بخطواتي تعثرت

Part 1

أنه اشوفَك
شمس كُل غبشة
وگمر كُل مَغربية
ونَسمة جايبهَا الربيع
ودرُب مَا خلاني اضيع
~~~~~~~~~~~~~~~~~~
في الساعه السابعه صباحا كنت نائمه بعمق
وانا احلم بحلامي المخيفه حسيت على امي وهي تكعدني بهمس ماما حبيبي كومي كاافي نووم مضل شي للدوام كومي
نجود  : اوو ماما حبابه بس شوي
أم نجود :كوومي ماما حبيبي انتي بطيئه لحد ما تبدلين وتمشطين وتتريكين رايح الوقت كوومي ياعيني
نجود : كعدت مطيت روحي وبستها وكمت عدلت افراشي واخذت الفرشاة والمعجون والمنشفه ورحت فرشت وغسلت لكيت امي محضره الريوك تريكت ورحت لغرفتي بدلت
لبست الزي المدرسي ومشطت ورحت لكيت بابا واخواني بالباب ينتظروني صعدت بسياره ورحنه وصلنه للمدرسه انطاني مصرف ونزلت وهو واخوتي راحو للمدرسه بابا مدرس رياضيات
واخواني عبدالله و صالح واحمد يداومون وياه واختي اسماء متخرجه وتدرس بمعهد
وامي مدرسه بس عافت الوظيفه عالمود البيت وعالمودنه
طلعت من صفنتي واني ادخل للصف لكيت البنات كاعدات ويحجن كعدت برحلتي اجت ايلاف كعدت يمي
إيلاف : باعي اول درس امتحان واني كلشي مااعرف شلون راح احل البارحه كلشي ماقربت من وره خطبة اختي
نجود : وانتي شعليج بالخطبه جان كعدتي قريتي باليل ساعتين كافيه
إيلاف : والله مالحكت عليج الله عود لضمين الورقه
نجود :لا عفيه اني هواي تعبت لما قريت وحفظت تريدين المس تصفرني
إيلاف :  امداج شكد بخيله
نجود : عافتني وراحت هاي هيه هيج دائماً متحضر وتعالي نجود غششي خليت جنطتي بالرحله وطلعت كتابي اقرا شوكت اخلص من السادس مو دمرني
دخلت المدرسه امتحنه وطلعت اني اقل درجه عندي هيه ٩٠
ابد ماانزل ال٩٠ حلمي طب عام
خلص الدوام وطلعت وكفت يم باب المدرسه انتظر بابا يجي شوي وشفت سيارته رحت صعدت
نجود : السلام عليكم
الكل :وعليكم السلام
نجود :  طلعت كتابي وكمت اقرا ابد مااخلي فرصه تروح عني بكل مكان وقت كتابي وياي
ابو نجود :بابا عوفي الكتاب خلنوصل وتغدي وبعدها اقري
نجود:سديت الكتاب وباوعت بابا اني اريد اطلع طب عام وهذا الشي ميجي بالهين لازم هاي السنه اتعب عليك الله بابا انت هم ادعيلي
ابو نجود::,اذا طلعتي طب عام الج مني سياره خاصه الج
نجود ::تقربت عليه وهو يسوق وبسته من راسه ربي يخليك الي يااحلا علي
ابو نجود::ها ولج صار علي
نجود؛:, ههههه موزين ادلعك
عبد الله:: بابا واني اذا طلعت معدل زين بالثالث شنو اجيبلي
ابو نجود:: تليفون الي كلبك ايريده
صالح::واني
وأحمد:: واني
ابو نجود:: بس انجحو وجيبو معدل زين الي تريدونه يصير بعد
نجود::بابا جان احن اب وحتى اسماء من تخرجت جابلها سياره وماعنده فرق بين بنت او ولد
عمامي كلهم هيج بس خوالي لا جانو كلشي عدهم عيب وين اكو بنت تطلع وحدها وين اكو بنت عدها سياره وين اكو بنت ملابسه حجاب هيج كلشي جان عدهم عيب
ع حجي بابا طلعت من صفنتي
ابو نجود:: يله بابا وين صافنه وصلنه
نجود:: باوعت ماكو بس بابا والولد نازلين
نزلت وحجيت السادس راح يخبلني
