من عينيك سُمِيتْ عاشقاً✨

الفصل الثاني والأربعين...

بيت طارق....
دخل البيت يغلي غضب مقهور ليه ما تركهم عزام يحرقون الـ سيف كلهم؟ ليه ما سمح لهم ياخذون بثار ثنيان ليه؟ وأن مات ولدهم دمه يمشي عروقهم..
ام طارق شهقت بصدمه: هئئئئئئئئئ وش فيك يمي! ليه حالك كذا؟
غرور: وش فيك يمـ... هئئئئئئئ طارق متهاوش مع احد؟
ام طارق: عساهم للكسر من اللي معورك؟
غرور: بجيب شنطة الإسعافات..
طارق: لا تجيبين شي بغسل بماء ويكفي..
ام طارق: لا جيبيها جروحك لا تجرثم..
غرور وهي تناظر جروح يده: طارق خوفتنا قول وش صاير؟
طارق كان مشغول يمسح الدم ويغسل وجهه عن اثار الكدمات..
ام طارق بخوف: يا ولد لا تذبحني ترا برقبتك بنت..
طارق: على طاري وينها المهاء؟
غرور: نايمه...
طارق: زين جيبي لي كماده دافئه بحطها على كتفي يده ثقيلة عساها الكسر..
دخل غرفته يغير ملابسه كانت مليانه دم وطين ومتقطع اغلبها بسبب المضاربة..
ام طارق: يلا قول وش اللي مسوي بحالك كذا؟
طارق يمسح على رأسه ووجهه بضيق: تضاربنا مع الـ سيف...
غرور: مين انتم؟
طارق: اخوان ثنيان وعيال عمانه..
ام طارق: ليه؟ وش مسوين بعد؟
طارق: ولدهم عمر عساه بجهنم طلع مع منظمه وهم اللي مرسلينه وخطفوا ثنيان ولاهي منظمة عاديه منظمه تجارة بالبشر..
ام طارق بصدمه: هئئئئئئئئئئئئئ ياويل حالي وش تقول..
غرور بدموع: يعني ممكن ثنيان يكون...!!!!
طارق: للحين ماهم متأكدين..
ام طارق: وانت رحت مع اخوانه تهجمون على بيت اهله؟
طارق بقهر: ااااخخخخخ بس لو عزام وحمود ما كانوا فيه ما بقينا احد من نسلهم..
ام طارق بحده: وش ذنب الحريم يومكم تهجمتم على بيتهم؟ ما ربيناكم على كذا اذا لك حق خذه من الرجال لا ترعب الحريم...
طارق بزعل: وش ذنب جدة ثنيان وخواته الأيتام وش ذنب ولد فادي الله يرحمه وزوجته وأمه وأخته؟
غرور: يمه انا معك الحريم مالهم دخل بس ترا هم ما فكرو بأهلهم..
ام طارق: عسى العيال ما جاهم شي؟
طارق: خفايف ما عليهم المهم انا بروح انام عندي مناوبة الصبح..
رفعت يدينها بعد ما باس على رأسها وراح تدعي له بالهداية وتستغرب حاله كيف كل يوم تتغير شخصيته بشكل ملحوظ..
ـــــــــــــــــــــــــــــــــــــــــــــ
بيت فيصل....
فيصل ينزل الشنطة ينادي على شموخ وبنت بحماس: وين الحلوين؟؟؟
شموخ من غرفة منى: هنا متروشين يا بابا ننتظرك..
دخل يغني لمنى اغنياتها فيصل بصوت نشاز: منى حياااتتيييي بنيتي احلااااا البناتتتييييي منى بنت ابوها كلهم اخطبوها..
رفعها يشمها وحضنها: لبى المتكشخييييييننن وزينهمممممممم...
استمر يبوسها ويلاعبها وشموخ تناظرهم: لنا الله قبل ما ترتاح الا اذا شفتني والحين اخذت مكاني بنت ابوها..
فيصل بضحكه وحب: هههههههههههههههههههههه لا انتي رأس المال بعدين هذي غيره؟
شموخ: امممم يعني تقدر تقول...
