"စိတ်ကိုထိန်းပါ ကိုဘချစ်ရယ်၊ ဖြစ်နေကျပဲကို တော်..
ခြေလွန်လက်လွန်ဖြစ်ကုန်မှဖြင့် ခက်ရချည်ရဲ့""မင်းဘာမှ တရားချမနေနဲ့၊ဧည့်သည်တွေရှေ့ရှက်ဖို့ကောင်းတယ်၊ ဧည့်သည်တွေကို သေချာဧည့်ခံထား၊ဒီတစ်ခါတော့ ဒင်းတို့နှစ်ကောင်ကို မှတ်သားလောက်
အောင်ကို ဆုံးမပစ်ရမယ်"သူကြီးဦးဘချစ် လက်စွဲတော်နှစ်လုံးပြူးသေနတ်ကို ကိုင်
၍ ခြံဝိုင်းထဲမှ ဒေါသတကြီး ထွက်သွားတော့သည်။"သူကြီးကတော် ကျုပ်တို့လဲ ဆရာတော့်ဆီ သွားလိုက်ဦး
မယ် ၊ မြို့ကဧည့်သည်တွေက ညနေမှရောက်မလား မသိ
ဘူး""ဟုတ်ကဲ့ပါ ဆရာကြီး "
^^^^^^^
"သူကြီးလိုက်လာနေပြီ...ပြေးကြတော့ဟေ့...
သူကြီးလာနေပြီ..."ရွာလယ်လမ်းမအတိုင်း ပုဆိုးစလေးမ.ကာ.မ.ကာနှင့်
အော်၍ပြေးထွက်လာသည့် ငခွေးအသံကြောင့် ရွာထိပ်ညောင်ပင်ကြီးအောက် သစ်မြစ်တွေ
ကြား အတုံးအရုန်းလှဲ၍ အနားယူနေသည့် လူတစ်စု ငေါက်ခနဲ ထထိုင်လာကြတော့သည်။"သာမောင်ရေ..အဘလိုက်လာပြီတဲ့ဟ၊ဘယ်လိုလုပ်ကြ
တော့မတုန်း""အာ..အစ်ကိုကြီးကလဲ..ပြေးတော့လေဗျာ၊ထိပ်တုံးစာ
မိချင်လို့လား""အထွေးနဲ့ဖိုးထောင်ကိုကော ဘယ်လိုလုပ်ကြမလဲ"
"ထားခဲ့လိုက်ဗျာ...ကျုပ်တော့ပြေးပြီ"
သာမောင်က ပြောပြောဆိုဆိုဖြင့် ပုဆိုးကွင်းသိုင်းကာ
ဖိနပ်နှစ်ဖက်ကို ဘောင်းဘီခါးကြားထိုး၍ ဖိနောင့်နှင့်တင်ပါး တသားတည်းကျအောင် သုတ်ခြေတင်ပြေးတော့သည်။"သာဂိ၊သံချောင်း အဘလိုက်လာပြီတဲ့ ပြေးကြတော့"
ဇရပ်ပေါ်လှဲနေကြသည့် သာဂိနှင့်သံချောင်းလဲ လူးလဲ
ထလာကြသည်။"ဟာ..သူကြီးဆီမှာ အမိခံလို့မဖြစ်ဘူး၊ထိပ်တုံးနဲ့ညားမှ
ဖြင့်...ဟေ့ကောင်..ဖိုးထောင်ကိုသွားခေါ်"ပုဆိုးပြင်ဝတ်သူကဝတ်၊ဇရပ်ပေါ်က ဆင်းပြေးသူကပြေး၊
ဖိနပ်ကောက်သူကကကောက်နှင့် ယောက်ယက်ခက်နေ
တော့သည်။
YOU ARE READING
ပုဝါပါးလေး စွန်းမှာဆိုး
Fantasyဤဇာတ်လမ်းတွင် ပါဝင်သည့် နေရာဒေသ များမှာ စာရေးသူ ပုံဖော်ဖန်တီးထားခြင်း သက်သက်သာ ဖြစ်ပါသည်။
ပဝါပါးလေးစွန်းမှာဆိုး (၁)
Start from the beginning