تجارة ابي..

البارت 9

بارت ٩
للكاتبة زينب عرمان
......
انا اتمنى اجي يمك واسولفلك على احوالي
واحط بايدك وجع گلبي واگلك هذا جتالي
.............
بناتي لاتنسون التصويت والتعليق بين الفقرات

مريم؛
تقربت منه كان نايم ومغطي كل وجهه
تقربت وهمستله
احمد حبيبي.. مارد سحبت الغطا عن وجهه خربطت شعره ماكو اتمددت وياه  خليت راسي برگبته اتنفس بيه  وهمستله..
اني وصلت وياك لمرحله اللاوصف
مااكدر اوصف لك ال احس بيه
حتى قلبي صار مايكفي حبك
لو تدري شكد احبك وشكد احب الوقت وياك
وشكد احب يومي لأنك جزء منه
هزيت راسي نافيه كلامي؛ لا انت مو جزء انت كله
انت صرت أهم مني ومن وجودي انت صرت أهم شي موجود وعايشه بس حتى اشوفه
تعرف اني كلما اشوفك اكول اني شسويت حتى ربي يجازيني بيك اني شسويت حتى امتلك شخص مثلك واني حتى ماكنت اتوقع بالحلم تصير الي
انت احساس يشبه الحب واحلى منه بهواي طمأنينه على أمان على راحه هيج كل مشاعر الدنيا الحلوه تتجمع بوجودك انت عوض ربي

فتح عيونه وخله جبينه على جبيني
اني الانحرم من كل شي واجيتي انتي عوض عن كل الاشياء السيئه الصارت والايام والليالي المره المرت عليه
مريم؛ ايي صح بالبدايه تعبت وتعذبت بس بعد ماكو هالشعور ماكو هالتعب كل شي راحه وحب  ايامنا كلها فرح وسعاده مادام احنا سوا مايمر طاري التعب بيها
احمد؛ لو اگدر اگلج بالثانيه الف مره احبج ولو بيدي كان زرعت بداخلي مليون قلب حتى احبج بيهم كلهم
باسني بعوني وگال..
واني لأعجب من جمال عينيك
كيف لها من نظره تحتلني؟
كفرت في شتى مفاتن دنيتي
وأمنت في عين بها فتنتني
من قائلا إن الممات مرهً؟
فكم مره في حسنك قد قتلتني
مريم؛ اسم الله عليك حبيبي
....
نوره؛ بعد ماانطيت موافقتي بدينا نجهز للعقدحددوا موعد العقد الجمعه قبل التحاق باقر بيومين
كل هذا الاسبوع اني وباقر بس نسولف صار جزء مني وبعلم اهلي طبعآ صار خطيبي وفترة تعارفنا هاي لازم نستغلها حتى لانندم بعدين 
الأربعاء رحنا اني وعمتي وامي للسوق أشتريت فساتين للمهر واشتريت كم شغله محتاجتها الصينيه والكوشه وهوايه اشياء بعد أخذت احس ايدي تملخت واكفين دنشتري وحسيت بيه موجود التفتت باقر واكف وراي
؛ ابتسمت وهو اتقرب إلى مبتسم اوووف شكد مشتاقلج
؛ واني هم  شعجب اجيت مو گلت عندك شغل
باقر بتساؤل؛ وشغلي اهم منج؟
التفتت عمتي النا
ام باقر؛ ياا يمه هذا باقر هنا يمتى اجيت ولا حسينا بيك
؛ هسه اجيت ماصار هواي
كنت هنا بالصدفه شفتكم
تقربلي ويهمس والله كذب مشتاقلج واجيت اشوفج
يلا نروح نختار حلقات
ام أنور؛ اي احنا كملنا بعد منا ناخذ الحلقات والذهب ونطلع للبيت تأخرنا
لزم ايدي باقر ودخلنا لمحل ذهب العرفته صاحب المحل صديقه سلم عليه ونزل هوايه موديلات اختارينا موديل وطلب من الصائغ يحفر اسمائنا بداخلهم شعور كولش حلو   واني اشوف شخص يحبني ويتمنى رضاي بكل شي اخذ اساور وگلاده ومحابس وماعاف شي بالمحل مااشترا منه  جهزنا الذهب وطلعنا لللبيت
أخذنا باقر بسيارته   عمتي بالصدر واني وامي لورا كاعدين عدل المرايه على جهتي وابتسم وگال
هاي الج نوارتي بعد أذن خالتي وامي..
شغل اغنيه  أغلى من روحي لعبد المجيد..
