احببت مجهول
Part 12
في فيلا في احد الاماكن الراقيه
هاجر بتجري علي ابوها وتحضنه : بااابي
عزت وبادلها الحضن: حبيبه بابا انتي كنتي فين كدا
هاجر : كنت عند ملاك ..عزمتني علي الغدا
عزت: لحد دلوقت معرفش مين ملاك الي كل شويه تكلميني عنها دي
هاجر: دي صحبتي وبحبها اوي يا بابا
عزت: خلاص اعزميها ف مره هنا واقعدو مع بعض
هاجر : اخوها مش بيحبهل تروح لحد يا بابا بيخاف عليها اوي ..هو الي مربيها لان ابوه وامه الاتنين ماتو في حادثه من زمان وبيخال عليها من الهوا
عزت : امممم ...مش غلط تفكيره برافو عليه شاب مسئول
هاجر فرحت عشان ابوها قال كدا عن هشام وقالت بلهفه : اه والله يا بابا دا شاب كويس جدا ومحترم وبيخاف ربنا
عزت وبصلها بشك: عمتا مفيش مشاكل ممكن تعزميهم الاتنين مع بعض عندنا حابب اتعرف عليهم وكدا اخوها مش هيرفض
"""""""""""""""""""""
في اوضه شكلها غريب ومقفله
حليم علي التيليفون: اي يا عبده اخوك وصل لايه
عبده: هو لحق يا باشا ..دا لسه رايح من مفيش
حليم: ايوا يعني هنفضل علي الوضع دا لحد امتي انا عاوز اخلص
عبده: متقلقش يا باشا مالك هيخلصلنا كل حاجه ..هو بس محتاج حبه وقت احمد مش سهل واظن حضرتك اكتر واحد عارف
حليم: متجبليش سيره الواد دا باخنق اما بسمع اسمو
عبده: بكرا متسمعش اسمو ولا يبقا علي الوجود اصلا بس الصبر يا باشا
""""""""""""""""""""""""""
في قصر احمد
احمد: سكتو كلكم كدا لي ...اي يا عمي حضرتك مش موافق
وحيد : انا مبقتش فاهم حاجه خااالص
احمد: شوف يا عمي انا عارف ان الوضع مقلق بس صدقني انا هحافظ عليها واخد بالي منها كويس
مازن: وهو طبيعي ادي اختي كدا لواحد واحنا مش فاهمين اي حاجه
احمد: بص يا مازن انا مقدر وضعك ..بس اختك كدا كدا لازم تبقي معايا تبقي معايا انت اكيد هتبقي متطمن لما يكون بينا حاجه رسميه لكن كدا مش هينفع صح ولا انت شايف اي
وحيد : ايوا يا ابني بس جواز وبالطريقه دي انا بنتي مالها عشان اجوزها بالطريقه دي
احمد: تمام ...مفيش مشاكل تقدرو تاخدو لارا وانتو مروحين بس انا مش مسئول عن اي أذي هيحصلكم
مازن بعصبيه: اي هيحصلنا متقول في اي احنا هنفضل علي الحال دا كتير
احمد بصله شويه وهو ساكت وكمل بهدوء : انا قولت الي عندي انا مش هستفاد حاجه من جوازي او من اذيتي حتي للارا .....انت بعمل كدا عشان مصلحتكم مش اكتر
طه: احمد دي مش طريقه كلام يا ابني دا جواز ولازم تقدر موقفهم
احمد وقف : انت عارف كويس يا بابا اني لو عاوز واحده هاخدها بارادت الي قدامي او منغير ..واني مش عاوز لارا لاي غرض غير حمايتها هي وانتم كمان ...اني اقول السبب ف دا مش هيحصل لاني كدا هبقا ولا عملت حاجه ولا حمتكم ولا غيره وساعتها يبقا ملوش لزوم اتجوزها ...واثقين فيا تدوني بنتكم ف هي في عيني ..مش واثقين يبقا خلاص انا مش مسئول
طه: طيب يا وحيد ممكن اتكلم معاك لوحدنا في البلكونه
قام وحيد وطه للبلكونه
وحيد: يعقل الي ابنك بيقوله دا يا طه
طه. بتنهيده: خليني افهمك انا كنت محكتلكش بقيت قصتي مش كدا بس هكملهالك دلوقت يمكن تفهم لي لازم تثق في احمد
فلاش باك
بعد مده من سفر طه وهو لسه بيفكر في البنت المجهوله دي وقرر وهو في سن ١٨ سنه انو يرجع تاني ويدور عليها ويروح القصر
دخل طه القصر وبدا يدور في كل مكان كان قصر مهجور ومفيهوش حد خالص
طه لنفسه: معقول انا كنت فعلا بيتهيقلي ..طب بلاش الاكل الي كنت بجيبه كان بيروح فين لو انا بيتهقلي لا اكيد انا مش مجنون ...
