك ياابن ضاحيييييي
ابو عمر:اقصر حسك يااصيل
اصيل:عمييي خلني انبسط اليوم انتصر اعظمم حب وماهوب ايي حب وزواج حب سعودد ابن ضاحيي
تنحنح ابو عبدالعزيز وقال:قبل لاينعقد قرآن سعود وافنان انا عندي طلب وابيكم تسمعوني زين
ابو عذب:نسمعك تكلم
ابو عبدالعزيز:انا طالب يد بنتك يااخوي شادي لولدي حمد وخذ راحتك انت والبنت
ابو عذب:والله هذي الساعه المباركه وولدنا حمد شهادتنا فيه مجروحه بس الراي الاول والاخير للبنت يبو عبدالعزيز
اصيل بخفه همس لعمه وقال:عمي اسألها الحين عشان نعقد قرآنهم مع بعض
ابو عذب:شورك وهداية الله ياعبدالرحمن قم قم شف اختك موافقه على حمد ولا لا
وقام عبدالرحمن لعذب ونادها بأعلى صوته:
ياعذبببببب ياخصاللللل
جت عذب وهي معصبه:خيييررر وش تبييي
عبدالرحمن:اسمعي حمد خطبك موافقه عليه او لا
عذب:ايششش ايششش حمد ماغييره اخو افنانننن وريممم
عبدالرحمن:اي حمد ماغيره اخو افنان وريم
عذب:كيف وليه يخطبني؟
عبدالرحمن:يابنتي اخلصيني عاد موافقه او لا
عذب:ابوي شقال؟
عبدالرحمن:ابوي من كلامه انه موافق بس مدري عنك
عذب:خلص موافقه
عبدالرحمن:اللي يتمم اللي فيه الخير
ورجع لهم يبشرهم بوافقة العذب
عمر:كلهم تزوجو الا انا
عبدالعزيز:انت خلك بعدين
عمر:اسكت بس
سعود همس لحمود:ماتلاحظ ان يبي لهم جلد
حمود:انت عريس اهجد
اصيل:جاء الشييييييخ
وقفو كلهم يستقبلون الشيخ
وبدا الشيخ بسعود وافنان
الشيخ:ردد معاي يااخو العروس زوجتك اختي افنان
حمد:زوجتك اختي افنان
الشيخ:على كتاب الله وسنة رسوله
حمد:على كتاب الله وسنة رسوله
الشيخ:اللهم بارك لهما وبارك عليهما واجمع بينهم على خير وقع ياعريس
وقع سعود والفرحة بعيونه وكان يردد:
الحمدلله الذي بنعمته تتم الصالحات
اصيل قام وحضنه بقوه وقال بهمس:
اخيييرا ياسعود قلبها الله يوفقكم
سعود:مابغينا ياولدد كم صارلنا من عرسك انت وجُمان وحنا نقنع امها بس ماش
فهد:يلا عاد متى العرس
حمد:مطول ذا
اصيل غمز لحمد وقال:هو مطول بس انت؟
حمد:انا بعد شوي
الشيخ:العريس الثاني وينه
جلس حمد بعد مابارك لسعود
ووقع حمد وهو طاير من الفرحه
"عرف ان حبه لجوليا بس كان حب عابر "
الشيخ:الحين دور العروسات يوقعون
فهد اخذ الكاتب وراح لافنان وقال:يا روح سعودد تعاليي وقعي
جت افنان وهي تبتسم وكانت اسعد وحده اخذت سعود قلبها وحبيبها واول شخص دخل قلبها وقدر يغيرها
وقعت وقالت:فيه شوفه؟
فهد:ليه ودك؟
افنان:ايي تكفى بشوفه ماعمري شفته وهو كاشخ
فهد ضحك وقال:خلص بشوف اذا يبي او لا
وراح ودخلت افنان وهي تضحك ومبسوطه
اولاف:هدي شوي
افنان:عذب امشي وقعي على حمد
ريم:ايششش حمددد بيتزوجججج؟
افنان:صباح الخير
