قاطعها مبسم اصيل اللي باس مبسمها ولاوخر الا لما طلبته نفس
اصيل:الحين تقدرين تروحين
جُمان:وجعاه ان شاء الله
نزلت للبنات وهي شوي وتطير من الفرحه وطلع اصيل لفارس وحمد اللي ينتظرونه
تحت عند البنات
جُمان:هذاني جيت
اولاف:وش سوا فيك اصيل؟
افنان بخبث:اوه يمكن تلقينها حامل😉
جوليا:اوه بصير خاله
جُمان:وجع وجع شفيكم
افنان:ابد بس اصيل مستعجل على رزقه
اولاف:بناتتت ماقلت لكم خلكم من جُمان واصيل
افنان:ايش شصاير
اولاف:ام حمود خطبت لينا والله اني حاسه انهم بيجتمعون
.............................................
تعريف سريع
ابو حمود(صالح)اب متشدد جدا
ام حمود(صيته)متفهمه وتحب عيالها
حمود اكبر عيالهم حنون جدا بس عصبي(27)
حياة اكبر بناتهم حبوبه وحنونه(25)
سالم (متوفي)
هيام اخر العنقود محبوبة اهلها(20)
................................................
افنان:اما خطبتها بيملكون عندكم صح؟
اولاف:ايوه قبل لايروح اصيل توهم درو انها خطبت لينا
جوليا:عقبال افنان
افنان:انا لا لا مابي
جوليا:يمكن ام سعود تخطبك ماتدرين!!
افنان:لاويين ماتلقى الا انا!
اولاف:ايوه ماتلقى الا انتي بعدين شفيك نسيتي انك معاه من وانتو وراعين يعني اذا تزوجتو بيصير حب طفوله ولابعد تذكرين ان سعود كان يقول لك اذا كبرتي انا بتزوجك
افنان:ذا قبل مو الحين
جُمان:اوه الله يجمع بينكم
افنان:جُمان وأصيل جيبو غيم اول بعدين يصير خير
جُمان:وجعاه وجعاه شفيك علينا انتي
افنان:ابد بس جيتي ووجهك احمر وروجك منعفس
اولاف:اوه خلاص عاد تدرون عزوز حجز مخيم ثلاث ايام قبل يمشي أصيل يعني بننام هناك وقال بيتفرقون كل زوج وزوجه
جوليا:انا بحاول اجمع جُمان واصيل كيفكم عاد
افنان:لاتلقينه يناديها عند باب المخيم ويمسك خصرها ويقول اشتقت لك ياجُمان الأصيل ويلبسها فروته مثل ماتعرفون حنا بالشتاء وكذا
جُمان:حشى ايش عرفك انتي
افنان:اعرف
عند العيال
فارس:اوه يعني بتروح وتخلي اختي لحالها
اصيل:ماني مخليها يمكن اصلا ارجع قبل لااكمل شهرين اذا لقو بديل عني طبعا
حمد:بيروح ورعنا ياولد
اصيل:حمد احترم نفسك تراني كبير
حمد:بس انا اكبر منك
اصيل:اكبر مني بأسبوع
حمد:يعني اكبر منك
فارس:وراعين خلاص
حمد:فروسي قول اني اكبر منه
فارس:انا اكبر منكم كلكم
حمد:مالت عليكم بدق على افنان تجيب البنات للمزرعه
اصيل بهمس ل حمد:قصدك تجيب حبيبة القلب
حمد:انطم
دق حمد على افنان
افنان:هلا حمد
حمد:جيبي البنات وتعالو المزرعه
افنان:اعتبرونا عندكم
قفل حمد من افنان وجلسو ينتظرون البنات
اصيل:اولاف وجُمان الأصيل تعالو كلكم جنبي
اولاف:لاانت خلك مع زوجتك
اصيل:تعالي تعالي مسويه زعلانه
اولاف:لابس بجلس عند البنات
جلست جُمان جنب اصيل وحضنها اصيل وقال ب همس:وخر عاد مو قدامهم
اصيل ناظرها ووخر وقال ب همس:هذاني وخرت معاد بحضنك مره ثانيه
جُمان:لايكون زعلت!