فيصل: لا طلبتك انا ناقد على عيادة يومه يغار من ولده..
شموخ: هههههههههههههههههههههههههههه ما عليك المهم جوعان؟
فيصل يمسح على بطنه: والله مييييييتتتت جوع....
شموخ: من عيوني امسك بنتك عشان احط الغداء..
توجهت للباب وقبل تطلع التفتت له: ويا ليت لا تطري الموت طارية يضايقني..
ابتسم واشر على خشمه وراحت بصمت مستمتعين بحياتهم الهادية جاهلين امر المعركة بين آلـ سيف وآلـ عبد المحسن..
ـــــــــــــــــــــــــــــــــــــــــ
بيت الجدة...
واقفين صف واحد العم صالح والموجودين يناظرونهم أخذوا العيال نظرة على بعض يقيسون حجم الضرر اللي جاهم ملابسهم مبهذله الدم من وجيههم والبعض كدمات قوية يتجاهلون نظرات النقد من أبو عيادة راضين تماما الرضا عن المضاربة ما يحسون فيه سبب لغضب عزام وحمود مرتاحين من ناحية العم صالح والعم أبو مالك..
أبو عيادة: وش نوحكم!! وش اللي عملتوه؟ عمر الأمور ما تصير هاللون..
عزام: ارحموا شيبانكم ذبحتوهم بالهم والخوف..
حمود بعصبيه: الهمجية عمرها ما كانت حل..
العم أبو مالك بحده: اخذان الحق عمره ما كان همجية..
أبو عيادة: لاا يا عبدالله لااا ما خبرتك تفكر هـاللون هذا وانت العاقل وكبيره؟!
العم أبو مالك: وهم تركوا فيها عقل؟؟
حمود: اذا لك حق حنا ناخذه لكم القانون موجود وشـ..
العم صالح بمقاطعه: حنا نبغى القانون لكن القانون تأخر علينا!!
عزام للعم صالح: يا عم ثنيان عمره ما كان صديقي بالعكس اخو وسند ولا راح ارتاح الا اذا جبت اللي.....
حس بحيره ما يدري كيف يسميه قاتل او خاطف صار الوضع حساس لازم ينتبه لكل كلمة يقولها الغضب صار أكبر والوضع صار أصعب..
متعب كان يمسح الدم من خشمه قال بغضب: اذا انت ما تقدر تقولها كيف تبينا نصبر حنا ما تربينا على الخوف..
مالك كان يمسح على كتفه: واللي له حق بيأخذه وحقنا نأخذه..
عبد المحسن: اااخخخخخخخخ ليتك تركني اخذ بثار فادي وثنيان..
حمود تقدم بغضب: من مين؟ اذا القاتل والخاطف مات!
عيادة بغضب أكبر: من كل شخص يشيل دمه وأسمه..
ابو عيادة بغضب: ولددد اقطع الصوت..
أبو مالك بنفس مستوى الغضب: خليه يتكلم لا ترده يا خالد..
أبو عيادة: بدل تحتسي عليهم تسكتن؟؟ بكره اذا حصل لحد منهم شين لا تاكلك الحسايف..
عزام: أبو عيادة معه حق لا تتهورون وتندمون بعدين..
أبو عيادة: يا عيالي ما يصير اللي تعملون ثنيان لو بيننا...
عبد المحسن بمقاطعة: ثنيان لو كان بيننا يا عم وواحد فينا هو اللي مكانه احرق الدنيا عشانه لا تقولون ثنيان لو كان فيها ما هذا حالنا..
العم صالح: يا عيال اسمعوا كلام عمكم خالد لا تتركون القهر يعميكم ثنيان اذا الله كاتب يرجع بيرجع لنا لا ترمون نفسكم بالتهلكة..
أبو عيادة: ايه هذا الكلام الصح الله يجزاك خير ليتك معاونن من بدري..