عذب راحت ومعاها خصال وكان عبدالرحمن ينتظرها ووقعت وباس راسها وقال:الف مبروك ياروح اخوك
عذب:الله يبارك فيك
خصال:مافيه شوفه؟
عبدالرحمن:وانتي شدخلك
خصال:اختي ذي اخلصني
عبدالرحمن:فيه شوفه بس بعد افنان وسعود
وراح للعيال ومشى الشيخ ودخل سعود للمجلس ينتظر افنان (تخيلتهم وقلبييي صار فراشاتت🥺🥺🥺🥺🥺)
رفع راسه على صوت كعبها وشافها وابتسم ووقف وقال:سبحان من سواك يا اخت حمد
ابتسمت هي بخجل وقال:احضنيني حضني لك انا حلالك وانتي حلال(مااقدر اتحمل ابيهم حقيقه😭)
حضنته ودفن وجهه بشعرها وخرت عنه وقالت:عطيتك وجه عاد
سعود:افاااااا يعني اطلع وانا توي ارتاح؟
افنان هزت راسها بمعنى"لا"وقالت:لااجلس
سعود حاوط خصرها بيده وكان شكلها يهُلكه ويهلك قلبه وكان يعشقها وهي قدامه
وهي مو عنده اجتمع فيها بعد عناء طويييل جدا ومعاناته بسبب هالحب يكتبها للتاريخ
ويقول"اجمل حب واجمل مخاليق ربي جمعني فيها وصارت لي بعد الحياة حياة وبعد الاهل اهل"
قاطع صوتها تفكيره وهي تقول:سعود وين وصلت
سعود:وصلت عندك ووصلت لقلبك ووصلت لرُوح سعود وقلبه
ابتسمت وحاوطت رقبته بيدها وقالت:
احٌبك و العٌمر مره و احٌبك والسنين فصول واذا كان العٌمر يرجع ب احٌبك وارجع اختارك
سعود:عمرك شفتي شخص مايحب روحه؟
هزت راسها بمعنى"لا"وقال وهو يناظر بعيونها:احبك محبه عاشق ما يحب ثنين عطاك المحبه والقصيد وقوافيه
باست خده وقالت بهمس:احبك واهيمك واموت فيك واعشقك تبي اكثر من كذا؟
سعود:ايي ابي ابيك انتي وقلبك ورُوحك
دفنت وجهها في صدره وقالت:انا وقلبي وروحي كلنا لك
رفع وجهها بسباته وقال:مايوصفك كلام ومايشبهك قصيد يا اعذب حُب واغلى من سكني
ماانتظر ردها او بالاخص حضنها للمره المليون وقُبل مبُسمها
(بالمجلس الثاني)
عند حمد العذب الحُب
دخلت العذب وهي متوتره وقلب حمدها ينتظرها رفع راسه لها وشافها وقال:
‏عذب القصّايد ما تليق الا عليك
ابتسمت بتوتر من تقدم لها وقال:هاتي من عذب السوالف ما تهيّا ودي أمسك صوتك بكفي و أحبه
رفعت راسها له وكانت تناظره ويناظرها وهي كلها خجل
حمد عرف انها متوتره وقال:تعرفين وش يقول راشد الماجد؟
عذب عقدت حواجبها وقالت:ايش
حمد قرب منها زياده وحاوط خصرها بيده وقال:والله وتحقق منايا شوفوا حبيبي معايا يا أهل الحسد والوشايا سعادة القلب وياه
حمّر وجهها من الخجل ودفنت وجهها بصدره وقال وهو يضحك:انا بطلع تبين شي؟
ناظرته وتلاقت عيونها بعيونه لثواني وقالت:سلامتك
باس خدها قرُب مُبسمها وطلع وقلبه يدق بقوه
تنهدت يوم طلع وارتاحت وصارت تردد اغنيته:والله وتحقق منايا شوفوا حبيبي معايا يا أهل الحسد والوشايا سعادة القلب وياه
دخلت خصال وهي تقول:وش عند وجهك احمر
