بَسك يا وَكت عاديتني شبيك ؟
قُريش وعادت اليِتعَبد بغار
عِشت دينار بچفوف الچواديد
التَعب من صُغري بية مگدر گدار
بّيوت القَصايد شجَم حِلم ضام
خلو نجمه للبارت+تابعو الحساب +علقو على الفقرات ♥🫶🏻.
ــــــــــــــــــــــــــــــ
اريـــام
اسمر ـ اريام خلينه نتزوج
صفنت بخلقته تجمدت ومعرفت ارد اردف بهدوء
ـ عيناي اعرف فاجئتج بطلبي بس اني احبج واحس الي نسوي مضيعه وقت خلي نتزوج ونستقر
هديت نفسي حتى لا اكول كلام يجرحه وباوعت بعيونه واردفت
ـ محد من عائلتك يعرف انت مخطوب شلون حتزوجني؟
ضحك وكال
ـ مخطوب شنو بابا عاقد وبعدين اني خبرت العائلة بعقدي صح عارضو وصارت عركه بس تقبلو الموضوع مو كتلج خليه عليه واصلا امي كارت من الفرح لان هي تريني اتزوج من زمان
ترددت وشتت نظري عنه العب بل ورد واردفت بنفس هدوئي
ـ اسمر باوع
كال بصوت اشبه بلهمس
ـ روحه باوعت كولي
ـ اني ما اكدر هسه اتزوج مو اتفقنه بعد سنه احنه ليش مستعجل؟
ـ اتفقنه لمده سنه اذا ماحبيتيني منتزوج بس هسه الوضع اختلف؟
توترت حسيت بي يعرف اني حبيته خجلت من نفسي ابتسمت بهدوء وايدي ترجف اردفت
ـ يولو دحك نتزوج وره سنه وسد السالفة واسكت
اسمر ـ لا ما اسكوت ونتزوج عن قريب وباجر نروح لامي واعرفج عن العائلة
ـ ودراستي وقلبي ونفسيتي هيج شلون حيكون زواجنه ناجح؟
كال وشكله جدي
ـ راح اكون وياج بكل خطوه صدكيني مراح تحسين انت متزوجه وعليج مسؤليات لا تطبخين ولا شغل لان مو زين عليج الاجهاد، اساسا بيتنه محد بي بس امي واختي الوسطانيه واخوي الدايح
ـ بس اني احس نفسي مجاهزه
ـ هاي هي من تكونين جاهزه يتم كلشي براحتج
ملامح وجه صارت حزينه اردفت بزعل
ـ لتضوج اصلا جايه المدرسه واذا تغير نظامي ما ارتاح وانزعج
ـ هاي هي عيوني لتضوجين، نكوم؟
هزيت راسي بنعم واخذت البوكي بيدي مبتسمه تقدمت يمه ولزمت ايده تغيرت ملامح وجه وابتسم بقينه نسولف عن مواضيع عاديه وخبرني عن الوقت الي راح يجي بي قبل لا انزل من السياره أردف بهدوء
ـ عيني ريمه باجر أي كلمه تسمعيه من امي غلسي عنه متفقين حبيبه روحي
هزيت راسي وكلت
ـ تدلل أنت عادي ماكو مشكله
أنت تقرأ
عمر ضائع
Romance"يا غائبينَ وفي الفُؤادِ لبُعدِهمْ نارٌ لها بينَ الضُّلوعِ ضِرامُ لا كُتْبُكم تأتي، ولا أخبارُكم تُروى، ولا تُدْنيكُمُ الأحلامُ نَغّصتُمُ الدُّنيا عليَّ، وكُلَّما جَدَّ النَّوى لعبتْ بيَ الأسقامُ ولقِيتُ مِن صَرفِ الزمانِ وجَوْرِهِ ما لم تُخَ...