قرر طه انو يمشي من جمب الشباك تاني الي كان بيمسك فيه ايد البنت وسمع صوت
.....: هو في حد هنا
طه وقف بصدمه كان صوت انثوي جميل جدا يسحر اي حد يسمعه مقالتش غير جمله بسيطه لكنه تاه.....وفجاءه لقي ايد بتتمد برا الشباك
طه مشي براحه وهو في توهانه ومسك ايديها
طه: انتي هنا ...ا ...انتي موجوده انا مش مجنون
.....: انت مين يعني اي انا هنا انت تعرفني
طه : انا الي كنت بجيلك واحنا صغيرين وكنت بجبلك اكل ومايه
البنت بفرحه: طه انت طه ...وطلعت ايدها التانيه ومسكته وبصوت في بحه ..متسبنيش يا طه متسبنيش تاني ارجوك
طه ومسك ايديها :اهدي مش هسيبك ابدا تاني .. بس.. بس انتي فين
البنت: انا في اوضه مخفيه تحت مش ظاهره مش هتعرف تشوفها
طه: اوصفيهالي ..انتي ف البدروم
البنت: انا تحت البدروم انا مش عايشه ف اوضه يا طه انا عايشه زي حفره كدا
طه بصدمه : ازاي ....طب يلا فهميني الطريق منين وانا هجيبك
البنت: بص انا تحت بلاطه من بلاط البدروم ...طبعا الناس الي هنا كانو بيخشولي من مكان سري بس انا مش عارفاه ...الي انا عارفاه اني تحت بلاطه بس مش فاكره كانت رقم كام انا هنا من وانا صغيره اوي
طه: خلاص اهدي انا هشيل كل البلاط وهوصلك
البنت تبتت علي ايده اكتر: طه ارجوك متسينيش ارجوك
طه: اهدي متخافيش انا بس هروح اجيب عمال يجو عشان يشيلو البلاط
عوده من فلاش باك
وحيده وطه سمعو صوت خبط من البلكونه الي فوقهم
وحيد: اي الصوت دا يا طه
طه : معرفش تعالي نقول لاحمد
رجعو الرسيبشن الي كان فيه احمد قاعد بشموخ وباصص علي الارض بسرحان ولارا الي كل شويه تبصله وتبص بعيد وتفكر في حالها ومازن وايان الي قاعدين بيبصو علي القصر ومش فاهمين اي حاجه وثناء الي فرحانه ان احمد هيكون عريس بنتها
طه: احمد ....سمعنا صوت خبط ف البلكونه فوق
احمد بص بهدوء : اه دا تلاقيه سيف ..لحظه هشوفه وهاجي ...وطلع وسابهم
طه باستغراب: مين سيف دا
لارا بهدوء : دا واحد كان تايه يا عمو وجه هنا استاذن احمد يقعد لحد ميقدر يرجع ولكن وقع عليه الدولاب وكسر رجله واضطر انو يقعد هنا تلت شهور
"""""''''''''''''''''''
في اوضه سيف
سيف: اسف والله الفاظه وقعت غصب
احمد وطي يلم الكسور: حصل خير
سيف: انت كويس مالك
احمد : لا ابدا مفيش ....ممكن تقعد هادي شويه بقا دا احسن عشان رجلك خليك ممدد ورافعها
سيف: انا اتخنقت من القاعده هنا وبعدين سمعت اصوات تحت وجالي فضول اعرف في اي
احمد: دول اهلي واهل مراتي جايين يزورونا
سيف بحماسه: طب كويس تجمع اهه حاكم انا مخنوق والقاعده ملل متاخدني معاك
احمد بحده: لا ...خليك قاعد وارتاح ...وسابه ونزلهم
سيف بوجوم وهو بيتريق علي احمد: لا خليك قاعد وارتاح ..نينينيني اي البني ادم الطوبه دا
"""""""""""""""""
تحت في الريسبشن
احمد: ها قررتو اي
وحيد: خلاص اي ابني موافق
طه بصله: بس انا لسه مكملتلكش
وحيد ببسمه: انا واثق فيك يا طه ...ورجع بص لاحمد ....انا عارف يا ابني انك مش واخد بنتي ك زوجه بس ارجوك علي الاقل احترمها
احمد ببسمه خفيفه: متقلقش يا عمي انا هاخد بالي منها
