دهليز مُرهف

PART 4

تيجان :- ماما فانوس واللـّٰه صار يومين نتصادف بس معليهُم بينه ما مسوين النا شي مُجرد صدف

فانوس :- نسل آل زاجل ما يجي من شوفتهُم بس الكوارث !

( اوويلييي حقها ماما فانوس بنات الجاي ضيم وضلايم 🤭)

بلقيس
سكتت وبداخلي فرحانة اُمي ما فد يوم فرقت بيني وبين آسيا وتيجان ويمكن تحبهُم اكثر مني هم

اباوع لاسيا منهارة وتيجان تحاول تهدي بيها ووضعها اسوء مـِن وضع آسيا مقهورة وادعيلهُم يجي يوم ويعيشون براحة وسلام بعيد عن نسل آل زاجل تعذبوا بسببهم حيّل

گامت امي فانوس گعدت بصف آسيا وآسيا خلت راسها بحُضن امي حضنتها حِيّل وساكتة ،

امي ضلت تقرا آيات على راسها وتكرر سورة الانشراح على راسها وتمسح بشعرها بهدوء تيجان رجعت لفراشها يم آسيا واني كذلك غفينا بصعوبة وگعدنا ساعة 7:30 عَ مُنبه امي فانوس

فانوس :- ولچن ياااا تأخررررتن گوومن يا ياااا دهر صابني راح تنفصلن مـِن المستشفيات بناتي

طفرنا كُلنا نفس الطفرة سوينا سره عَ الحمام اني بدلت اول وحدة بعدي آسيا وتيجان طلعنا بالمطبخ ماما فانوس فاتحة البردات والشبابيك مال البيت صار بارد والجو فد شي خُررافي

سوتلنا بيض وطماطة وچاي اكلنا وطلعنا مـِن الشقة ..

آسيا
الحلم تعبني ومو بس اني البنات وماما فانوس هم حسيت راح ينعاد كـُلشِي عشناه النومة بحُضن ماما فانوس علاج هدأت ونفضت افكاري السوداوية

اول ما طلعنا مـِن الشقة نائل طلع بنفس الوقت باوعتلة ورفعت حاجب واحد ودرت وجهي وهوَ يخزر معاجبة الوضع

وگفت يم المصعد واني عَ نفس حركتي بس ما باوعت لوجهه متجاهلة وجودة يمنه

دخلنا للمصعد وصعد ويانا استغفرت ربي
وگلـت :- شلون يوم واضح مـِن اولـّة يسد النّفس !

نائل :- آسيا لتخليني اقسي واندمچ

يحچي ويخزر بية رفعت اصبعي وخليته بوجهة
:- شوف لك عيونك التخزرني اطلعها مـِن مكانها واللـّٰه دير بالك تلعب ويايّة مرة لاخ اني الاندمك مو انتَ !

اعصاب وجهه برزت وحواجبة مـِن العصبية طبگهن انفتح المصعد وطلعت كأن شيئاً لم يكُن ،

تيجان :- بطلي سوالفچ آسيا متخافين يسويلچ شي !

انداريت الها وگلت بعصبية
:- تيجان !!!! تريدين اسكُت ويستقووّن علينا مثل قبل اليسوة والميسوة يطيح حظنا اذا تريدين هِيّچ فـ راح اسكُت !!!