عذب حضنتها وقالت:طلللعععع يهبللل
خصال:وش فيك انتي وش عندك وضعك غريب
عذب:لطيييف ياخصال لطييييفف بشكلل يهُلك الرُوح
خصال:هدييي شويييي
مشت عذب وهي تغني ومبسوطه وراحتت للمجلس حق الضيوف تنتظر افنان تطلع
اولاف:افنان ماطلعت للحين شكل سعود اكلها
اعتزاز:ماصدق ياخذها
جُمان:خلوه تكفون اخيرا انتصر واخذها
جوليا:ياحبيبتي يااختي تحبين الكل وعلى نياتك الولد صارله ساعه كامله ولاطلع البنت
جُمان:كيفه طيب خليها معاه ماصدقو يلقون بعض
(عند سعود القلب وفناء الرُوح)
رفع وجهها بسباته وقال:مايوصفك كلام ومايشبهك قصيد يا اعذب حُب واغلى من سكني
ماانتظر ردها او بالاخص حضنها للمره المليون وقُبل مبُسمها
وخر عنها وقال:ياجعلك بأيام المقبله كلها
ناظرته ووجهها كان احُمر من الخجل وطلعت برا المجلس وراحت للبنات
جوليا نطت من شافتها وقالت:وش سوا وش ماسوا
قرصتها جُمان وقالت:بلا قلة ادببببب
ريم:افنان وجهك لييه احمر؟
اولاف:خلوها براحتها
افنان اللي كانت مو معاهم ابددد
خصال:بنتت صرتي مثل عذبب شعندك وش مسوين فيكم هالمهبل
افنان جلست وتنهدت وقالت:ماهم مهبل ذولي عشاق
جُمان:اللللله يانونييييي
افنان:شغلو شي برقص
اولاف:اول رقصه وانتي حـرّم سعود؟
عذب:خصالي شغلي اغنيه يلا
خصال:شفيكم انتو اليوم وضعكم غريبب جدا
افنان:اقول شغلليييي اخلصينااا
خصال شغلت"فزت بك"
افنان:الليلة هذي ماهي بس ذكرى فرح
وانت لي هالعمر افراح الليالي
ريم:كمليهاااا
افنان وهي تمسك يد عذب:مهما قال من الحكي قلبي ومدح مايوفي إحساس حبه لك ياغالي
جُمان:من الاول يالطيبه كلنا يابنات مع بعض وبصوت واحد
عذب وخصال واولاف:بابي لك قبل لاتطقه فتح وابتسم حتى من اللهفة خيالي حتى شوفي مابعد مثلك لمح من هذاك اليوم وانت الي في بالي
جُمان وافنان:الليلة هذي ماهي بس ذكرى فرح وانت لي هالعمر افراح الليالي مهما قال من الحكي قلبي ومدح مايوفي إحساس حبه لك ياغالي
ترف واعتزاز وجوليا ولينا ودينا ونجد وجوري
:فزت بك والله و قلبي بك ربح ياجمال العمر وانت الي قبالي من تنادي خاطري معك انشرح وانا البي بس انا بقلبك لحالي
وقالو كلهم بصوت واحد وعالي:الليلة هذي ماهي بس ذكرى فرح وانت لي هالعمر افراح الليالي مهما قال من الحكي قلبي ومدح مايوفي إحساس حبه لك ياغالي
"وكانت فعلاً الليله هذي ماهي بس ذكرى فرح كانت ليله تعُبر عن كل شي عن جمعتهم وحبهم لبعض وعمق علاقتهم مع بعض كانت ليلة افنان وسعود قلبها كانت ليلة حمد العذب وكانت ليله تعبر عن جميييع مشاعرهم وانتصارهم بالحُب العظيمم اختلفو بالعلاقات من اخوات وبنات عم وجمعتهم عائله وحده وبيت واحد كمييية المشاعر عظييييمه جدا ولايمُكن وصفها ولايمُكنهم وصف حبهم ابددد عرفو ان الحب شي جمييييييييل جداً وصارت قلوبهم مختوم عليها بقلم الحُب قلب جُمان الأصيل وقلم اولاف الفارس وقلم فناء الرُوح وسعود قلبها وقلم عذب الحمد وقلم ترف الغيث وقلم لينا وحمود حبُ عظيم جدا كانت ليلة يكتبها التاريخ ليلة الكل سعيييد ومبسوط ومحد فيهم شايل بقلبه على الثاني💙💙💙💙💙💙🥺"