ابو نجود::هانت ماضل شي وتخلصين هنه كلهن شهرين وتجي الامتحانات
نجود:: وشيخلصهن
دخلته لكينه امي محضره الغده كلمن راح لغرفته يبدل طلعنه غسلنه وصلينه ورحنه نتغدا كملنه امي نطتني صحن جوز وفواكهه وزبيب وعصير أخذتهم ورحت طلعت كتبي وملازمي وكمت اقرأ صار المغرب واني ع جره وحده كمت احس صاير بيه توحد اخذت التليفون وخابرت إيلاف
نجود ': ها حبيبي شلونج
إيلاف : والله مزاعلتج
نجود : اخخخ يمه ضهري ليش ولج
إيلاف : كتلج ساعديني ماقاريه حقيره عبالج راح يخلولي من درجتج
نجود:: خمسين مره كايلتلج اعفيني من هاي الشغله تدرين اني استوني وخرت من الكتاب وكلت خلي اخابرها اكيد انتي بعدج مفاتحه ولاكتاب
إيلاف:: لا قريت
نجود:: يله أخذي راحتج اروح اشوف امي
إيلاف:: الله معاج
نجود : فصلت الخط اخذت تراك  ونزلت
دخلت للحمام سبحت وطلعت اخذت المشط ورحت ع امي مشطتلي وسوتلي كصيبتين شعري هوواي طويل وامي مهتمه بيه اكثر مني
باوعت ع روحي حجيت بقهر ماما مسويتلي مثل فتون والله زاعلتج
دخلت اسماء
اسماء : اصلا لايكلج
أم نجود : هههههه لا والله ماقصدي بس حتى ميتعبج بالتمشيط بأجر
نجود : كمت رحت للمطبخ فتحت باب الثلاجه وصحت عيني علياء اليوم شنو ماكو عشا
أم نجود:: لا ابوج كال اجيب من برا
نجود :: طلعت التليفون وخابرت بابا
علي:: ها جوجو شمحتاجه
نجود:: سمعت كالو راح اجيب عشا
علي : اي
نجود :  اريد بيتزا واريد شاورما وعصير خوخ
علي : صار  وبعد
نجود : وحبشكلاتي تعرف اني اضل سهرانه اقرأ واجوع باليل ينطيك كلبك تخلي جوجو جوعانه
علي : لا بابا ادللي هسه كلشي اجيبلج
نجود : فدوه رحت اني لعلاوي
سديت التليفون ورحت كعدت يم امي واسماء الواد كلمن بغرفته واني كلساع افتح الشباك واباوع لحد ما صاحت امي بيه
علياء ::شبيج يمه موحتى الماماكل موهيج
نجود:: ها مو وصيته ع شغلات
علياء:: وشغلاتج الج خما راح ناخذهن
نجود:: لا بس جوعانه وراي دراسه
علياء:: اكعدي واسكتي لوتروحين للمطبخ اكليلج لفه لما يجي ابوج
نجود ::. كمت رحت اخذت موزه اكلتها ورحت لغرفتي طلعت كتبي وكمت اقرا لحد ماسمعت صوت سيارة ابوي طلعت اركض رحت للباب فتحته نزل رحت حضنته حيل
علي:: هههه هاي كلها ع مود كرشج
نجود ؛؛:. فتحت عيوني حيل وحجيت ها بابا صدك تحجي يعني اني مو يوميه استقبلك واخضنك
علي:: انتي النفس روحي نزلي الاغراض وتعالي بس مو  كلهن تنزلين مره وحده سويهن مرتين حتى متتعبين
نجود:: اخذت ايده بستها وهو اخذ راسي بايه ودخل نزلت الاغراض ودخلت لكيت ابوي وامي يحجون بيناتهم بس بعصبية من شافوني سكتو
نجود:: عيني علياء كومي عاد خلي نصب الاكل موحتى كلبي يوجعني من الجوع
علياء:: ماما حبيبي خليسبح ابوج ونصب
نجود:: راح اروح اخذ عشاي وانتو اكل ع كيفكم
علي:: لما اسبح انت كمل الاكل واني مااتأخر
نجود:: راح بابا يسبح وامي اجت وياي هيه واسماء طلعو الكباب والبيتزا والعصائر والشاورما جايب ع العدد رتبنه الطاوله رحت صحت للولد غسلو واجه بابا كعدت.