حمود: انا اتفهم قهركم ووجعكم عشان كذا حلينا موضوع الهوشة لكن ابي منكم كلمة رجال وعهد ما تقربون لهم وتتركون القانون يأخذ مجراه لا تعرقلونا بتهوركم..
العم صالح: بوجهي ما يجونهم وترا الـ سيف بريئين من دم ثنيان..
أبو مالك بصدمه مثل الباقي: كيف تقول كذا؟ وش اللي يخليك تقول انهم مالهم دخل؟
العم صالح: بين وجه المصدوم والمنفشل ووجه اللي يخبي شيء..
عزام: ما فهمت يا عم فهمنا!
العم صالح بسخرية: انتم ما فهمتم لشغلكم دون بتفهمون لمقصدي واضح من وجيههم مالهم خبر بشيء..
عزام: الله يسامحك يا عم..
حمود: الله ييسرها مثل ما قلت اتركوا القانون يأخذ مجراه..
عزام: حنا لازم نروح نكمل الإجراءات وبعض النواقص فمان الله..
بعد دقائق قصيره العم صالح: يا عيال اطلعوا بينا هرجة..
عبد المحسن: طيب شاركونا ترانا رجال شواربنا تزاحم وجيهنا؟
العم صالح: لا باس وانا ابوك اتركونا...
ـــــــــــــــــــــــــــــــــــــــ
بيت العم أبو مالك....
سمعت طق خفيف على الباب فضلت ما ترد وتدعي النوم لكن أصرار الطارق يضايقها..
أطياف جالسه على كرسي المكتب: مين؟
غيم: انا غيم...
أطياف بضجر: فيك شي؟
غيم فتحت الباب ودخلت بتردد: فيه شي صاير وما قدرت أوصل لعمي او مالك وطيف بالحمام طولت وخالتي تكلم قلبي معورني تكفين كلمي عيادة..
أطياف بقلق: ليه وش صار؟
غيم: كلمتني رهف تقول العيال متضاربين مع الـ سيف...
اتسعت عيون أطياف: ليه؟ فيه جديد عن ثنيان؟
غيم وضح عليها التوتر وحست انها ورطت نفسها: لا بس ابغى اتطمن..
أطياف: غيم حلفتك بالله وش فيك؟ وش صاير؟
غيم بتردد وعبرة ووجع: كتشفو ان اللـ..ـي اللـ..ـي تكفين ما اقدر اقول...
أطياف بحده وقل صبر: تكلمي..
غيم: اللي خاطفين ثنيان عصابه كبيره ويتاجرون بالأعضاء والعيال تهجموا على الـ سيف لان يمكن يكون ثنيان من اللي ماتوا..
أطياف بعدم تصديق: يـ..تا...جرون بالأعـ..ضاء؟ وثنيان!! يمكن مات؟
غيم خافت من صوت أطياف ورجفت رجولها وشهقاتها كانت تزيد بشكل تدريجي..
غيم برعب: أطياف فيك شي؟
التفت بسرعه وصرخت بـ: طططيييييييففففففففففففف عععععمممتتتتتيييييييي تعالووووووووواااا أطياف مدري ايش صار فيها..
أطياف بشهقات وانفاس متقطعه تأشر لـ غيم تمسكها بسرعه مسكتها تساندها كانت تحس النفس يضيق يوصل اعلى صدرها ويرجع تحاول تتنفس بس كلام غيم يخنقها وقبل تجلس صرخت أطياف بـ: لاااااااااااااا آآآآآآآآآآآآآآآآآآآآآآآآآآآآآآآآآآآآآآآآآآآه ثنننننييييييييياااااااااااانننننننن آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه لاااااااااااااااااااااااااااا ليتك مت موتت ربك ليتك وافقت على الزواج آآآآآآآآآآآآآآآآآآآآآآآآه ليتك لغير وبخييييييرررررررررر اااااااااااااااه...
غيم تبكي من انهياها: أطياف بسم الله عليك..
دخلت طيف وامها مفجوعين من صراخ أطياف الموجوع..
اخذت ام مالك بنتها بحضنها خافت قلبها يوقف من الصراخ او يشق صدرها ويهرب لحبيبها المغدور..
