كن فى الدنيا كعابر سبيل واترك ورائك كل اثر جميل فما نحن الاضيوف وما على الضيوف الا الرحيل 🍃🍃
صلو على من بكى شوقاً لرؤيتنا ❤❤
_______________________
دلف محمد لغرفة الطبيب ليسأله عن الحالة
الطبيب بأسف : للاسف حضرتك هى نزفت دم كتير وفصيلتها مش موجودة فالمستشفى ولازم نلاقى متبرع فأسرع وقت والا فيه خطورة اوى عليها
محمد بحيرة كمن سكب عليه دلو ماء فى ليلة من ليلى الشتاء الباردة : تمام هحاول اشوف بأسرع وقت
وخرج من عند الطبيب محزونا لا يعرف اين تقوده قدماه وما قادته قدماه الا لحضن نصفه الثانى وشقيقته العزيزة وطفلته الصغيرة فهى برغم فرق السن بينهما تحفظه عن ظهر قلب كمن تقرأ بعض وريقات بين دفتى كتاب
الام: فيه اى يا محمد مال وشك الدم مسحوب منه كدا واد طمنى
محمد محاولا عدم اظهار حزنه : مفيش يا امى شوية ارهاق بس انا هرن لعبدالله يجى ياخدك وانا هخلص شويه حاجات واجيب ايمان وسارة والاطفال واجى ان شاء الله بس انتى ارتاحى شكلك تعبان
بعد مدة كانت امه قد ذهبت مع شقيقة وانهى هو كل ما يلزم المشفى والاطفال ثم عاد لشيقته التى كانت تجلس وتتحدث بالهاتف مع احد صديقاتها ووجهاا محمر بشدة ويظهر عليها الضجر
سارة : يوووه ماخلاص بقا يا دعاء قولتلك فوتى على رشا هاتيها وروحو البيت عشان حبيبة جاية دا اى دا اى اللى مش مفهوم فكلامى
على الطرف الاخر كانت المدعوة دعاء تجلس على سريرها وتتحدث بعدم تصديق للمرة المائة : يعنى حبيبة جاية عندكم بجد ولا قلشة من قلشاتك
سارة بنفاذ صبر وصوت على نسبيا :اااه يا بنتى حرااام عليكى فيا يا ماما اقسم بالله حبيبة احمد بنت عمى اللى هى مخطوبة وصاحبتنا كمان جاية النهاردة عند عمها اللى هو بابا جاية تقعد مع بنته اللى هى انا ارحمينى بقا اى اللى مش واضح فى كدا بقا حرااام
دعاء بملل : ايدا انتى متعصبة كدا ليه كل دا عشان سؤال واحد طب خلاص
سارة بارتياح كمن كان فى حرب وعاد منتصرا :الحمد لله انك فهمتى على خير
دعاء بغباء جعل الاخرى تشعر ببرودة فى اطرافها وبوادر جلطة : يعنى على كدا حبيبة هتيجى عند...... ولم تكمل كلامها حتى سمعت صوت اغلاق المكالمة لتتكلم بضيق : هى متعصبة لى دى طب دلوقتى انا ما فهمتش بردو اعمل اى اه احسن حاجة اكل وانام هو دا الكلام
( ادعى عليكى بأيه يا شيخة وانتى فيكى كل العبر شليتى البت ورايحة تاكل وتنام 😂😂) وما ان انهت طعامها وتمددت على فراشها مستعدة للغرق فى احلامها الوردية حتى سمعت طرق على الباب قامت بتذمر لتفتح الباب وهى تحاول فتح عينها بصعوبه ثم تركت الباب مفتوحا دون ان تعلم هوية الطارق ثم استلقت على السرير ثانية بينما فى الخارج كانت الاخرى تقف بصدمة من تلك الغبية التى امامها فتوجهت بسرعة تجاه فراشها وقامت بسحبها على الارضية الناعمة كمن تمسك بقطعة قماش بالية تنظف بها الارضية بينما صرخت الاخرى بتذمر وهى تتشبث بسريرها كطفل يتم نزعه من والدته: يا رشا يامعفنة يا عديمة الاحساس سيبينى
رشا وهى تصب الماء على وجهها بعد ان اوقفتها امام المام الصنبور : انا اللى معفنه يا انثى الكوالا يا نتنة سارة بترن عليكى من ساعتها مش بتتزفنى تردى عليها ليه
دعاء بضجر وهى ترتدى فستان واسع من اللون النبيتى : سارة كلمتنى وانا ما فهمتش منها حاجة ولما سألتها قفلت الفون فوشى يرضيكى يعنى وانا فتاه مرهفة الاحاسيس