تعشينه وكملنه امي واسماء لمن السفره اني اخذت حبشكلاتي ورحت اقرا صارت ب٣واني اقرا نمت ع الكتاب من التعب كعدت ع صوت امي كمت مكسره تكسر عايفه فراشي ونايمه ع الكتاب كمت بدلت وطلعت اكلت شوي ورحت صعدت للسياره كالعاده اقرا وصلني بابا نطاني مصرف وراح
دخلت للمدرسه لكيت ايلاف تبجي والبنات يمها يصبرن بيها
رحت تقربت عليها سلمت ع البنات واخذتها رحنه للصف
نجود:: شكو شبيج
إيلاف:: راح انشيل من المنطقه ولازم انقل منا وبعد مااشوفكم
نجود:: ليش ليش
إيلاف:: اخوي بالسجن مااعرف بشنو متهم وألناس ميقبلون يتنازلون اله انشيل منا
نجود ':: لتبجين يعمري يجوز الله ضاملج شي احسن من هنا
إيلاف:: وشلون راح بعد اشوفج
نجود:: نتخابر واكيد نلتقي حتى لورحتي لااخر الدنيا هم نتلاكه امسححي ادموعج وكومي مافي بجي هو هذا اخر يوم خلي نخلصه بفرح
دخلنه للصف امتحنه وطلعنه نتشاقه ونضحك جان يوم متعب ماتوقعت راح فد يوم اعوف إيلاف جانت هي اختي وصديقتي المقربه من صف الاول لليوم هي وياي
خلص الدوام طلعت لكيت بابا ماكو انتظر وانتظر وماكو صارت ب ٢وبابا ماكو بس الحارس يمي رجال جبير يروح ويرجع يكعد يمي لحد ما صار ب٣ومحد اكو خفت حيل معقوله بابا نساني دموعي يجرن وامسح بيهن تقرب الحارس
الحارس:: كومي عمو اني اوصلج
نجود:: هزيت راسي ونكثت ملابسي وكمت وكف سياره وصلني للبيت لكيت الناس ملتمه يمنه وعياط وصياح اريد ادخل مااكدر لحد ماشفت عمامي كلهم واكفين وصافنين
تقربت سلمت عليهم واني مبتسمه اخاف اي اخاف خاف صار شي ابد مافد يوم بابا تأخر عليه اباوع سيارة بابا ماكو وعمامي كلهم هنا
دخلت لكيت امي اشلع بشعرها هي واسماء
ونسوان عمامي يبجن ووعماتي
تقربت ع امي وصرخت شكووووو ليش محد اجه اخذني صار ساعات واكفه باب المدرسه
حضنتني امي وخرتها شكو تبجين لخاطر الله
علياء:: ابوج بسجن ضارب طالب والطالب متوفي وهسه ابوج بالسجن
نجود :: بابا بحياته كلها مضارب أحد شلون يضرب طالب
اسماء:: كومي بدلي ماكو شي هسه راح يجيبونه عمي سلام كال هساع اروح اشوف أهل الطالب شيردون واطلعه
نجود:: رحت الغرفه بدلت وطلعت اجو اخوتي يبجون
حجه
عبدالله:: اني شفته من ضربه والله ضربه ع كيفه لأن ممحضر وضربه ع راسه شو هذا كبل وكع ومن اجو المدرسين لكوو ميت
نجود:: جريت عبدالله وحضنته صار الليل والصبح وماكو خبر عمامي يرحون ويرجعون ماكو اي خبر ميخلوهم يشوفونه امي لبست العبايه واخذتنه وراحت للبيت مال الطالب
دخلت ع النسوان وكامت تلطم وتبجي
علياء:: اجيتكم اني وجهالي اخذوني واخذو جهالي بس اتركوو والله هو مايضرب احد بس
حجت ام الولد
تعالي شوفي حالي ولج راح وليدي وجايه تريدين نصفك لرجلج الظالم ابني جيبوو رجعوها الي والله مااخلي بعد يدرس بس رجعووو
تقربن النسوان وكعدن امي واني واسماء واكفات نبجي لحد مادخلت مره جبيره بيبيتهم ام ابو الولد ضربت العصا بالكاع وحجت