أطياف بانهيار تتمسك بأمها وتصرخ: يييييممممممههههههه ررررراااااااااححححححححح مااااااتتتتتتت طول عمره اناني يتركني لحالي ليييييييههههههههه ياارررررررررررررررررببببببببببببببيييييييييييييييييييييييييييييي آآآآآآآآآآآآآآآآآآآآآآآآآآآآآآآآآآآآآآآه..
رفعت يدينها تقفل اذنها عن أي صوت غير صوته بالحلم تتذكر وصيته بحلمها" اذا مت قلبي معك ما يموت" تضرب برجولها الأرض بنهيار رفض للواقع البعيد عن حبيبها المغدور..
طيف تبكي: اللوووووو تكفى مالك تعال أطياف منهاره تكفى تعال..
أطياف بنحيب صرخت بـ: حححررررمممممموووونننننيييييييي منكككككككككككككك ووووححررمموووككك الحياااااه الله لااا يسساااامحهمممممم آآآآآآآآآآآآآآآآآآآآآآآآآآآآآهـ ليتك مت موتت ربي ولا تروح مغدوررررر ما تستاهل وربي ما تستاهل يييييييييييمه ماتتتت ماااتتتتتتت..
غيم تبكي وطيف محد قدر يهديها حاولت أمها تحضنها تهدي من نحيبها ورجفتها بس الانهيار كان اكبر ولا هدت أطياف حتى غابت عن الوعي بكل الم وقهر على حبيبها المغدور..
ـــــــــــــــــــــــــــــــــــــــــــــ
بيت الجدة...
الجدة تبكي: عسى ربي يسامحني انا اللي سويت فيهم كذا ليتني ما جبرتك..
سمر: مالك دخل بتهورهم لا تلومين نفسك على كل شي..
الجدة: والله انه انا ما عمرهم يسوون سواتهم هذي من قبل لكن انا اللي حديتهم عسى الله ما يسامحني..
راضية: الله يهديك لا تدعين على نفسك..
رهف: يمه تكفين لا تمرضين نفسك تيتمنا بما فيه الكفاية لا توجعينا بكلامك..
ريوف: يمه يكفي ثنيان مختفي بعد عمر طويل بعدكم من لنا؟
سمر: ترا يمه محد راضي عن كلامك..
الجدة: انا اللي يتمتكم مره ثانية..
راضية: يا بعد عيني لا تلومين نفسك كل شي مقدر ومكتوب والعيال اكيد عرفوا شي عن ثنيان ولا ليه يروحون يتهجمون؟
الجدة: ييييييوووووه يا ويل قلبي كانه صدق هذا اذا دل ما يدل الا على انه شي ماهو زين..
سمر: يمه ما خبرتك تتشائمين ترا التشاؤوم ماهو زين..
رهف: انا الحين اكلم محسنوه يجي ويعلمنا..
ريوف بـ صدق: يا رب يكون خبر زين عن ثنيان..
الكل: امين...
يعرفونهم مستحيل يتهجمون على احد بدون سبب الكل عارف بقرار نفسه الخبر اللي وصل ما يبشر بالخير لكن محد يبغى يبدأ اليأس من عنده...
ـــــــــــــــــــــــــــــــــــ
عند الشباب..
واقفين يشوفون جروحهم وملابسهم المقطعه اثار المضاربه والكدمات متوزعه بأجسامهم..
مالك: عسى ما تعورتم يا عيال؟
راكان: حتى وان تعورنا ما طفت نارنا...
هادي: ااخخخخخخخخ بس لو طاح بين يديني ولد عمهم كفرت فيه..
راكان: يهب ياكثرهم صغار كنهم نمل وسريعين كنهم صراصير..
عبد المحسن: هههههههههههههههههههههه ما تعرف تشبه؟
متعب بضحك: لكن والله بردت حرتنا بـ عمار..
هادي بنظرات: اجل يحط عينه على حلالي ولا افقعها له؟؟
عبد المحسن: تصدقون احس ارتحت شوي وفشيت غلي فيهم..