رمقتها رشا بسخريه : دا سارة كانت هتتجلط بسببك يا حزينه الضماير البت كلمتنى وهى هتنسخط من غباءك ثم تذكرت عندما كانت فى شقتها التى تقطن بها هى ونوران واميرة بالاعلى من شقة دعاء وجاءها اتصال من سارة تخبرها بان تهبط لدعاء وتسحبها من شعرها حتى تقتلعة بسبب غباءها وكسلها الرهيب
بقلمى🍃 SARA ADEL 🍃
بينما سارة نظرت لأخيها اللى ينظر حوله بتوتر ويفرك يديه وينظر من آن لاخر لغرفة زوجته
سارة : امممم ماما مشيت وانت خلصت كل حاجة تبع الولاد قول بقا فى اى
محمد بعجز وارهاق لا يشعر به سواها : ايمان عاوزة متبرع دلوقتى وفصيلتها مش موجودة فالبنك بتاع المستشفى ومش عارف اعمل اى
سارة بلا مبالاة : ان شاء الله كله هيبقا تمام بس انت قول يا رب فى هنا مسجد عشان انا ما صليتش الظهر
محمد باستغراب من رد فعلها اللامبالى على غير العادة : اه بس مسجد مشترك عام يعنى
سارة : تمام تعالى معايا اتوضئ وانا معايا المصلية فالشنطة هصلى مع ايمان فالاوضة
ذهبت وتوضئت ودخلت لغرفة ايمان- بدون معارضة من الاطباء لان حالتها طبيعية عدا احتياجها للدم - وشرعت فى صلاتها اما هو فتعمد المرور من الجناح عندما لاحظ اختفاؤها لكى يرى مشاغبته- كما سماها- وجدها تصلى فخفض رأسه بسرعة عنها واستغفر ربه وذهب لعمله محاولا ان ينسى صوتها الباكى الرقيق وهى تعتذر له وافعالها مع الاطفال ولكن لم يستطيع ( حد سمع عن الحب من اول خبطه هو دا الحب من اول خبطة😂😂 )
بقلمى 🍃SARA ADEL🍃
انهت صلاتها وخرجت وختمتها وخرجت لاخيها : محمد قوم يالا
محمد وهو يحمل الاطفال باستغراب : على فين
سارة : بص يا محمدانا نفس فصيلة ايمان الغريبة دى اللى لو احتاجناها هنفرفر ونموت ومش هنلاقيها😂 فيا تقوم معايا يا هروح لوحدى
قام محمد معها باستسلام فهو حقا خائف على اخته وخائف على زوجته ولكن هذا القدر يا عزيزى ( هو انا مأفورة صح دا حتت كيس دم يعنى مش هيحصل حاجة انا عارفة انى لازم افصلكم من المود نرجع للروايه بقا 😂)
اخذ الطبيب منها احد الاكياس ثم توجه لنقله للاخرى
نظر اخوها لها بامتنان وقلق فابتسمت باتساع محاوله تخفيف الجو : هيييح الحمد لله ان انا اكلت احسن ما كنت افرفر منكم هنا وانا عارفة انكم ما تعرفوش تعيشو من غيرى
محمد : اى التواضع دا يا بت
سارة بكسوف مصطنع : بس بقا عشان هعمل نفسى مكسوفه
محمد : يا شللى يانا يا اما
ثم تركها ورحل لجلب اطفالة من الممرضة التى تركها معهم عند ذهابه مع اخته للتبرع
بينما لحقت به اخته وهى تنادى بصوت منخفض قليلا : يا لوتشفى استنى يا لوتشفى
محمد : اممم عاوزة اى
سارة بخجل : احم هو انا كنت جايبة عربية عمو احمد قرعة عشان كنت مستعجلة
محمد : عربية تانى مش قولنا بلاش ملهاش ذنب العربيات انها تتخبط بسببك
سارة : عيب عليك هو انا سوسن دانت تشوفنى وانا سايقاها تقول فاندام
محمد : طب ياعم فاندام معتيش تركبى عربيات لوحدك عشان دا ما ينفعش تسوقى عربيات حد مننا ماشى لكن تمشى كدا تسوقى عربيات لاء تمام
سارة باحترام لاخيها الاكبر منها : حاضر يا محمد مش هتتكرر تانى
محمد بحنان لطفلته المدللة : ماشى يا ستى انا هودى عربية احمد لية وانتى خودى عربيتى روحى بيها انتى وايمان والعيال
بعد مدة فى سيارة محمد بعد ان انهت ايمان المحلول واستعادت كامل وعيها