الحجيه:: أم مصطفى تريدين ابنج يرتاح بكبره وكلبج يرتاح لوتريدين الدم
حجت ام الولد
لا عمه اريد ابني يرتاح ماريد الدم
حجت الحجيه تروحين تتنازلين ابنج هو مريض لتخلين الدم تصير للرجاب كافي بسجن الولد مريض والتقارير كلها موجوده تخلين إلزلم تتنازل وكافي تونين
كامت ام الولد تملخ بشعرها وتضرب بروحها ابني صح مريض بس هم كتلووه هم اخذو روحه
جرتني اسماء واخذنه امي وطلعنه واحنه كل هموم الدنيا صارت فوك راسنه امي كالت روحن للبيت واني راح اروح لبيت جدجن
راحت امي واني واسماء رحنه للبيت اصلا احنه منطقه وحده واحد يعرف الثاني
وصلنه للبيت ملكينه غير اخواني يصارخون
ساعه وساعتين اله اجت امي
كعدت وحجت
علياء::متنازلين ع ابوجن بس لازم كفيل وراحو يتكفلونه
نجود:: وخلص كلشي بعد معليهم بابا
علياء ':لا اكيد العشاير هيه تحلها بينهم  اكيد ننطيهم مبلغ مالي ويسكتون
اسماء::: أنشأء الله خير
نجود :: اني هواي خايفه يمه مااعرف ليش كلبي يكلي راح اتصير مصيبه
علياء::كوومي ياعيني كومي صلي والله يحلها ابوج مو قاتل الولد هو مريض والتقارير تثبت هذا الشي ونعوضهم نشسوي بعد هو الله كاتب هذا الشي
نجود:: رحت توضيت وجبت السجاده وكعدت صليت لحد مانمت ع السجاده حلمت اني بنص قفص واصيح وبابا يباوعلي ويضحك واصيح بكل صوتي بابا عليك الله تعال لتروح عافني وراح واني حسيت وكعت بنص حفره ع الوكعه حسيت كعدت كلبي ينبض سريع وانفاسي ما متناضمه كمت رحت للمطبخ شربت مي وسميت برحمن ورجعت كعدت بصاله انتظر حتى لو خبر ماكو احد بالبيت كمت بدلت وطلعت اريد اروح لبيت عمي تعبت من التفكير ومااعرف اهلي وين رايحين
طلعت وصلت لبيت عمي سلمت ع بيبي وكعدت حجيت بيبي وينهم لعد
الجده:: راحو لبيت الشيخ وامج واسماء اخذهن عمج للسجن يشوفن ابوج مااعرف شرايد منهن
نجود:: واني ليش مااخذوني ويلهم
الجده:: والله بيبي ماادري هو حت اني مقبلو ياخذوني
نجود:: رحت خليت راسي بحضن بيبي ونمت كعدت ع صوت امي تبجي فزيت ها ماما حبيبي شبيج
فتحتلي ايديها رحت حضنتها وهي تبجي
علياء ': ابوج بأجر الصبح يطلع بس أهله يردون ١٠٠مليون
نجود:: اي ماما نبيع البيت والسيارات وكلشي نبيع ونطلع بابا
هزت راسها ومددت اني هم رحت بحضنها ونمت
الصبح صار جابو بابا
ضهره منحني وشعره عباره عن شعر ابيض ومكسور حيل
تقربت عليه سلمت عليه بس هواي مبين تعبان راح للحمام سبح وبدل حضرو الفلوس والعصر الكعده تغدو وراحو إلزلم لليل ومحد اجه صارت ب١٠باليل واحنه الكل يبجي ويدعي يمر الأمر ع خير اجو ب١١ حيل تعبانين ومرجعين الفلوس وياهم الشيخ وأبو الولد ماقابل ياخذ الفلوس ومنطيهم مهله ٣اشهر ويشيل منا وره ال٣اشهر من يشوفون واحد من اخواي اوبابا مهدور دمه وهاي ال٣اشهر ع مود الطلاب وحتى بابا يدور بيت النه
