حب مرفوض

الفصل الاول

بقلم هوس ريجا

الفصل الاول

هازة تلفون في يدي دموعي جراية وجسمي مقشعر من هذ القذارة لي نقرا فيها هذاوين فهمت لاه ملي جابني ما توشاني 5اشهر زواج مزالني عذراء كل نهار ناكل في روحي ماكلة ونقول بلاك مانيش عجباتو بلاك  كاش ماديفو فيا بلاك مانيش من ذوقو دمرلي نفسيتي كرهلي في روحي خلاني نستحقر نفسي مالغري مافيا حتى عيب كاملة مكملة والكمال لله ماعندو ما خصني بيضة زينة نظيفة قلت بلاك كعدت رقيقة وهو يحب المرأة السمينة والعريضة ماخليت خلطة تعتب عليا ماكليتهاش حتى لقيت النتيجة  لكن مكان حتى نتيجة معاه لتخمام كلاني ماكلة لاه واشبيه يدير معايا هكذا واش خصني حتى راه نافر مني هكذا ويتجنبني واش مالقاش فيا حتى مانيش عجباتو حملت حملت وسقسيت يماه العدوة  وحكيتلها قاتلي بصراحة ماكيش من ذوق وليدي قتلها مانيش من ذوق وليدك لاه جبتوني ليه نهار لول  قاتلي يشهد عليا ربي ماتمنيتك لوليدي راجلي الله يرحمو هو لي خطبك من باباك و سيفو على هذا الزواج قلت بلاك راه تهدرلي هكذا خاطر ماتحبنيش لانو من نهار جيت هنا وهي تعامل فيا معاملة العبيد دايرتني بونيشة ليها حتى الضرب وتضربني وكنت نقول معليش وفي مقام يما وتوريلي وتربيني ومن هذاك الكلام وانا غير ساكتة مانقدرش نهدر كان ديما يهددني بالطلاق خفت نهدر ونطلق وحنتي مازلت في يدي خفت من الناس والهدرة الزايدة علبالي واحد مراح يرحمني خفت من الشفايا خفت من  بابا خاطر ماعندوش مراة تتطلق مهما يصرا من مشاكل اخرتها ترجع لدارها عندي 7 خواتاتي ڨاع متزوجين انا الصغيرة فيهم  ياما صراو مشاكل معاهم ووصلو لطلاق وماطلقوش مرات يرجعهم وحدو يتعامل مع مقولة المراة مايدوملها غير دارها وراجلها وولادها كي تطلقو وترجعو عندي شكون بيكم حكيت لماما كيفكيف اصبري واحملي وكي تطلقي كيفاه وباباك يذبحك ومايخليكش تتطلقي وهدرة الناس ومراحش يرحموك ويقولو كاش مافيها ووووو  بقيت غير حاملة وساكتة  وكل نهار نقول ضك تتحسن ضك تتصلح شكيت فيه يخون فيا وشكي كان في محلو الخيانة موجعة لكن خيانتو هو ماشي موجعة خيانتو هو من اقذر  الخيانات المظاهر خذاعة والرجولة ماشي في الطول العرض ولا اللحية والسمورة لي يشوفو من برا يقول هذا سبع الرجولة حبست عندو الطول والعرض قد الحيط يهد جبل بصح اليوم اكتشفت بلي هذا الطول والعرض والرجولة غير تزييف  والمظاهر خداعة منفوخ في باطل لاعبها رجلة والرجولة متبرية منو انا راجل عليه شكيت فيه يخوني مع النسا وياريتو خاني مع نسا لانو شي طبيعي لكن حاليا رانا في وقت  الراجل عندو راجلو لي كنت حاسباتو راجل ونقولو عليه راجل اكتشفت بلي حتى هو عندو راجلو وياريت جا راجل واحد رجال ويديرو فيه واش يدير الراجل في مرتو جامي تلحت لتليفونو واليوم قلت ندخل نشوف كان كل ظني انوو يخوني مع كاش وحدة ويخرج مع النساء بصح انصدمت لدرجة دار قلبي وليت نتقيا من الشي لي شفتو من مساجات وفوطوات يمارس في اللواط والكارثة هو لي يمارسو عليه هذا الطول والعرض والرجولة راقد على كرشو وصحابو دايرين عليه دالة وهو يتفاعل معاهم كالعاهرة عفت روحي وحمدت ربي اني ماتخدتش خدشة صغيرة منو صينو حرقت جسمي سمعت صوت ورايا درت عندو كان فالدوش لابس شورت  هاز فوطة في يدو ينشف في شعرو لي تشوفو هكذا تتسحر برجولتو  وزينو وتضرب فيه عشقة وتقول الرجلة حبست عندو دخلت وراه يماه جايبتلو