ايمان :ولادى حلوين زيى ياختى عسل
سارة وهى تقود بإرهاق ومع ذلك تبتسم : لاء دول طالعين لعمتهم ياختى
اما هو فكان يركب سيارته ويوجه كامل تفكيره بها وبدأت بعض الافكار تدور فى رأسه هل من الممكن ان تكون هى شقيقة محمد لا لاننى لا اتذكرها اذن من تلك الفتاه العنيدة القوية الرقيقة المشاغبة الطفلة الملتزمة كاد عقلة ان ينفجر وكأنها لم تكتفى بظهورها فى مخيلته لتتجسد امامه فها هى تسير بسيارة سوداء بجوارة مباشرة ابتلع ريقه محاولا تجاهلها بالاسراع من قيادته لكن عيناه اللعينة تابعتها من المرآة
اما فى المنزل اجتمعت الفتيات مع بعضهن لتجهيز الاطعمة واماكن الاطفال
وبعد ان انتهو بدأو فى تجهيز الطعام مع والدة سارة
وكان الوضع كالآتى حبيبة تقف فى منتصف المطبخ وهى تمسك بملعقة خشبية و تربط حجاباً بطريقه عشوائية على شعرها
حبيبة : يا نوران خودى الاطباق دى طلعيها ،وانتى يا اميرة طلعى المخلل ،وانتى يا دعاء رصى السفرة، بت يا رشا حمرى الفراخ واما سارة تيجى تغرف الاكل هيييح الواحد مسيطر
دعاء بشر : وانتِ ان شاء الله هتعملى اى ياختى
حبيبة بغباء : انا بشجع 😂😂
رشا بردح : نعم يا ختى بتإيه يا عنيا يالله يا ماما تعالى اغرفى البت هتيجى تعبانه
( رشا ودعاء صحاب سارة وحبيبة من ابتدائى وساكنين مع بعض فنفس المنطقه
وعلى فكرة هما كلهم من منطقه واحدة وقرايب لكن نوران باباها سافر السعودية وهما سافرو معاه ولسه راجعين من سنه وابو نوران يبقا ابن عم ابو سارة.
رشا كلية تمريض ودعاء فنون جميلة وراوية شرطة ونوران واميرة طب )
حبيبة : حاضر ماهو مافيش تقدير خالص
الام بضحك : حبيبة وتقدير فجملة ما اعتقدش
رشا بسخرية : التقدير عند ام هدير دانتى التق.. لم تكمل جملته حتى سمعت صوت جارتهم ام هدير يأتى من عند الباب وتلك السيدة تقف امام الباب بتهكم : وماله ام هدير يا عنايا على الاقل هتفك النحس وتتخطب الدور والباقى على اللى هيخللو
اميرة بلؤم : اه مش هدير بنتك دى اللى هتتخطب للى كانت ماشيه معاه عشان سمعتكم
ام هدير محاولة تخطى ذلك الحرج : يا بنتى اتخطبو بقا قطر الجواز هيفوتكم
سارة من على السلم بسخريه : مش احنا هناخد طيارة
ام هدير بغباء : اى دا طيارة اى
حبيبة : اصل انتى بتقوليلهم القطر هيفوتكم فهى بتقولك هياخدو طيارة
سمعو جميعا صوت اغلاق باب ام هدير بعنف بعدما احرجها رد الفتيات
سارة وهى تدخل وتسند زوجة اخيها التى تمشى ببطئ: الست دى بالله العظيم حاساها مركبه لنا اجهزة تصنت
________________________
هوووب هوووب بس كدا الليلة
ونكمل بكرة ان شاء الله احتمال
وتوقعاتكم بقا حمضى اقصد حمدى هيعمل اى مع رشا؟؟
عبدالله اخو سارة مناسب لمين اصحاب سارة ؟؟
هل راوية هتكتشف انها ظالمه سارة ؟؟
هل يزن هيفتكر سارة ؟؟
هل يزن وسارة هيتقابلو تانى ؟؟
ومستنية رأيكم بقا على الرواية وما تنسوش الفوت والكومنت الجميل 😊
🍁🍃 دمتم فى حفظ المولى🍁🍃
SARA ADEL
ВЫ ЧИТАЕТЕ
المجانين العشاق
Юморفتاة ملتزمة ولكن مجنونة فى نفس الوقت عفوية ومرحة جدا لابعد الحدود وليس هى المجنونة وحدها فأصدقائها السبعة بنفس جنونها فهم تركيبة غريبة لا يستطيع فك شفرة جنونهم الا من انضم لمجموعتهم والتى كما يسمونها((مجانين والرزق على الله)) اما هو فكان يهتم بها ج...