يردد وياه   واني خجلانه وبنفس الوقت حيل فرحانه اباوع على عمتي وامي بس يضحكون
ام باقر؛ اي يمه لايگلك العشك  عسى الله يديمه عليك
ام أنور؛ الله يديم فرحك وليدي الله يوفقكم أن شاء الله
وصلنا واني طايره بالاغراض والجو حيل فرحانه يوم الخميس رحت للصالون سويت تنظيف بشره للوجه ولجسمي رتبت أطراف شعري واتفقنا على باجر حجزت يمها وسويت تاتو برقبتي تحت اذني  بحرف B ونجمه وياه كان يصير تحت شعري ناعم وشكله حلو
اني بشرتي لونها ابيض حيل فواضح صار وكُلش حلو من رجعنا عزمت كم صديقه عندي للحفله
شرطت تكون فتره خطوبه اقل شي شهرين وباقر وافق باجر المشيه وكل شي مجهزته رتبت ااكوشه بايدي وساعدني بيها انور ورائد وإبراهيم لون الورد اخذته بتدرجات لون فستاني وكان اللون الأبيض  طاغي بكل شي لوني المفضل جهزت التوزيعات وانور جاب الكيك من الليل وكل شي تمام بس متوتره خايفه روحي تلوب احس كل الفرح والراحه الداير مدايري بس اكو. نقص اكو غصه بداخلي
يمكن لمريم؟ يمكن لإمي؟ يمكن لرضا الهسه وين؟ عايش ميت ومريم وين؟ انقطعت اخبارها لحد اخر مره سمعت بيها بابا توفى بانفجار وهسه وين راحت تزوجت؟ تشردت؟ لو عاشت وي مرت ابوي الماتخاف الله؟ وشسوت بيها صارت خدامه الها ؟ مريم فقيره ممكن تنضرب وتسكت ممكن ينوكل حقها وتسكت كانت قبل كل مره ننكتل بيها بالصوندا تاخذ الحصه الأكبر هي لان تحاول تغطينا بايديها تنام فوگنا لحد ماتتعب مرت ابوي وتبتعد.. ليالي سهرت من الالم وليالي طويله سهرت وهي ماخذه دور الام النا الطفله المايتجوز عمرها ١٤ سنه صارت خيمتنا لان ابونا مابيه حظ حتى يصير النا خيمه، ياترى ابوي  ابريه الذمه.. حتى لو مات بس حرمنا من كل شي حرمنا من جمعتنا وضحكتنا سوا اطفاله باعنا بأرخص ثمن حتى يعيش مرته ويدللها اكثر حتى تروح صالونات وتاكل اكل احسن واحنا نام بلا عشا عادي منو اليسأل منو اليفكر بينه ومنو اصلا المعتبرنه عايشين؟ ليش احنا كنا عايشين؟
افكار تروح وترجع كل ليله لحد مااتعب وانام
انتبهت على صوت التلفون اجت اشعارات على الواتس
باقر؛ وليدي  گاعد؟
دزيتله؛ بلي موجوده
باقر:اگدر اتصل؟
نوره؛ اي عادي
اتصل؛ فتحت خط واني اسمعة يگول نوارتي
؛نوره؛ هاحبي
باقر؛ قريب يمكم اگدر اشوفج گلبي مشتاقلج
نوره؛ وين الوقت تأخر حيل.
؛ يعني شلون.؟
بس الليله اصبر وباجر تشوفني
بنفس طويل ؛ اييي باجر باجر تصيرين حلالي باجر يتحقق حلمي. وتصيرين مرتي باجر يتسجل اسمج بأسمي ومحد يمنعني منج ومحد يگدر يعترض اخذج واشرد بيج باجر.
