دهليز مُرهف

مَشهد 🔥

هلا هلا 🤎
تصبيرة هَالمشهد بَس 🙈🤎
واكيد فترة و نبدي بـ مشورانا بالرواية متأكدة راح تحبوها حيل وتعشقون ابطالها 🔥

لتنسون التصويت ، متابعة لحسابي ، والتعليق بين الفقرات عُمري ..

الكاتِبة ؛ فَراشة صاد
________________

ضغطت ع زر المصعد انفتح صعدت للطابق السابع ..

فتحت جنطتي طلعت المفاتيح مال الشقة ودخلت ، هدوء طاغي وظلام دامس بالمكان وصوت الكعب مالتي وحدة ينسمع ،

مشيت بخطوات بطيئة ومتثاقلة فتحت الضوة واني استرجع ذاكرتي اتذكر مكان البلك مال كهرباء انفتح الضوة ونوّرت الشقة من جديد !

عيوني تتوزع عَ كُل زاوية بالشقة شمرت شعري لورا لظهري بغرور واشمئزاز من التراب الي يغطي الاثاث

سندت ايدي ع المعرض وسندت جسمي عليه ،

مسحت اصبعي ع التلفزيون وباوعتله اصبعي صار تراب رفعت راسي تجمعت كُل ذكرياتي بهاي الشقه وصرت اتذكر كُلشي موقف موقف ...

اتذكر الذل الاهانة الحزن الفرح الحُب الضحكة الدمعة وگلبي يقسى اكثر واكثر ويه كُل ذكرى تتسلل براسي ..

گعدت ع القنفه صار التراب بكُل البيت خليت رجل عَ رجل وضحكت باستهزاء اني شلون عايشة لحد هاي اللحظة ،

صارت عيني عَ الارضية الدم ناشف عليها وبصفها المنشفة واگعة .. حيييييل بعدها بنفس المكان

كُلشي بعدة نفسة ع حطة ايدي
كُلشي ماتغير بس الي تغير هو اني

انفتح الباب ودخلت اجة ابني ركض شمر روحة لحُضني وباسني

رفعت راسي الها باوعتلي وگالت ،
:- امشي نطلع من هالمكان مو گادرة ابقى بي اكثر

سكتت وحضنت ابني بقوة وبست راسة

غمضت عيني رجعت راسي ليورا صارت الذكريات تتلاطم بذاكرتي لذيچ الليلة السوداء

ذاكرتي رجعتني للدم والسچينة والطلقة وعياطي والبچي مالتها ،

لجرئتة وجبروتة وعدم رحمتة وغضبة الي طاغي ومسيطر عليه ،

فزيت من صفنتي ع صوتها وهيَ تناديني ..

:- خايفة خلينا نطلع بسرعه ما اكدر ولا اتخيل اعيش بهذا المكان مرة ثانية

حچيت بعصبية :- اشش ماريد ينعاد هالحچي
باوعت لابني مستغرب المكان ابتسمت بوجهه