دخلت عليهم ام عبدالعزيز وباركت لأفنان وعذب وقالت:يابنات حمد وسعود يقولون ان عرسكم مع بعض وبيوم واحد وبعد اسبوعين
اولاف:وشو بعد اسبوعين والله لو انهم ايش يجهزون بهالسرعه
ام عبدالعزيز:يااولاف هم يبغون العرس بسرعه لان عمامك بيرجعون للديار
لينا:اجل من بكره يبدون تجهيز
جُمان:بنات تعالو نامو عندي فوق
اولاف:عشان اصيل يصفقنا كلنا
جُمان:لاماعليكم اصلا نبي نجلس نخطط لبكرا
عذب:دام الوضع كذا مابترفض الحين نجي عندك فوق بس خلينا نبدب ملابسنا
اولاف:وانا بروح لفارسي اقول له اني بنام هنا
وقامت لفارس واتصلت عليه وجاها وقالت:
ترا اليوم بنام هنا
فارس:لاوالله
اولاف:اييوالله عشان بكرا بنبدأ تجهيز
فارس:من بيوديكم
اولاف:عادي اي واحد من العيال
قرب منها وقال:انتي بالذات بتروحين معاي وانا بوديك
عقدت حواجبها وقالت:لاوالله فارس بنروح كلنا بسيارة وحده
فارس:قلت اللي عندي كيفك عاد
اولاف تنهدت بضيق وكانت بتمشي لكنه سحبها من خصرها وقال:بتروحين معاهم بنفس السيارة؟
اولاف:ايوه عاد وافق خلاص
فارس:بوافق بس
اولاف حاوطت عنقه بيدها وقالت:بس ايش
ناظرها وشد على خصرها وبدأ يقُبلها وخر عنها وقال:بس كذا دليني على غرفتك بنام فيها
اولاف:ايش تنام بغرفتي ليه ان شاءالله؟
فارس:بتنامين تحت مو فوق وبغرفتك بعد
اولاف:فارس لاتخرب علي عاد بتروح شقتنا وخلاص
فارس:وين غرفتك بسرعه بنام
تأففت بقهر وودته لغرفتها واخذت ملابسها وراحت الحمام"يكرم القارئ"وطلعت ومسحت مكياجها وشافته نايم وطلعت من الغرفه وراحت فوق وحصلت البنات كلهم
افنان:وينك طولتي
اولاف:كنت تحت
افنان:ادري انك تحت بس طولتي واجد
جُمان:المهم ياحلوات
خصال:قبل كل شي سوي لنا اندومي جوعانه اقوى شي
جُمان:ام بطيين
وقامت تسوي لهم اندومي وبدو البنات يتناقشون عشان بكرا
انفتح باب المطبخ وقالت جُمان:ياخصال خلاص خلصته الحين اجيبه
ماسمعت رد ولفت وحصلت اصيل يناظرها وكانت بتصرخ وسد فمها بيده وقال:بدون صراخ
وخر يده عن فمها وقالت:وش تسوي هنا
اصيل:شقتي جيت بنام
جُمان:ارسلت لك ماشفتها؟
اصيل:لاشفتها بس انا ابي شقتي
جُمان قربت له ورفعت راسها له وقالت:بالله
اصيل:ايوالله مااعرف انام الا بشقتي
جُمان:لاتعرف تنام بأي مكان بس انت كذا تحب تعاند
اصيل:المهم شفتك اليوم كم التاريخ؟
جُمان:تسعه وعشرين خمسه