مرت الايام والأشهر واليوم اخر يووم الامتحانات امتحنت وطلعت حياتهم رجعت مثل ماهي بس بابا وقفو عن العمل وراح دور بيت بالنجف يم خوالي حتى نسكن هناك وفعلاً لكه بيت واثثه كامل وهذا البيت باعه لعمامي
خلصنه الامتحانات  وكلشي يتعلق بها بيت وذكرياته راحت لمينه ملابسه وغراضنه المهمه واجرنه سياره جبيره ومشينه للنجف
اسماء واخواني بسيارتها
وابن عمي يسوق واني وماما وبابا بسيارة بابا وأبو الغراض ورانه
وصلنه لبيتنه الجديد الي مابيه اي روح ولا ذكريات الطفوله كلها راحت دخلت دموعي تصب جان كلش حلو وطابقين وكلمن غرفتة الخاصه بس بغداد وروح بغداد كلهن راحن دخلت لغرفتي بابا جان مصممها مثل غرفتي القديمه وكل البيت جان اثاثه مثل اثاث بيتنه
رحت للسرير نمت بعمق هواي تعبت بهل شهرين احس جبل ع صدري كعدت العصر رحت لكيت امي هي واخالتي كاعدات بصاله سلمت ع خالتي
وحجت امي غداج بالمطبخ
رحت حميته واكلت ورحت يمهم
خالتي اسن:: ماشاء الله تبارك الله صايره مره
علياء:: السادس هواي تعبها الحمدلله خلصت منه بلكت اطلع معدل زين تريد تروح طب عام
اسن:: انشاء الله تحققين كل احلامج
نجود:: أنشاءالله
كمت طلعت بالحديقة جانت كلش حلوه ومرتبه لكيت أسماء كاعده تحجي بالتليفون وتبجي
تقربت عليها حجيت شبيج
ارتبكت وسدت التليفون وحجت
اسماء:: مابيه شي بس مشتاقه لصديقاتي
نجود:: ياحافظ مصار يوم واحد شوكت لحكتي تشتاقين
اسماء:: انتي شمعرفج وحده عقده
نجود:: اني عقده لزمتها من شعرها وتعاركنه طلعن خالتي وامي ع صياحنه وعياطنه
حجت خالتي
اسن:: خاله انتو مو بغداد وعيب الصوت العالي الجيران تاخذ نضره محلوه عليكم بعدكم اول يوم وصياحكم شال المنطقه
نجود:: كمت انكث ملابسي حجيت كلام الناس لايأخر ولايقدم ومن راقب الناس مات هما
عفتهم ودخلت اخذت تليفوني وكعدت بالكاع امل بجزرايه خابرت إيلاف
مجاوبت
ضوجه فد مرا رحت اركض ع امي
ماما ماما
علياء:: خير ياامي شبيج
نجود:: خلنطلع عليج الله خلنشوف النجف
علياء:: ماما هنا مومثل بغداد بكيفج اطبين وتطلعين هنا كلشي عيب
نجود:: اووو ماما لخاطر الله شبيج خما راح نروح مشي ناخذ سيارة اسماء ونروح وانتيهاي منطقتج يعني تعرفين كلشي وتندلين دكومي ياامي شبيج
كوه قنعتها لبست وطلعت
باوعتلي وحجت خلي شال ع راسج
نجود:: واني منيلي شال
جنت لابسه بنطلون اسود ولابسه قميص طويل
حجت
علياء ::يله امشي
نجود::صاحت اسماء
اسماء:: اني هم اروح
نجود:: شسوين رايحه اكعدي واسكتي
اسماء:: انتظروني
نجود:: بدلت واجت تركض صعدنا امي تسوق واسماء يمها واني ورا غير حسبالي مثل بغداد وعادي ولذا طلعنه بسياره
احنه حركته ومنحس اله خالي فاتح الباب وجار امي بنص الطريق كمنه نصيح نريد يعوفعا ماكو دخلته للبيت وراهم ونصيح نريد يهدها ماكو
نجود:: شبيك انت شبيك ابتعد عنها عووف ماما
اسماء:: خالو الله يخليك عوفها