عيادة بقهر: لا والله ودي لو غرزت سكين بصدر كل واحد يشيل دمهم..
سعود: الله يحرقهم جميع..
مالك: اكثر واحد انضرب وضرب طارق محد قدر يوقفه الا حمود..
هادي: والله ما قصر المسكين مع انه يقدر ينتظر ولا يدور لكن ما ترك مكان ما راح له والله انه كفو..
عبد المحسن بنظرات لمالك: ما جحد ثنيان مع انه عرف كل شي..
متعب: عرف وش؟
ناظر مالك لعبد المحسن بمعنى لا تتكلم..
عيادة: احد فيكم عندوه علم عن الموضوع بين الشيبان؟
متعب: لا والله لكن ما طردنا عمي اكيد الموضوع كبير...
راكان: تهقون يخص ثنيان؟
سعود: اكيد او يخص الرجل هذاك؟!
عبد المحسن: اختفاء الرجال غريب ياخي شي يحير صرنا بين نارين عمي يبغى الرجال ومقهور منه وحنا مالقينا ثنيان للحين..
هادي بهدوء: عيال..
الكل: هلا..
هادي: لو اثبتوا موت ثنيان كيف بـ تأخذون بثاره؟
متعب بغصه: ناخذه من عيونهم واحد واحد..
مالك: والله لا.....
قاطعة مكالمة طيف..
مالك: هلا..
طيف: ماللللكككككك..
مالك: بنت طيف وش فيك؟؟؟
فز متعب على ذكره ومشى لمالك ويسأله: وش فيها طيف؟
طيف بصوت باكي: أطياف يا مالك اللحقنا..
مالك: وش فيها؟؟
طيف: مالك تككككفى تعال أطياف منهارة تتككففففففىىىىىى تعاااللللللل..
راح مالك يركض لأخته الحزين كبرها الهم والفقد ولا كان جنبها ضاع بين ثنيان وبين الرجال الغامض راح وراه عيادة ومتعب يمكن يلحقون على بقايا قلبها الموجوع...
ـــــــــــــــــــــــــــــــــ
بيت العم صالح...
دخل بعد ما تطمن ان مالك أسعف أطياف وتطمنوا على وضعها..
هادي بهدوء: يمه..
طلعت ريوف على صوته: أبو صالح هئئئئئئئئ وش هذا من المضاربه؟
هادي يفصخ ثوبه: والله مكسر ابغى اخذ دش حار..
لفت انتباهه براءة ملامحها كانت تتأمل جروحه مصدومه: يعورك؟
هادي يحاول ما يبين الألم لها يعرفها من لما كانت صغيره حنونه وتشيل هم الكل..
هادي: لا ما علي..
نست خجلها من خوفها عليه مسحت بيدها على كتفه لما شافت الكدمة ريوف بخوف: هئئئئئئئئئئئئ الله يكسر يديهم هذا منهم؟
هادي ما قدر يتكلم يتأملها وكيف ملامحها رقيقه بكل مره تجذبه حنيتها حس جسمه تكهرب من لمستها ما كان يبغى يبين شي سحب كتفه ومسح عليه..
هادي: لا هذا من المجلس كنت جاي ركض ولا انتبهت للباب وضربت فيه..
ريوف: بجيب لك لبس اذا طلعت بعقم لك الجروح..
هادي: لا ما يحتاج اذا تروشت يخف..
ريوف بنظرات: كيف ما يحتاج؟؟
هادي بهدوء: تخافين علي؟
توترت ريوف وبشكل عفوي رفعت يدها تمسح على شعرها بخجل طلع وتركها ما حب يحرجها اكثر..
جهزت له الأكل بالمجلس ورجعت للغرفة تجهز ملابسه وتحاول تخلص قبل يطلع من الحمام..
ريوف: يووووه نسيت ثنيان..
قبل تلتفت حست بيدين تحضن خصرها من ورا..
ريوف بفزع: ييممهههه بسم الله أبو صالح..