اصيل:اوففف احسبنا بشهر سته
جُمان:بندخل شهر سته المهم الحين انزل تحت لغرفتك
هز راسه بمعنى"لا"وحاوط خصرها وقال:
والله ماانزل بقعد هنا
جُمان:ليه ان شاءالله نجلس مع بعض يعني بنات وكذا
اصيل:لايعني لااا والله ماانزل
جُمان باست خده وقالت:اصييللل طلبتك
اصيل:بعد هالبوسه والله ماانزل
جُمان:والله ان تنزل
اصيل:لالالاااااا
جُمان:اقولك طلبتكك
اصيل هز راسه للمره الثانيه بمعنى"لا"
جُمان:اوففف منك
اصيل:مع السلامه
جُمان:وين
اصيل:غرفتي اللي تحت
جُمان باست خده وقالت:باييييي ياحبيبي
ابتسم اصيل ونزل تحت ينام
حطت جُمان الاندومي وطلعت للبنات
خصال:ساعه انتي وراسك
جُمان:جاء اصيل واشغلي
اولاف:مثل فارس قسم بالله مغثه
واكلو الاندومي وبعدها نامو
(ثاني يوم العصر)
صحو البنات كلهم ويتجهزون وكان اللي بيوديهم فارس واصيل
اصيل:اخلصوني عادددد
افنان:انطممممم
جُمان:اصيل هد شوي شفيكك
اصيل ناظرها ولا رد وقال بصوت عالي:دقيقه وحده واللي ماتركب بمشي واسحب عليها
اولاف وجوليا ولينا ودينا واعتزاز وجوري وترف مع فارس
خصال:جينا جينااااا
وركبو البنات الباقي وحرك اصيل للمول وحصل البنات ينتظرونهم
ونزلو ودخلو المول ومشى اصيل هو وفارس
بالمول
جُمان:الفستان ذا يموت
افنان:خذيه لك
جُمان:مايصلح بطني بدا يوضح
اولاف:لاوالله يصلح ولونه وردي فاتح يعني يموت واللي ببطنك بنوته
جوليا:افنان شوي ذا ابيض
عذب:تستهبلين انتي ذا ناعم ذي عروسه
جوليا:انطمي انتي خلاص عاد
عذب:ماتستحيننن انتيييي تراني اكبر منك
جُمان:بس انتييي وهييييي
وكملو مشتريات ورجعو البيت وخلصو من اول يوم وضلو فاضين طول الاسبوعين
(يوم الزواج المنتظر)
بالقاعه
ام حمد:يلا ياافنان وياعذب اطلعو بنشوفكم
طلعت افنان وصرخو البنات من شافوها
ريم:جمييله قليله بحقكك
خصال:عذبوه اطلعي يلا
طلعت عذب وصرخو للمره الثانيه
اعتزاز:ادعسس يابنت العم حمد بيغمى عليه من جمالك
عذب ارسلت لها بوسه وقالت جُمان:من بتدخل اول ياحلوات
ام حمد:عذب اول
ام سعود:افنان سعود بيتصور معاك الحين تعالي
افنان ابتسمت ومشت معاها للغرفه اللي فيها سعود ويتصور
دخلت ورفع نظره لها وابتسم وتنهد تنهييييده مليانه حبُ ومشاعر عظييييمه💙💙🥺
تقدم له ووقفت قدامه وقال هو:طالبك يارب كانه لي حبيب قرّبه يارب يارب البشر
ابتسمت وتقدم وحضنها بشماغه وصورتهم المصوره كم صوره وجاء دور عذب الحمد ودخلت عذب الغرفه اللي فيها حمد وابتسم حمد من دخلت وابتسمت من شافته وتقدم ومسك يدها وتصورو
جاء وقت الزفه
ودخلت عذب على انغام الموسيقى وتبتسم للكل
وجلست وجلسو جنبها خواتها
خصال حضنتها وصارت تبكي وتقول:مبروك ياروح اختك
عذب:خصال تراني ماسكه نفسي غصبب