حجه من بين أسنانه
علياء تريدين تفضحينه ولج ماخذه بناتج مفرعات ومزروكات ووتفترين بيهم بنص المنطقه نسيتي انتي وين انتي مو بغداد وعيب عليج اصحي
نجود::رحت اركض وخرت ايده من امي ودفعته وكع للكاع تقربت عليه وحجيت لاانت ولاعشره غيرك يحكمنه مدام بابا بالوجود
كام يصيح رحت اركض اخذت تليفوني وخابرت بابا
وره شويه اجه بابا وتعاركو هو وخالو وقررنه نشيل منا يوم واحد وخوالي شوفونه الضيم خابر بابا ع اصدقائه وقررنه نشيل منا ونروح للموصل
ضل اسبوعين لحد مابعنى البيت واشترينه هناك ورتبو الامور وكلشي تمام الساعة بسبعه الصبح اخذنه غراضنه وانطلقنه بابا بسيارته واسماء وامي بسياره اسماء
صارت ب٤اله وصلنه البيت لابأس بيه بس موجبير واني واسماء بغرفه والولد بغرفه
تعقدت اني لازم اخذ راحتي ماحب احد يشاركني بشي بس خطيه بابا حيل تعب بهل ايام سكتت مرت الايام واليوم النتائج النهائية واني اخاف اروح منا وارجع منا وبابا كاعد يباوع ع لابتوب وامي بصفه تفرك بديها اني اروح ما ارجع منا لحد ماامي خلت أيدها ع حلكها وبابا يباوعلي
حجه
علي:: ماتوقعتج هيج مع الاسف
امي دموعها نزلو وكالت
متوقعتج هيج ليش ماما ليش
نجود:: كعدت بالكاع وكمت ابجي واصيح والله جاوبت والله
التفتو اثنينهم عليه وكالوو معدلج ٩٢
كعدت بالكاع وخليت ايدي ع حلكي وبجيت معناها مراح انقبل طب عام تقربو امي وبابا وحضنوني
حجه ابوي
علي::بابا لتنقهرين روحي طب اسنان روحي صيدليه أو هندسه
وهديتج سياره مثل مامتفقين
نجود,,::ارجع اعيد السنه
علي::براحتج عيدي السنه بس ليش تفوتين سنه كامله
نجود:: حلمي طب عام وحلمكم هم
علي::لا حلمنه انتي تكونين مرتاحه وحابه دراستج
نجود:: اروح صيدليه لعد
علي::اي روحي وهديتج سياره
نجود:: هديتي هي وجودكم بحياتي
علي::, راح اروح اجيب كيك وعشا من برا لو نروح نغير جو برا ونتعشا شدكولون
نجود:: نطلع نطلع والله مختنكين
علياء:: اي والله نطلع نشوف الموصل
علي:: يله كومو بدلو
نجود ::جان الجو يجنن لبست نفنوف قصير ابيض ومشجر وحذاء فلات وفليت شعري واخذت فوني ورشيت عطر وطلعت صعدنه بسياره ورحمه للمول افترينه واشترينه كومه ملابس لحد ما جعنه رحنه للمطعم
طلبته اكل
كمنه ناكل خلصنه شالو الاكل وجابو الكيك والشموع اني مخليه ايدي ع حلكي واكفه صار واحد كبالي واكف مخلي ايده بجيبه وايده الثانيه شايل بيها جكاره ويباوعلي
قصصت الكيك وامي وبابا واخوتي يصفكون ويضحكون شلت بشوكه اكلت شوي وكع ع ملابسي
نجود::بااعي ماما تدمرت
أم نجود::روحي غسلي كبل لا يطكع
نجود::باوعت ع اسماء حجيت ترحين وياي
اسماء::لا مراح اضيعين هو هذاك الحمام
نجود::كمت رحت دخلت غسلت وطلعت صار بوجهي واحد شايفته بس مااعرف وين عكدت حاجبي وحجيت من رخصتك شوي...

يتبع....

هلا بنات شلونكم شخباركم
اول قصه الي...
وها البارت طويل..