عشا مدلالتو وماهيش مصدقة روحها بلي شيفاتو قدامها كعادهو الطفل الوحيد عندها تضل تعايرني بيه ومحسستني بلي ديت عمر بن الخطاب غيرة ورجولة شفت معاه بتقزز درتلها بصبعي انتي ضك راكي تقولي يافرحتي عندي راجل علبالك انا كون نجيب طفل كيما هذا نحرڨو ومايبردش قلبي شفت معاه بزقت في وجهو تفوووه عليك يا مخنث رميتلو التليفون في وجهو معفون  كنت لاعبها راجل وانت كنت كالقحبة من هذا لي هذا كون مانفضحكش وندمك على ال5اشهر لي شربتني فيهم الخل مانيش مراة  هجم عليا يضرب هو يضرب وانا نضرب كنت من قبل نهابو كان ظني انو راجل بصح بعد الشي لي شفتو اليوم تقززت منو نقاوم فيه ونضرب كي الراجل بصح  ماقدرتلوش الفارق الجسماني كان عندو دور وانا ضغيفة  وزادت دخلت يماه تحاماو فيا في زوج راحت جابلتو سانتورا وهي بالبليغة تاع النيلون صوتي وصل لسابع جار مكانش لي يفكني غير انا وحدي وهما في زوج نسمع فالتطبيب من برا الجيران يطبطبو يحوسو ينقذوني منهم كي تلمو الجيران على صوتي ويطبطبو فالباب ناضت يماه تجبد فيه عليا جرني من شعري ودخلني فالشمبرة تاعها خلاني مرمية في لرض وخرج عندهم يحاوز فيهم واش دخلكم واش جابكم لداري والعجوز تعاير فيهم راجل مرتو يتقابضو ويرجعو وانتما واش راحلكم  نضت قعدت علبالي رايحة غير عليا نقعد هنا كاش مايديرو فيا كتشفت بلي كنت عايشة مع وحوش عفست على روحي  نضت وقفت حليت الباب لقيتهم طلعو من الدروج في زوج قاتلو روح برد فيها قلبك فضحتنا وسط الناس درت باه نغلق الباب عليهم لكن ماقدرتش دخلو عليا تحاماو فيا بقيت نعيط بصوتي بلاك ينقذوني منو بصح واحد ما زاد طبطب من كثرة الضرب مالقيت حتى حل غير ندير روحي مغاشية بقاو يضربو في وجهي نسمع فيهم يهدرو واقيلا ماتت طبطب الباب تاع برا  ماحبوش يحلو سمعت صوت عياط من برا حلوووووو كي ركزت مع الصوت عرفتو هذا صوت عموو ذياب سمعتو قالها يما هذا ذياب واش  جابو هنا خلاوني انا وهبطو عندو قلت هذه هي فرصتي هو الوحيد لي راح ينقذني من بين يديهم في هذه الفترة لي عشتها عندهم انتبهت لحاجة  مالغري عمو ذياب وراجلي  من نفس الجيل فايتو غير شي 4سنين ولا ف5 لكن يخاف منو خوف ماشي هيبة ولا احترام لا يخافو خوف ورهبة مرات كي يجي هنا خاطر هو مايسكنش قدامهم بعيد شوية عليهم نسمعو ديما  يبهدل فيه وهو غير ساكت كنت نقول كعاد عمو يحترمو لكن ماشي لهذه الدرجة الاحترام خاصة انهم قراب فالعمر بعدها تأكدت صح بلي يخاف منو غير سمعتو عيط عليه خلاني مرمية وهبط يجري نسمع فيه يعيط واش كاين واش صاري هنا  صوتكم واصل للجيران يعيطلي بابا يقولي جيران خوك راهم عيطولي فالتليفون بلي عادل قتل مرتو بالضرب و صوتها واصل لبرا نسمع فالعجوز تقولو مكان والو تقابضو برك وهي زادت معاه فالهدرة وسباتو وهو ضربها علبالي راح ترجع الحق عليا لازم نهرب من هذ الذيابة كاش مايديرو فيا زربت  خرجت هبطت من الدروج شفت عمو جا بالكومبليزو خضر معلق سبتة ومهبطة سبتة ومطلي بلاڨريس اهذا الوقت مزالو يخدم من اول نهار قلت راجلي لاه ماخرجش لعمومو لاه غير ياكل ويرقد  ويماه لي تصرف عليه بقا يعيط على العجوز  _كيفاه مراة وراجل يتضاربو ويتصالحو صوتها ووصل للجيران هكذا يتفاهم مع مرتو يضربها وصوت عياطها واصل لبرا دار عندو انت راجل انت  صوت مرتك واصل لبرا وفرحان بروحك نطقت من وراه علاه شكون قالك هو راجل  طلع راسو