خصال ضحكت من بين دموعها لانها تعرف عذب اذا مسكت دموعها
نجد باست خدها وقالت:مبروك ياعيني
جت العنود وحضنت عذب ونزلت دموعها
وكانت تقول:عذبي لاتتركيني لحالي
عذب بادلتها الحضن وعيونها صارو دموع
(عيوني صارت تلمع بس انا ماصحت بس عيوني صارت تلمع)
خصال:عنود خلاص عاد
العنود:لابتروح مع حمد ماابغاها تروح
جت جُمان واخذت العنود وقالت لها:اسمعيني هي بتروح مع حمد وانتي تكلمينها كل يوم وتجيكم وتجون عندها
العنود هدت من كلام جُمان وبعدها طلعت عذب وركبت السياره مع حمد وطق الشباك وطلع عبدالرحمن
حمد:شتبي انت
عبدالرحمن:ابي اختي لاتحسب انها لك خلاص ذي اختي تكفى ياولد مالي الا هي تفهمني حتى خواتي الباقيات مايفهمون علي رجعها لنا وبعطيك دبل المهر مرتين
حمد:ماصدقت اخذها تبيني اعطيك اياها توكل بس
عبدالرحمن:عذبي تكفين قولي له يعطيني اياك ابيك يابنتي افهمي
عذب ناظرت فيه وعيونها تلمع وقالت:لاتخليني انزل واسحب على اهله
عبدالرحمن:ياليييت يااخت دحوم🥺🥺
ضحك حمد واشر لهم دحوم يمشون ومشو وتوجهو للفندق
دخلت فناء الرُوح وكان الكل مُبتهج لانهم يعرفون قد ايش تحب سعود وطاريه
جت ام سعود عندها تسلم عليها وقالت:
وداعتك سعود يااخت حمد
افنان ابتسمت واشرت على عيونها
وجتها جوليا وقالت لها بهمس:اذا جيتي قولي لنا وش يصير بالتفصيل المُمل
افنان:صدق انك ماتستحين وش فيك انتيي توكلي
جوليا:شسويييتتتتت
جُمان:انقلعي ملقوفه من يوم يومك
جوليا:انتي اختي او اختها
جُمان:لااختك ولااختها بس اقول الصدق وانتي شدخلك بالبنت خليها مبسوطه
اولاف:افنان ياخوفي تصيرين مثل جُمان وشماغ وحركات وكذا
افنان:اولاف قسم لااتوطاك
ضحكو البنات كلهم وجاء وقت تطلع افنان لسعود قلبها
افنان:بنات ماينفع اكنسل؟
خصال:كنتي بتموتين او مااخذتيه توكلي يلا
لينا:انتبهي لنفسك ياعيني
افنان:قسمم بالله اني احبك احسن منهم كلهم
ومشت مع امها لسعود وسلم على امها واخذها للسياره وجاها فهد وحضنها وقال:
يابعد عيوني وعيون الجميع يافنو احبك ياعين فهد والله يوفقك بحياتك مع سعود
افنان:ياحبيبي يافهود على كثر ماجلدتك الا اني احبك
سعود:خير تحبينه واللي واقف قدامك ذا
افنان:انت حبك غير
فهد:تستهبل انت وهي امشو بس الله يستر عليكم
ضحك سعود وحرك لبيته هو وفناء رُوحه
عند عذب الحمد
وصلو الفندق ونزل يساعدها وكانت يدها ترجف بشكل مو طبيعي
حمد مسك يدها وقال:اتركيها ترتاح تعبتيها وانتي شاده عليها
عذب تركتها وشافت مكان اظافرها وهمست بهمس شبه مسموع:اوفف من هالعاده اللي اكرههها
سمعها وضحك وقال وهو يفتح الغرفه:تراني مثلك اذا عصبت اشد على يدي واتوهق بمكان اظافري
دخلت وقالت:لايكون انت عصبي؟