لارا ف الوقت دا عصبيتها مبقتش قادره تتحكم فيها وقامت وقالت بزعيق: هو في اي هو انا جاموسه دا يطلب ودول يفكرو وانا اي ..انا فين من دا ....بابا انت فاهم يعني اي اتجوز واحد مش واخدني زوجه يعني اول منخلص من الي احنا فيه هنطلق وابقا اسمي مطلقه ...هو بسهوله كدا اتجوز واحد معرفوش اصلا ومعرفش عنو حاجه .....بصو بقا انا زهقت من الي انا فيه دا انا هرجع بيتي وكليتي ولاصحابي وعيش زي ما كنت عايشه والي يحصل يحصل معنديش مانع اتئذي بس معيشش مع واحد بالطريقه دي ولا اتجوز كدا ...وسابتهم وراحت الجنينه
ثناء بصت للكل: حقكو عليا علي زعيقها دا هي عيله سامحوها ...انا هقوم اتكلم معاها
احمد: لو سمحتي يا طنط سيبيني اتكلم معاها انا هيكون افضل انا هطمنها
"""""""""""""""""""""""""""
في فيلا ملاك وهشام
هشام دخل الاوضه علي ملاك وهي بتزاكر
هشام وهو بيشرب من فنجان القهوه الي قدامها: الله اطعم قهوه بشربها
ملاك ببسمه: بالف هنا هتفضل تمدح فيا لحد متكبر عليك
هشام ببسمه : هاجر مشيت امتي
ملاك بصتله : هاجر مشيت علي طول يا هشام بعد ما انت مشيت ...هشام انا شاكه في حاجه
هشام قعد علي السرير قدامها وباستغراب: شاكه في اي
ملاك : هي ممكن هاجر تكون معجبه بيك
هشام بصلها بغموض : لي بتقولي كدا
ملاك: اصلها اول ما انت مشيت قالت هو هيفضل كدا لحد امتي وقالتها بنرفزه كدا وكانها مش واخده بالها اني قاعده .....واول ما بصتلها وسالتها ..لغبطت كدا في الكلام وقامت مشيت
هشام : بصي يا لوكا اكيد هي مكانش كلامها عليا ومتفكريش كتير لو كان في حاجه اكيد كانت هتحكيلك ..وقام باس راسها ..يلا انا رايح انام بقا تصبحي علي خير
ملاك: وانت من اهله يا حبيبي
راح هشام لاوضه واترمي ع السرسر وبص علي السقف وافتكر الماضي
فلاش باك
هاجر وهشام قاعدين قدام شجره وهو راقد علي رجلها
هشام وهو مغمض عنيه : امتي هخلص من الكليه دي واروح اطلبك علي طول
هاجر : انا لسه صغيره وبعدين لازم تهتم يا هشام بالوظيفه الي هتبقي فيها وتبقي حاجه عشان بابا يوافق
هشام اتعدل وبصلها : قصدك اي
هاجر بصتله: قصدي انت فاهمه يا هشام بصراحه عشام كدا طلبت منك متقولش لملاك ولا لاي حد عن علاقتنا ....قولي بقا هيقول اي لما يعرفو اني انا وانت بنحب بعض
هشام: اي ممكن يتقال يا هاجر وانا فيا اي يعني
هاجر : حبيبي انت بصراحه يعني لسه مش شغال كويس اه انت بتشتغل من صغرك عشان اختك ..بس انت بتشتغل في مطعم ...وبابا اصلا عندو سلسله مطاعم ف ممكن مثلا تروح تقول لبابا انك بتحبني ازاي بقا .. وبعدين يا هشام الشقه الي بباك سيبهالكم دي مش كبيره خالص وفي مكان عشوائي ..انت مش هتعرف تعيشني في نفس مستوايا
هشام: ولي ارتبطتي بيا من الاول طلامه كدا
هاجر: بصراحه كنت فاكره انك هتبقي حاجه بس شكلك مش ناوي يا هشام ..هشام انا شايفه اننا نبعد احسن
هشام: نبعد ! بالسهوله دي
هاجر : انا اسفه يا هشام بس لما شوفت ملاك وكدا حسيت اني مش عاوزه اعيش عيشتها دي ..انت عارف انا بصرف كام ف اليوم انا تالته ثانوي وممكن توصل ل ٥٠٠٠ في اليوم انت مرتبك كلو علي بعض كام اصلا
هشام قام وقف : تمام كويس انك ظهرتي علي حقيقتك والي بينا انتهي ...وصدقيني هندمك
ومشي وسابها
عوده من فلاش باك
هشام علي السرير وفي دمعه نزلت منو : انتي الي بعدتي رجعالي بعد مبقيت دكتور في الجامعه ومعايا عربيتي وشقتي ...خلاص انتهت يا هاجر
"""""""""""""""""""""
رايكم♥️
اميره داود