لقاني فالدروج واقفة الروبة ديميمونش تقطعت على رقبتي كتفي وصدري شعري طالع السما وجهي مدمدم المارات تاع السانتورا مطارسية في ذرعيا قبل مايوصل عندي عادل سبقتو وهبطت  تخبيت وراه  ديني لدارنا راهم يحوسو يقتلوني وهذاك يطير وحدو بعددد عليها اليوم نقتلها جيت نحل الباب نهرب حكمني عمو ارواحي انتي وين هاربة هكذا روحي البسي نديك لداركم لقيت العبايه تاع العجوز معلقة على الباب هي والخمار والصاك كي تخرج تلبسهم جيت العباية لبستها درت الخمار طارت عندو العجوز انت واش دخلك بين راجل ومرتو بقات تجبد  فيا  طبعها بعدي ليهيه خلي المراة _وين مديها خلي عروستي هنا مراة وراجلها تقابضو وضك يتصالحو _كيفاه يتصالحو واش خليتو فالمرأة كليتوها نخليهالكم باه تقتلوها _واش دخلنا حنا المراة مرتو وهو حر فيها يذبحها يقتلها _كيفاه حر فيها شوفي حالتها كيفاه ترجف _يدبرو راسهم مراة وراجلها الله يسهل علبهم _واشنو هذه الله يسهل عليكم بنات الناس لعبة عندكم حتى راكم ديرو فيهم هكذا وانتي جيتي تفكي بيناتهم وليتي تشعلي فالنيران ماتخافيش يقتلها ويباصي _ماعندو مايصرالها ماشي اول مرة _موالفة تضربوها انتما عباد ولا وحوش _ذياب غير روح منا ماعندو ما دخلك مراة وراجلها موالفين يتقابضو ويتصالحو راح تربح غير العيب دار عندي بقا يشوف معايا جا خارج حكمتو تعيش وصلني لدار والله يقتلوني مانيش حابة نبقى عندو واذا ماكش قادر توصلني وصلني لاري  انا نروح وحدي _عيطي لباباك يجي يديك ،مكانش هنا طلع لفرنسا _هيا امشي نوصلك حليت الباب حكماتو العحوز نوري استر علينا المراة مرتو _بعددي لهيه تحوسي نخليهالكم باه تقتلوها وتباصونا ضك نديها لدارهم و اتفاهمو معاها دار عندي امشي خرجت لقيت الغاشي دايرين على الدار غطيت وجهي ب الخمار  وهو معاايا ارواحي منا داني لطوموبيل فتحلي الباب ركبت ملور غلق الباب شفت بنتو تجي في عمرها 3سنين عندها نفس ملامح باباها بيضة وشعرها كحل جا ركب دار عندها هزها باسها ودار عندي عطاهالي هاكي احكميها عندك حتى نوصلو نخاف الباراج حكمتها درتها في حجري بقات تمسح في دموعي بيدها وتعطيني يدها نبوسها غير طلعت راسي لقيتو يشوف معاايا فالمراية ولا ڨارا على جهة ودار عندي علاه ضربك هذا الضرب ڨاع راجلك نعرفو ماهوش من النوع لي يضرب ضحكت باستهزاء راجلي الله يهديك بصح يكون في علمك وليد خوك ماشي كيما راه في بالك  مايغركش طولو وعرضو الفارغ بقا يشوف معايا الله يهدي سركم ملا دار شعل طوموبيل وصلنا لدارنا حنا نسكنو فالسونتر فيل تاع الولاية دارنا بعيدة غير نص ساعة حليت الباب هبطت بست بنتو وحليت الباب حطيتها من قدام شفت معاه يكثر خيرك  درالي براسو غلقت الباب ودخلت لدارنا اول شي عيطت الباب حكيتلو كلش قالي اطلقي المعفون رفعت دعوة خلع عليه وختي هي المحامية تاعي ودرت سرتفيكا شكيت بيه لكن هو اتهمني بالخيانة و بلي حكمني نهدر مع راجل غريب على التاقة علابيها ضربني القضية طولت بزاف وشوهلي سمعتي باه ينقذ نفسو كنت حاطة اسباب طلاقي الضرب والعنف بصح كي لقيتو هو لي راح يريح  وليت حكيت للقاضي كلش وتهمتو بالعجز وتاهمني بالكذب حتى رحت درتلو شهادة عذرية ربحتها في دقيقتها وخلعتو ونهيت علاقتي معاه كان ناوي يفضحني ويشوه سمعتي لكن ربي نصرني ودارت الفضيحة عليه وتفضح بديت حياة جديدة وبدا معاه حب مرفوض من الجميع واولهم السخص لي حبيتو .