صلوا على سيدنا محمد عليه افضل الصلاه والسلام
...............
البارت الثاني
ليان:لالا حي عليا كنك انت
وسيم:شن الي كنك ليان بدال ما تفرحي
ليان:خويا وولد عمي معايا تبيهم يقتلوني
وسيم:مش حيعرفوا اصلا كنك انتي
ليان:لا ح يعرفوا وراسك المدرسه كلها تبثها مش عارف شن ماسك عليهم
وسيم:لالا مش حيعرف تفاوليش انتي بس وبعدين شن في احلى من هكي كل يوم نصبح على وجك السمح
ليان:انا حاسه ح دخلنا في مشاكل والله
وسيم:لا متحسيش
سكرت عليه ورنت على ايتاء على طول
ليان:حي عليا ايتاء الحقي
ايتاء:شن درتي ووه
ليان:وسيم بيجي للمدرسه
ايتاء:طح سعد العار وخوك ي هبله
ليان: مش انا الي قتله تعال بيجي بروحه وفهمته وقتله خويا وكذا وهذا مبش يعدل
ايتاء:يستر الله انشاء الله تعدي السنه هذي على خير
ليان:بنموت وين هزار باهي وكانه هرجه عندكم
ايتاء:هزار رايحه وين نندري عليها وهرجه عاد يحنه يوتوا ولد عمي الايطالي الي حكيتلك عليه عرفتيه بيوصل اليوم ولا بكرا مش عارفه لمهم يوتوله هما
ليان:الله اكيد اغاني وحفله ووكال اعزميني
ايتاء:تي انتي تجي بلا عزيمه عارفتك ما تفكري الا في الوكال مفجوعه
ليان:سكري فمك عساس انتي الي نتعلموا منك في الرقي
ايتاء:اسكتي النبي نبي ندور هزار نحكيلها على فضيحتك باي
ليان:باهي باي
..........................
في فيلة عيلة ايتاء وهزار الدنيا حايسه تجهيزات يشروا ويحطوا ويوتوا لولد عمهم الي يبي يجي من ايطاليا
طبعا ايتاء وهزار عيلتهم مكونه من جدهم وجدتهم طبعا عايشين عائشه و منعم
وبعدين عندهم ثلاث عيال عمر بات البنات وعبد الله الي ولده يبي يجي من ايطاليا وحسام الصغير خاطب وغرسه قريب وعمر متجوز غاده وعندهم بنتين فقط
وعبد الله اتجوز ايطاليا وجاب منها غيث وعاش معاها سنتين في ايطاليا بعدين اطلقوا وهو رد بولده لليبيا وهي عاد قعدت في ايطاليا..
بعد قعد عمر غيث 11 سنه اتزوج عبد الله ب هدى و طليقته ام غيث طالبت ب ولدها ف دزه لها في ايطاليا وتوا بعد 14 سنه غيث يبي يرد لباته بعد كمل قرايته و امه تزوجت حتى هي
وجاب من هدى صهيب ثالثه اعدادي و منعم سادسه ابتدائي وهدى حامل ببنيه غيرهم..
وعندهم عمتين نعيمه وصالحه
هنا الاثنين متزوجات وعندهم عويل
صالحه عندها منصف يقرا هندسه اخر سنه و منار اوله اعداد طب وتولين صغيره ثالثه ابتدائي
ونعيمه عندها خالد ويوسف وقيس وملاك
خالد متخرج it يوسف يقرا ثانيه اداره اعمال وقيس ثالثه ثانوي وملاك اولى ثانوي
........................
ايتاء : وين مختفيه انتي تعالي هنا
هزار:عمتك البارده لقتني مقعمزه استلمتني
ايتاء:المهم توا اسمعيني
هزار:شن في وانتي ما يجي من فمك خير
ايتاء:مش انا ليان
هزار:لا تأكدت فالطه
ايتاء:وسيم بيجي للمدرسه
هزار :تبصري عليك عار
ايتاء:تخايلي انا نراهن زيد حيعرف من اول يوم
هزار:لا مش لدرجه هذي بس هو ح يعرف ح يعرف
ايتاء:المهم كان عرف من اول يوم ح تعطيني ميه
هزار:حنقول باهي لانه مش ح يعرف وانتي الي ح تعطيني ميه
ملاك:ماما تبيكن وانتن متعرفنش شي غير تحريك فمكن
هزار:☺️
ايتاء:اصبري مش اليوم هزار
YOU ARE READING
شعـور | Feeling
Romance- نحن نحب بصدق مرة واحدة فقط ، ثم نمضي باحثين عن شعور مشابه. ____________________ زيد:انتي الي اخترتي هزار:زيد.. حكت والدموع في عيونها ..انا مكانش قصدي زيد:كان ولا ما كان كل شي كان واضح من البدايه انا فكرت غلط او يعني انا حسيت غلط... ____________...