اصيل:لامازعلت
جُمان:الا زعلت واضح على وجهك
اصيل:لامازعلت
افنان:هيي انت وياها احترمونا ترا موجودين
اصيل:محترمينكم
افنان:واضح واضح
فارس:اصيل ورا ماتغني
اصيل:على خشمي
حمد:تكفى عن الحب
اصيل:يصير خير
اولاف:اخلصنا غني
اصيل:
لابابٍ مسايف ولاباب مهجوج
ماعاد يمدي يقفل الباب مزلاج
قد روحت به رياحك الصايله الهوج
راحت معه روحي قبل باب وسياج
ياللي حنانك فوج يستلحقه فوج
اضويت في صدري عقب حزني سراج
ياعنك احبك حبن يسوجني سوج
ولك فالسماء دلو على الروح هداج
كم كحلت عيني على الصبر مدعوج
واتجملت روحي رجا الغم ينباح
لاماحسبت الوقت يذخر لي بروج
ولا ماحسبت الحزن يكتب له افراج
ياغالب ظني عم الناس بفجوج
فجوج خير مزنها يصب ثجاج
ياناهب كلي غدا القلب مخجوج
نهبت كل الطيب ماهمك احراج
وجهك نصيبن لي يبو ثغر مبهوج
واسمك كتبه الله علي يومي امشاج
لاصار حبك في الشرايين مدهوج
ارفق على قلبٍ يحبك ومحتتتاج
استعشب بروحي وفضلوعي العوج
وامطر على روحن صهدها كما الصاج
هذا قدر ربي به الحق منسوج
نلبس قدرنا بالرضا وندرج ادراج
..............................................................
حمد:الله عليييييييييك
فارس:شذي الاغنيه خايسه
اولاف:لاحلوه
فارس:انتي دايم عكسي لو قلت حلوه بتقولين خايسه
اولاف قلدت صوت:لو قلت حلوه بتقولين خايسه من زينك عاد
فارس:اوهوووو اخت اصيل احترمي نفسك
اصيل:انا استآذنكم
حمد:وين وين تونا العشاء
اصيل:بروح لشقتي راسي يعورني
راح اصيل ولفت افنان على جُمان
افنان:الحقي زوجك
جُمان:ليه الحقه هو راسه يعوره انا شدخلني
افنان:جُمان بلا استهبال قومي الحقيه الحين حنا نروح
جُمان:خلاص بروح له
قامت جُمان وهي تتحلطم وراحت لأصيل
ودخلت الشقه وماشافته
جُمان:وين راح ذا
اصيل:وراك
جُمان:بسم الله كيف طلعت انت
اصيل:كنت بالمطبخ
جُمان:طيب شفيك وجهك كذا
اصيل:كيف وجهي لايكون تبيني ابتسم
جُمان:اصيل صدق شفيك
اصيل:مافيني شي نامي بكره مخيم عزوز وليلى
جُمان:انت مابتنام؟
اصيل:بنام على الكنبه
جُمان:وتقول مب زعلان احسن خلك على الكنبه
ناظرها اصيل ومارد وراحت جُمان للغرفه وبدلت ملابسها وطلعت وشافت اصيل منسدح على الكنبه وجابت له مخده وبطانيه
ورفعت راس اصيل وحطت المخده وحطت عليه البطانيه وكانت بتروح بس مسك يدها
اصيل:وين وين
جُمان:بروح انام
اصيل:تعالي نامي عندي
جُمان:بنام على السرير
اصيل:اوه جُمان تراك كذابه ماتعرفين تنامين لحالك
جُمان:كيف مااعرف انام لحالي
اصيل:تعالي طيب نامي بحضني
جُمان:وخر طيب
وخر اصيل وحطت جُمان راسها على يده
اصيل:مع اني زعلان عليك بس مقدر افوت النومه معاك
جُمان:ليه زعلان علي طيب
اصيل:اوه ناسيه بعد
جُمان:مانسيت قصدك عشاني قلت لك وخر من حضني
اصيل:طلعتي متذكره
جُمان:طيب ماكان ودي تحضني قدامهم
اصيل:خلاص قفلي على الموضوع
جُمان باست خده وابتسم اصيل وقالت:
اعتبرها رضاوه
اصيل:مايحتاج رضاوه خلاص نامي
جُمان:ليه مايحتاج
اصيل:بس كذا
وبعدها دخلو بنومه عميقه
...........................................................
اولاف وفارس محارشهم بقلبييييي🥺
حمد ولينا اخييرا بيتزوجون انتظر عرسهم بفارغ الصبر
الكاتبه:منيره❤️.