؛ ههههه وين تشرد ايي مو حددنا فتره وشرطت من البدايه رايده اقل شي شهرين
؛ واني قشمرتج وباجر اعقد واخذج واطفر
نوره؛ بطلت هسه اروح اگُل لبابا بطلت مااريد نعقد
بافر شبطلتي يمعوده شنو هو لعب! لا عزيزي لاوليدي ماتسوي هيج ادري بيك انت حباب
نوره؛ ههههه شبيك خفت عود صدگ متوقع ابطل.؟
باقر؛ والله انتن النسوان ماتنحزرن هرموناتجن صاعده نازله هسه تروحين لخالي تگليله بطلت بعد اكو واحد يفتح حلگه هواني بالف ياعلي يلا اقتنعوا ينطوج الي وهسه اتبطلين لا هاي هيه نگعد ونسكت
  نوره؛ هههه وانت من  وين تعرف النسوان كلها؟
باقر؛ افتحيلي الباب واني اگلج منين عرفتهن
نوره؛ صدگ تحجي يعني انت هنا جوا؟
؛ اي والله ببابكم
لا باقر حباب روح والله استحي من اخواني وبابا كلهم هنا عيب عود باجر ونلتقي هسه الوقت تأخر
باقو؛ تمام گلبي رايح محتاجه شي؟
نوره؛ تسلملي حبيبي محضرتلك مفاجأه باجر
باقر؛ يروحلج فدوه حبيبج  شنو هي؟
نور؛ يا لعد ليش اسمها مفاجأه اذا اگلك بيها؟
باقر؛ ولاتغشوشه شويه؟
نوره ولا شويه ابد باجر تجي وتشوفها
باقر؛ شيجيب باجر؟
نوره بنعاس؛ يلا تصبح على خير
باقر؛ اصبح بوجههج واكون بالف بخير
غلقته منه وغفيت للصبح فزيت على صوت الهلاهل مااحس الا باب غرفتي داهموا وصوت عمتي تهلهل  گعدتني؛ يلا عروستنا بعدج نايمه؟ راح تجي المشيه ياا
گمت باوستها وغسلت وجهي ولفيت شعري ونزلت وياه
بابا گاعد على الميز وامي تحضر بريوكنا وگفت وياهم وعمتي جايبه كيك وعصاير
ابو أنور ؛ اني مو گلتلج لاتشترين شي الولد جهزوا كل شي؟
ام باقر؛ ادري بيك ماتقصر بعد عيوني انت يلا اني اروح هم يالله الحگ قبل لايجون اصدقاءه  وگعد الولد خل يلحگوني لايعوفون  اخوهم بوحده اليوم عمت عيني 
انور؛وهو ينزل على الدرج؛ لا عمه شلون نعوفه هاي اني جاي وياج 
لحظات ونزلوا ورائد وابراهيم كاشخين  طلعوا وي عمتي لبيتها  واني گعدت اتريگ وي بابا وامي
ابوانور؛ ها بنيتي محتاجه شي ناقصج شي؟
نوره؛ تسلم عزيزي كل شي كامل
ابو انور؛ الله يجعلها زواجه الدهر يابابا ويصلح حالكم ويجعلكم سر وسرور لبعض
ام انور؛ امين يارب   كملي جهزي نفسج حتى نروح للصالون لانتأخر
نوره؛ بس تجي روان حتى تروح وياي.
ام انور؛ تجي هسه؟
نوره اي گلتله تجي على وقت هسه ارجع اراسلها اشوف وين صارت
صعدت لغرفتي حضرت الجنطه الاخذها وياي للصالون وراسلت روان ماعدها نت عفت التلفون ودخلت للحمام
كملت وطلعت لگيتها بغرفتي ورائد واگف يمها....
نوره؛ اهلا بعصافيرنا هلو بام الرور
سلمت عليها وحضنتها وهي تگرص بزندي
حجيت واني افرك بمكان الگرصه؛ حيييه يشهد الله
باوعت لرائد؛ اي دكتورنا اشوفك هنا مو رحت لبيت عمتي شرجعك
باوعلي وهو خازرني؛ مو ابوي خابرني حتى اخذج للصالون يعدلون جهرتج بلكي الله ويقتنع بيج باقر  ونخلص منج نورطه ونفتك  منج
نوره؛ مقتنع بيه لاتخاف  بس شوف انت بعد شيقنعهم بيك يرادلك خزان خلطه لوجهك بلكي  تعدله
رائد؛ تولين عني لو ازوركلج عينج؟ واخذج للمستشفى بدل الصالون؟ شرط لصاله العمليات مباشر
؛نوره؛ تگدر مدها اله اخلي خطيبي ال.. باقر يعلگك من رجليك بالسجن
رائد؛ هاي منو الگامت تتحاما بخطيبها افااا واللله وين ذيج الاضافر الشوهت وجهي وين ايام العرك والسنون التكسرت بايدي؟
صعدت امي وهي تحجي؛ والله عرفتكم گلت هسه يخلصونها عرك ومداهر ولل١٢ مايطلعون ولكم عيب عليكم مو كبرتوا استحوا
انتم يالدكاترا مو البنيه واگفه هسه جان استحيتوا منها
التفتت لروان وتگلها امسحيها بوجهي يوم هذوله لاحيا ولاضمير عدهم موگفينج ويتناگرون
روان  بس تضحك ؛ لاخاله عادي اتعودت هما من زمان هيج بس والله راح يفتقدون هالايام بعدين ويتحسرون عليهن
رائد؛ ايييع اني اتحسر على هاي ام شعفه؟
نوره؛ تروحلي فدوه والله الي ولكفشتي
انزل يلا خل ابدل واجي عود وصلني للصالون ومن اطلع هم ارجعلي
ا رائد؛ ي مو مشغليني سايق عد الخلفج
نوره؛ اي سايق ليش ماعاجبك
هو اجا عليه وامي زمخت بينه عافني وطلع واني بدلت ونزلت وراهم