نزل بشته وقال بصوت عالي:لاحشى احن مني مافيه
ابتسمت وقالت:كويس بعدين لاترفع صوتك تراني اكره الصوت العالي
ضحك بشكل هستيري وقالت:شفيك انت
ناظرها وضحك وقال:بزر انتي تخافين من الصوت العالي؟
عقدت حواجبها وقالت:ايي بزر ودخلت الغرفه تنزل الفستان وتوهقت ماعرفت تفتحه طق الباب وهو يقول:خلصتي؟
تنهدت وقالت:ادخل
دخل وشافها بفستانها وقال:شفيك انتي
كشرت وقالت:ماعرفت افتح الفستان
حك جبينه وقال:افتحه لك؟
ماقدرت ترفض لانها تضايقت من الفستان وقالت:اييييوه
وتقدم يفتحه وكانت دقات قلبه تنسمع
قالت بهدوء:اذا ماانفتح مو لازم خلا
قاطعها من باس نحرها بهدوء لفها عليه وحاوط خصرها وقال:انفتح بس انا مو قادر اصبر
عقدت حواجبها بعدم فهم وقالت:كيف مو قادر تصبر
ناظرها وقُبل مُبسمها بهدوء و.............
عند افنان وسعود
دخلو بيتهم وقال سعود:صديت قلبي عن كل هالخلق صرت اهيم فيك و احبك انتي
ابتسمت وراحت للغرفه وقلبها يرجفف من التوتر واخذت لبسها وراحت تاخذ شور سريع وطلعت وحصلته ينتظرها
ابتسم وقال:مابغيتي
افنان:تبي شي؟
قام وقف قدامها وقال وقال:ايي ابيك انتي
افنان ناظرته بدون رد وحاوط خصرها بيدينه وقال وهو عيونه على مُبسمها: وفوق هالغلا حُبي لك كل ثانيه يزود
ابتسمت بتوتر من نظراته قالت:خلاص عاد اتركني بنا
قاطعها وهو يقُبل مبُسمها بكل حبُ
.........................................................
(بعد اربعة شهور)
بشقة جُمان الأصيل
دخل اصيل الشقه وقال:جُمان وييينك
ماحصلها ومشى للمطبخ وحصلها طايحه وحولها دم وقال:جُمانننننن
وشالها ونزل بسرعه لأهله وحصل امه وابوه وليلى
ليلى:اصيللل البنت بتولددد بسرعههه
ركض لسيارته ولحقوه امه وابوه وحرك للمستشفى
دخل الاسعاف وهو يركض والممرضين يركضون فيها بالسرير دخلت غرفة الولاده وهو يدعي ربه تطلع سالمه
دقو امه وابوه على الكل وجو وكانو يناظرونه كيف متوتر وينتظر خبر يسعده
فارس تقدم من اصيل وقال:اصيل صدقيني انها قويه وبتطلع هي وغيم بعافيه وسلامه
اصيل:صارلهم ساعتين يافارس
غيث:طلعتت الدكتورهههه
تقدمت من اصيل وقالت:انت زوجها؟
اصيل:ايوه
الدكتوره:مبروك صرت ابو لأجمل بنتين
اصيل مااستوعب وقال:وامها كيفها
الدكتوره ضحكت وقالت:امهم كويسه
فارس ضحك بصوت عالي وصرخ وقال:
غييييم وغزلل بناتتتتت الأصيللل نورونااااا شرفوو الدنيااا وزادوهاا حلاوه
اصيل استوعب وسجد سجود شكر لربه يحمده ويشكره قام وحضن ابوه وصار يبكي
ابو عبدالعزيز:مبروككك يالأصيللل مبرُوكككككك
اصيل:يبارك فيييك
جاء حمد يركض من بعيد وهو يقول:
نورونااااا بناتتتت الأصيلللللللل مبروككك بالأصيللللل
بكو البنات من سمعو الكلام .................