هادي يشدد من حضنه لها ويهمس: بسم عليك يا لببيييههه عيونه..
ريوف بخجل تحاول تهرب من يدينه وضعه لاف نفسه بمنشفه وعاري الصدر كانت تحاول ما تلتفت لكن هو ما سمح لها تحركت بين يدينه وبحركه منه لفها عليه وصارت يدينها أسيرة صدره..
ريوف بصوت يرجف: هـ..ـا..دي اتـ..ركـ..ني...
هادي: لا مافي هروب..
ريوف بنفس سريع ورجفه: هـ..ادي..
هادي شدها له اكثر لحد ما رفعت رأسها له: لازم نأخذ خطوه انا ابيك تأخذين قرار باقرب وقت..
ريوف نزلت رأسها ما ردت حررها ومسك يدها وطلب منه تنتظره ما تروح اخذ ملابسه ولبس..
هادي جلس قبالها وكلمها بنبرة جدية: ام ثنيان انا ادري بمكانة فادي الله يرحمه والموضوع صعب علي مثل ماهو عليك لكن ما يصير نوقف حياتنا ولا ابي اجبرك اللي ابيه منك تبدين تهيئين نفسك ولا راح اضغط عليك بشي..
ريوف بدت تخنقها العبرة من ذكر فادي قالت بعبرة: انا طول عمري وفيه لفادي من اول ما سكن قلبي ما اقدر اكذب عليك ما اعتقد بقدر اخونه..
هادي بصدمه: تخونينه! وين الخيانه؟
ريوف: ان الزواج يتم خيانة..
هادي: بس هذي وصيته!
ريوف تبكي: لا تضغط علي يا أبو صالح روح تزوج وعيش حياتك مستعده ابقى على ذمتك ولا ابعد ثنيان عنكم لكن ما اقدر لا تطلبني شي فوق طاقتي...
هادي بحنيه: ام ثنيان فادي وصى خوف عليك تنضامين من بعده ويشهد الله لك مكانه عندي لو اخذ من بنات حوا مليون ما توصل ربع معزتك..
جلس على الطاولة وقرب منها صارت رجولها بين رجوله وعينها بعينه شافت نظرات اول مره تشوفها بعيونه حست بالخجل بسببها..
هادي: يا أم ثنيان حنا لازم ناخذ خطوة واذا خايفة استخير وخذي وقتك بس لا تطولين علي..
نزلت رأسها باستسلام بعد ما تأكدت جديتيه بالموضوع..
ــــــــــــــــــــــــــــــــــــــــ
حائل..
ام عيادة: واخبارها الحين؟؟
ام مالك: الحمدلله عدت على خير..
ام عيادة: وش قال لكم الدكتور وش علته؟
أم مالك: انهيار عصبي ويقول بينومونها لين تهدا اعصابها..
ام عيادة: اعوذ بالله تقولينه صادزه!! وش اللي صار اودعه تتعب هاللون؟
ام مالك: ريهام قريبه منك؟
ام عيادة تتكلم بصوت اقرب للهمس: لا عند وغده تنوموه ليه؟
ام مالك: اجل اسمعي بس ريهام اهم شي لا تعرف..
ام عيادة: هئئئئئ لا يكون يخص اخوها؟
ام مالك بصوت حزين وباكي: والله يختك مدري وش أقول لكن يقولون ان اللي خطفوه ناس ما تخاف الله يبيعون أعضاء اللي يخذونهم..
ام عيادة بصدمه: ياويل حالي وش اللي يعملون بهم؟
ام مالك: هذا اللي عرفناه والعيال راحوا لأهل المغضوب جميع وصارت مضاربه لكن الحمدلله حل حمود وعزام الموضوع لا يكبر وتصير مخافر وتحقيق..
ام عيادة: يا قلبي من قليبها يا عزي عنتس يا ام خالد وش بتسوي لو تدري الله يجبر قلوبهم..
ام مالك: لا تبيني شي ما ناقصهم هم فوق همهم..
