نار:- اووفف روحي گعدي يلا
راحت هيه واني شربت ماي وطلعت بره انتضرو واباوع للجو صاافي وبي برد شويه بردت ودخلت جوه لاگتني زينه
نار:- ها گلتيلو؟؟
زينه:- اي خيه گلتله وبعدين الجو بارد لبسيلچ قمصله شي اخافن عليچ يمسچ برد
ابتسمت
نار:- اي حبيبي راح اروح البس القمصله واجي
صعدت لبست القمصله ونزلت شفت حاتم ينتضرني
نار:- صباح الخير
حاتم:- صباح النور شني السالفه ماتصبرين كم يوم انه الگالچ بيت يم بيتنه
نار:- جؤ اني مستعجله اريد انتقل باقرب وقت
حاتم:- چا خوش جاهزه؟
نار:- اي خويه امشي
ودعت زينه ومشينه صعدنه بالسياره واني اباوع من الجام اشوف العالم شلون عايشين حياتهم منهم بخير ومنهم يگطعون الگلب
الجو صار بي مطر خفييف ونسمة هوى ترد الروح نزلت الجام وغمضت عيوني واستنشق ريحة المطر
شردت وصار تفكيري بالابتر ياترى ليش هوه دا يساعدني وينصحني معقوله يحبني ؟
لان ماكو شخص يساعد بدون مقابل بس هوه الوحيد گلبه طيب وما اذاني
صحيت على روحي وضربت راسي قوي واني اردد بصوت نااصي
نار:- ناار اصحي اصحي شهالتفكير اكيد مايحبني بمجرد شفق عليه وساعدني من باب الانسانيه لا اكثر
فزيت على صوت حاتم
حاتم:- وصلنه هاي اكثر منطقه معروضه بيها بيوت للايجار بلكي نلگه بيت مرتب
نزلت من السياره واني اباوع للقريه چانت بيوت متطابگات ومكان خنگه حسيت اختنگت من شفتهن والشارع كلش گصف
ماردت اگول لحاتم نرجع كلت خل نشوف بلكي اكو بيت شويه عالي لان البيوت الهين كلهن لطش ع الگاع وخنگههه
دخلنه على بيت. صاير على صفحة سأل حاتم على ابو البيت وراحو ينادونو شوي وأجة وفتحلنا الباب ودخلنه ع البيت.
البيت من داخل خرابة والأرضيه مكسره تذكرت الغرفة الجنت مسجونه بيها اختنكت وطلعت براا
شوي ولحگني حاتم
حاتم:- هاا خويه شبيج شجاج؟
نار:- حاتم فدوه ماريد هذا البيت ماحبيتوو
حاتم:- خلص اهدي وانسي ندور على غيره مو مشكله
نار:-هزيت راسي وطلعنه صرنه نفتر من منطقة لمنطقه الأ ان تعبناا كلش وهذا اخر منطقة ندور بيها
part 10
ابدأ من البداية
