مورفين

عيونك

مراد مسك يدين لامي اللي فتح عيونه بيبعد يدينه بس مراد كان ضغط عليه بقوة .. 

لامي : مراااد .

مراد بهدوء : اسمعك لا تصارخ .. شفيك ؟

لامي ويدينه ترجف بشكل واضح .. 

هو شفيه صح ؟

ليش جن جنونه الحين و اندفع كله لمراد ؟

وين ليالي دموعه و تعبه و خوفه وين اللي كان بيعيش

حياته و بيبعد عن درب العلاقات سواء حقيقية أو لا .. 

هو ليش سمح لنفسه يرجع رخيص بعد ما كان غالي على نفسه من جديد ..؟

مراد ضغط اكثر على يدين لامي : ما راح اجبرك تسوي اي شي ما تبيه .. 

لامي فز وهو يطالع في مراد اللي مو بس كان ضاغط على يدينه هو 

كان يمسح فيها برقة .. 

لامي : اعتبرها نزوة ل

مراد رفع يده و سكر فم لامي برقة بيده .. 

مراد : بننسى اللي صار خلاص لا تحط اي تبريرات باللي سويناه .. 

بعد يده عن فم لامي . .

لامي شاح بنظره عن مراد : آ.. آسف .. 

مراد وقف و ما تكلم و سكر باب السيارة .. 

تحرك لأتجاه مقعده بس اللي سواه قبل انه اخذ نفس عميق

رفع راسه و غمض عيونه يشتت كل الأفكار و الكلمات اللي كان مجمعها انه يقولها .. 

لامي حط يدينه الثنتين على وجهه و بدا يمسح بوجهه  و شعور الاختناق

هو الشعور الأقرب باللي قاعد يحس فيه الحين ويمشي في ساري جسمه .. 

هو أذنب الحين من جديد بحق نفسه .. 

للشخص نفسه اللي انتزع خوفه و رجعه لإنسان طبيعي بعد

ما كانت حياته كلها فوضوية و تخجل و تفشل .. 

هو سمح لنفسه أنه ينزل من قدر ذاته من جديد أنه يمشي

ورى اي شخص بس يقرب منه .. 

هو .. 

مو كذا .. 

كانت نفسه تحذره من انه ينجرف مع مراد اكثر ..