ام عيادة تبكي: يا عزي عن بنيتي تسيف بتتحمل وهي حامل؟ الأخ ما يتبدل ولا يتعوض عسى الله يجبر خاطره ويـ..
ريهام بخوف: تكفييينننن يا عمه اسألك بالله قولي ماهو ثنننييياااانننن عمه تكفين لا توجعين قلبي وتقولين مات طلبتك..
ام عيادة تركت الجوال وراحت لها تركض: يا بنيتي تكفين لا تفجعين بتس وبضناتس..
ريهام بنحيب: لاااا عمه لا تقولين مات تتككفففيييينننن ثنييييااااااااان..
ام عيادة: يا ويل قلبي موية الراس نزلت..
حست ريهام بخفقان قوي لما ناظرت تحتها وكان الدم مختلط بالماء وفقدت الوعي...
ــــــــــــــــــــــــــــــــــــــ
المستشفى...
بغرفة الانتظار مستغربين سعود وراكان وأبو عيادة سبب انهيارها عكس ابو مالك ومالك وعيادة..
أبو عيادة: وش اللي صايرن معه من شان تتعب..
سعود: يمكن للحين متأثره بوفاة صديقتها؟؟
كان سؤال بالنسبة لهم لكن كان طوق النجاة وعذر جاهز لغيرهم..
أبو مالك بحزن على بنته: ماهو سهل الواحد ينسى رفيق دربه وهي مالها غير شهور هذا حنا للحين فادي بيننا بمجلاس ومنام..
مالك: كيف باللي عاشت معها عمر..
الكل: الله يرحمها..
عيادة: حنا نستأذن ولا تتركون طمننون عليه اول ما تصحى..
أبو مالك: اكيد اكييدد..
أبو عيادة: نستأذن كمـ..
قاطعتهم ام مالك: عيادة يمك اللحق حرمتك ريهام جاها الطلق..
عيادة بصدمه: ككيييف؟ وشلون دريتي؟
ام مالك: ماهو وقته روح الحق حرمتك شالها الإسعاف..
طلع أبو عياده وعياله بسرعه ومسكوا خط حائل..
أبو مالك: وش اللي صار يا ياحرمه؟
ام مالك بندم: سمعتني انا وام عيادة نتكلم عن اللي صار..
أبو مالك بغضب: ليه الله يهديك تدرين ان البنت على وشك ولاده؟..
ام مالك تبكي: كنت احرص على ام عياده ما تتكلم لكن مدري كيف سمعت..
مالك يحضن امه ويبوس رأسها: ما عليه كلنا ندري ما كان قصدك..
أبو مالك: ندري ماهو بقصد لكن وش بيصير بالمسكينه؟ لو يصير لها شي بنشيل ذنبها العمر كله يكفي اخوها..
ام مالك استمرت تبكي ومالك يحاول يهدي من عصبية ابوه لكن استمر أبو مالك بالعتب..
أبو مالك: ما راح اقولك ناقصه عقل لا والله عقلك يوزن بلد لكن سواتك هذي ما يسويها الا سفيه...
مالك: يبه الله يرضى عليك لا تغلط على امي...
أبو مالك بحده: بيني وبين حرمتي محد يتدخل..
مالك: بس هذي امي..
أبو مالك: وغيم بنت اخوي ما تدخلت بينكم يومك تتركها بالأيام ولا تسأل تركتكم تتفاهمون والحين خليني انا وحرمتي نتفاهم وانت رح عند اختك..
مسك ام مالك من يدها ومشى معها خطوات سريعه للسيارة وترك مالك بمكانه بدون جواب على سؤاله...
ـــــــــــــــــــــــــــــــــــــــــ
بيت طارق..
دخل طارق بعصبيه: غغررووووووررررررر وججععععع...
ام طارق: بسم الله عليك وش فيك؟
طارق: وين بنتك ام لسان ما تعرف تسكت وتقفل فمها..
جت غرور بتردد وخوف..
غرور: هلا...
طارق قرب لها بيسحبها من يدها لكن وقفت امه بينهم..
ام طارق: عليك الله ما تجيها..
