قيود تعيقني

بارت هديه

هزيت راسي وطلعت اجاني اجرام

اجرام :- ها شكلتلج

حجيتله وطلعنا ونيار صاير عدها تقلصات لان اني توجعت وهي حامل فا يكولون البطن تغار

نور :- ماكو شي يبقى مثل ما جان كلشي يتغير ، وثبتلي هلشي هو ادهم ايي ادهم اخر فتره كلش تغير عليه اهتمامه ! حبه ! حتى كلامه وياي

كاعدين بلغرفه اني ويا ومريم يمنه دتلعب ومكيفه بيها احلا اخوانها عيوني زرك كلش ماشاءلله وشعرها بني

( كيفت عبالي تشبهني لان ع اسمي 🥲👍🏻)

ادهم :- ليش مطالعه عليه

باوعتله بابتسامه وحجيت شقه

نور :- الحمدلله وشكر مو عليك تطلع ملحه ويعع

خزرني وشمر لعبه مريم من ايده وخله وطلع من الغرفه

استغربت ردت فعله ليش هيج ضاج ويدري بيه اشاقه ويا

نيمت مريم ونزلت شافتني مسار اجتني تحجي بهمس

مسار :- شبي ادهم شو عصبي وشراره تطلع من عيونه

نور :-مادري تلكي متعارك بشغل
هزت راسها وكعدت تغسل بتمن وتحجي

مسار :- حتى اجرامو صارله يومين مو طبيعي وبس عصبي

دنحجي ودخلت نيار تضحك

نور :- ها ولج شو ضحكين

نيار :- اضحك ع برهم كل مره اشاقه ويا طبيعي واكله انجب ولي شو هلمره داشاقه ويا كتله ولي كام عاط عليه ونزل

مسار :- الاخوان تخبلو ماشاءالله

كعدنا نسوي بلعشه  ساكتين خطيه اجتي ام نيار يمنه ومريم بحضنها كلس اتعلقنا بيها ونحسها امنا والله

كملنا عشه وصبينا التمينا ع سفره الاخوان 3 وجهم ما يكصها سيف محد اكل منهم

حجت مسار

مسار :- شكو اجرام ليش ما اكلت برهم ادهم شبيكم

عاط بيها اجرام

اجرام :- بعد بعد نكي خلنشوفف ليوين توصليييين ليشش تلحييين مسار ليشش

الدمعه صارت بطرف عينها حجت بغصه وفشله ونزلت دمعتها

مسار :- اعتذر

اجرام اخذ السويج وجكايره وطلع

مسار هم عافت الاكل وكامت

باوعت عليهم كلهم مدنكين واحس راح ينفجرون من العصبيه

شجاهم ذوله يربي اكيد صاير شي

ولا وحده من عدنا حجت حتى جهال ساكتين شلنا السفره غسلت الماوعين وصعدنا اني ونيار نشوف مسار ندك بلباب ماكو ما تفتح

حجت نيار بخوف

نيار :- دخيلك يا علي شبيها هاي مسار افتحي
نور :- ولجج مسار افتحي صخام بوجهي ولج مسار