ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။

Part 45

ဒါကပြဿနာမရှိသေးချေ။ အဓိကပြဿနာက လျှိုရွှမ်း က ထိုအချိန်က ဖြစ်နေသောမျက်နှာထားက သူမကိုအံ့ဩစေခြင်းဖြစ်သည်။ ဒါကပုံမှန်မဟုတ်ချေ။ သူမက သရဲတစ်ကောင်ကို မြင်ရသလိုမျိုး ဖြစ်နေခြင်းဖြစ်သည်။

တကယ်ပဲ ဒီလောက်ထိကြောက်သွားရလောက်အောင် မှန်ထဲမှာ ဘာကိုမြင်လိုက်ရလို့လဲ

မှန်ထဲကလူက ကိုယ့်ရုပ်ကိုပြန်မြင်ရတာပဲ။ ဘာကိုကြောက်စရာကောင်းနေမှာလဲ

လျိုရွှမ်း က မဖြေချေ။ ခေါင်းကိုသာငုံ့ထားသည်။

သူမရဲ့အတန်းဖော်ကသာ သူမ၏ထိုသို့ အ နေသလိုမျိုး ဟန်ဆောင်နေကြောင်းကို မြင်သောအခါ နှလုံးသားထဲမှမီးတောက်က ပို၍ကြီးမားလာပြီး ခေါင်းကိုလှည့်ကာ သူမကို ဆက်စကားမပြောတော့ချေ။ သူမက အလွန်ဒေါသထွက်သွားသည်။

လျိုရွှမ်း ကလည်း လှုပ်ရှားမှုကိုကြားသောအခါ သူမ၏နှလုံးသားက စိတ်အေးသွားသလို ခံစားလိုက်ရသည်။ သူမကလည်း ပြောပြချင်သည်။ သို့သော် သူမကသာ ထိုထူးခြားပြီး ကွဲပြားသောအရာကို မြင်နေရသူဖြစ်သည်။

ငါကပြောပြရင်တောင် ငါ့ကိုယုံကြည်ကြမှာလား သေချာပေါက် သံသယဝင်ကြမှာပဲ။

လွန်ခဲ့သောနှစ်ရက်အတွင်း သူမက ဘုရားကျောင်းများစွာသို့ သွားရောက်ကာ ဆုတောင်းဝတ်ပြုခဲ့သည်။ သို့သော် မည်သည့်အသုံးဝင်မှုက မရှိလာခဲ့ချေ။ သူမကို အပြင်ထွက်ဆော့ကစားရန် ဖိတ်ခေါ်ခဲ့သော ထိုသူငယ်ချင်းများကိုပင် ကျိန်ဆဲမိသွားသည်။

ယခု သူမက ဒီလိုဆိုးရွားသော အခြေအနေမျိုးတွင် ပိတ်မိနေသော်လည်း အခြားသူများက မမြင်နိုင်သလို သက်ရောက်ခံရခြင်းလည်း မရှိနေခဲ့ချေ။

သူမ၏မှန်ထဲမှ မျက်နှာအကြောင်း တွေးမိသော် သူမ၏အတွေးများက အေးစက်သွားသလို ခံစားလိုက်ရသည်။

မတော်တဆမှုဖြစ်ပြီး လဝက်ခန့်ကြာပြီးနောက် နင်မုန့် က လျိုရွှမ်း ကို ထပ်တွေ့ရသည်။

သူမဘက်မှကြည့်လျှင် သူမ၏မျက်နှာရှိ အမဲစက်များပြည့်နေသောကြောင့် ဖြစ်နေသည်။ ထိုအနက်ရောင်လေထုက သိပ်သည်းလွန်းပြီး မျက်နှာရုပ်သွင် အားလုံးကို ဖုံးကွယ်လုမတတ် ဖြစ်နေသည်။ သူမ၏မျက်နှာကိုပင် ထင်ထင်ရှားရှား မမြင်နိုင်တော့ချေ။