غرور تبكي: والله اسفه زل لساني..
طارق بصراخ: يبيلي اقصه عشان ما يزل مره ثانيه..
ام طارق: طارق احشمني واقفه بينكم وش اللي تقوله..
طارق: اسألي بنتك يمه..
غرور: والله طارق حلفتها ما تقول بس هي قالت لغيم وانتشر الخبر مالي دخل والله..
طارق: تبين تعرفين بسبب لسانك وش صار؟
غرور تخبي نفسها ورا أمها تبكي بخوف ورعب اول مره يكلمها كذا..
طارق: ريهام جاها طلق واطياف جاها انهيار عصبي والدنيا مقلوبه عندهم بسبب لسانك..
ام طارق حطت يده على قلبها: يا قلبي..
طارق يأشر بأصبعه لغرور: نبهتك وحلفتك ما تتكلمين لاني اعرفك واعرف لسانك..
غرور برجاء: طارق تكفى اناا..
طارق: انت بتجلطيني انقلعي غرفتك..
طلع طارق وترك المها مع امه وقالها مسافر لكن ما تعرف وين...
راح يحاول يساعد او ينقذ شي من الدمار اللي صار من اخته...
ـــــــــــــــــــــــــــــــــــــــــــــــ
عند أبو فيصل...
دخل عليه عادل وقطع تفكيره..
عادل: لا الحمدلله المؤشرات الحيوية كلها ممتازة ايه خليك كذا مثل ما عرفناك..
ابتسم ورجع للملف اللي بين يدينه يكمل قراءه..
عادل: جت صحافه اليوم لك لكن منعتهم وقلت لهم انك طلعت..
أبو فيصل بهدوء: شكرا...
عادل: عبدالرحمن لا تحمل أنفسك فوق طاقتها ما يصير اللي تسويه مالك كم يوم متحسن رجعت للملفات والقضايا..
أبو فيصل: صدقني اهون علي من الجلس كذا وافكر..
عادل جلس على الكرسي جنب السرير: تبي نسولف؟
أبو فيصل: من امس اشوف بخاطرك كلام..
عادل: اصدق ايه..
أبو فيصل يأشر بمعنى تفضل..
عادل: عندي فضول اعرف اللي وصلك هنا وانا متأكد الموضوع يخص ثنيان غير الشعور بالذنب لكن انت ما تبي احد يعرف...
أبو فيصل يفصخ النظارة ويركز معه ينتظر يكمل كلامه..
عادل يكمل: كنت بين فتره وفتره تصحى تنادي وكأنك تدور على احد..
أبو فيصل: سؤالك ماله جواب عندي اذا خلصت تقدر تتفضل..
عادل بضحك: ههههههههههههههههههههههههه قاله طارق لا تسأل ما لك جواب..
أبو فيصل: دامك تعرف ليه متعب نفسك وتسأل؟
عادل: قلت اجرب حظي لكن دام هذا جوابك فمان الله..
أبو فيصل مركز بالملف: فمان الكريم..
ــــــــــــــــــــــــــــــــــــــ
حائل..
فتحت عيونها تحاول تتذكر ايش صار؟ حست بأحد يبوس عيونها..
............: عسى ما تعبتي يا الغالية عساها اجر وعافية..
عيادة: مبروك عليك نورة وخالها..
رفعت يدينها تغطي عيونها تبكي عرفته من صوته وريحته الغالية عليها انتحبت بصوتها بحضنه عاتبته على غيابه وتوعدت فيه..
ثنيان: والله ما كسر ظهري ورجعني غيركن..
لمت يدينها حوله تمنعه يبعد..
ريهام بضعف: لا تصحوني اذا حلم تكفون..
ثنيان: رجعت يا عين ابوي رجعني ربي والشوق افتحي عيونك شوفي نورة وشوفيني..
ريهام: نورة؟
عيادة: ايه تسمت يوم الله سماه نوره مثل ما تبين..
ثنيان: استقبلت خالد كيف ما استقبل نورة..
ريهام: سألتك بالله انت حي ورجعت؟
*******************************