(بعد خمس سنوات)
كانت ليلة شتويه
وكانو مجتمعين حول النار وقال سعود:غيم خلي هيثم خلاص(هيثم ولد سعود)
غيم:من زينه تراه خايس
غزل:عمه اولاف ابي مُلهم لي
مُلهم:ماابيك ابي ماما
هزاع:عمو اصيلللل شوف بناتكك غثونا
اصيل:تعالو يابناتي ماعليكم من هالمهبل
سحاب:المهبل انت وبنات مغثه
اصيل:سعود امسك ورعتك لااصفقها عاد
سعود:خل بنتييي عنك وامسك وراعينك
حمد:اشوا مامسك ولدي
اصيل:المهم وين حرمتي
جُمان:جيييت جيتتت
وجلست هي والبنات وقالت اولاف:شرايكن نغني
اصيل:فمان الله؟
غيث:قداممم
لانا بنت غيث:عمو اصيل صوتك حلو
اصيل:اسأليهم
سألتهم وقالو كلهم بصوت واحد:ايي حلو
وتنحنح فارس وهو يقول:فمان الله يا راحل
فمان إللي ينسينا انا ماعدت لك ساحل
ردو وراه بصوت واحد وعالي:ولا انت عاد لي مينا أنا ما عدت ليك ملجأ ولا إنت منزل أشواقي أنا غصوني غدت عوجة وجفت منك أوراقي
ورد معاهم بصوت واحد:فمان الله
يا وقت لقينا به أمانينا فمان الله
صفقو كلهم وقال الفارس ولد اصيل:
احب جمعاتكم
سعود:انا احبك انتتت
..............................
مسك الختام❤️
الحمدلله على التمام اليوم الموافق الاول من سبتمبر سنة الفين وثلاثة وعشرين(1•9•
2023)
"نُلت ماصبرت لأجله"
اتممت روايتي الاولى تحت عنوان"
بدت تمطر وانا ادري بك تحبين المطر"
من قلم كاتبتكم:منيره آل عبدالعزيز🫶🏻
الحمدلله وبفضله انتهت اجمل كتاباتي وروايتي الاولى،مشاعر حزينه تغطى علي حالياً مو مصدقه ان مشوار اربعة اشهر انتهى ،والحمدلله انتهت بخيرها وشرها بفرحها وحزنها
............................
فالنهايه ممكن البعض مايؤمنون بالصدف
لكم صدقوني الصدفه اللي تجمعك بشخص عظييمم جدا والكل بيحب الصدف وبالأصح"بيحب الصدفه اللي جمعته مع الشخص اللي ربي كاتبه له"
ومثل ما جمعت روايتنا صدفة جُمان الأصيل بهروب جُماني من اهلها ولقائها بالأصيل
ومثل ما جُمان تخطت مع اصيلها كل مصايببهم وعاشو مع بعض رغم كل شي ورغم كل شخص وقف ضدهم او حاول يفرق بينهم وكملو يد بيد مع اطفالهم الثلاثه(غيم.غزل.الفارس)
"ممكن تحبون المطر عشان شخص مثل الأصيل"
اتمنى تكون روايتي الاولى واول انطلاقاتي ككتابه اعجبتكم،واتمنى ان تكون حازت على اعجابكم كلكم،استودعتها الله واودع فيها عائلة العم معصب كلهم بحب وحزن وفرحة
ونقول لنا لقاء ثاني برواية"بين الليل والحل هبت الذكرى"
الكاتبه منيره تودعكم جميعاً اشوفكم على خييير❤️❤️❤️
.....................................
اعطوني رايكم في الروايه في الكومنت🫶🏻