انقلاب الموازين

البارت السابع

سلام عليكم
البارت :- السابع
من قصة :- انقلاب الموازين
بالقلم :- ليلى محمد

تايهِين بلا مَحطات وسَفر..
والفرح مَر بينا صدفة وأنكسَر.. '

سنين :- بعد ما كملت حجي ويآا ياس طلعت من الغرفة لان كالوا الخطار وصلوا نزلت من الدرج جان تتلكاني امي

_يمه روحي رتبي نفسج وتعالي سلمي

_ ليش يمه انه ما مرتبه

_ لا مو هيج قصدي بس البسي شي حلوو هاا باعي تذكرني دشداشه اشتريناها جديدة ما لبستها انتِ البسها وتعالي

_ تمام

... رحت على الغرفة طلعت دشداشه لبستها دخلت سوسن تضحك

_ سم شبيج تضحكين

_ اول ما دخلوا سئلت عليج الحجيه والله جن سالفه صار صدك

_ ياسالفة

_ سالفة الخطوبه عيني هلا هلا سنين كبرت وراح تزوج

_ دنجبي لوو اموت ما اقبل

_ دنشوف منو ما تقبل
يلا عيني انزلي جوه يريدوج

_ استغفرالله امشي كدامي اني وياج ندخل نسلم

_ أكول هو انتِ شلون راح تزوجين وكل ما يجي خطار تعالي يا سوسن نسلم بابا صيري مره

_ شلون راح تجيج كفخه على راسج مدوحس

_ يمه تروحين فدوه راسي

_دمشي امشي

...دخلنا انه سوسن سلمنا عليهن راحت سوسن كعدت يم امي ردت اروح يمها جان مره تصيحني

ام مصعب :- تعالي يمه اكعدي هنا يمنا

سنين :- هاا ايي جايه

... رحت كعدت يمها باوعت على امي شفته مبتسمة باوعت على خالتي هم مبتسمة كلهم مبتسمين ويباعون عليي ارتبكت من موضوع باوعت على سوسن حاطه ايدها على حلكه وكاتمه ضحكته من شافتني اباوع عليها كامت دير راسها مني حتى لا تضحك شك بالي اكدوا الي بلعت ريكي
انكسر السكوت من ام مصعب حجت

ام مصعب :- ام انور شلون اندعم ابنج

ام انور :- والله داعم شجرة

ام مصعب :- يااا شلون داعمها شنو ما شافها

سوسن :- غير اثول ما شافها

ام انور :- عابت هل حلك

... خنزرت سوسن هاي كاعدين كلها كامت تضحك عليها

الحجيه :- خايبه ما يصير تحجين على اخيج هيج

سوسن :- ماشي حبوبه