اغتصاب

بارت ٣

دخلت بعالم الاحلام
واني
اشوف نفسي
بمكان
مظلم مثل المصنع القديم للحديد
وفجاه طلعت واني امشي
وأشوف نفسي
بمنطقه
مو غربيه عليه
بيوت القديمه
وبيوت حديثه
تهيأ لي
بيتنا القديم
والي عشت بي اجمل طفولتي
مقتربه من بابه
وداكتها
وشفت طفله
فتحتلي الباب
وهل الطفله هي( اني )
هيم الصغيره
البنيه الي جانت واكفه وتباوعلي بالحلم
وبعدين وخرت عني وركضت تلعب بنص الشارع
ويه
اطفال المنطقه
جوارينا القدماء
واولادهم الي جنا
نلعب
بنات وولد
وبعدين
شفت بايدي خيط احمر
ردت اوخره بس ما جان يتوخر
وظليت مصره انزعه من اصبعي بس جان رافض وبعدين انسحب هل الخيط وتحول لحبل
وبده يجرني
لمكان
بعيد عن باب بيتنا
يسحبني
ويسحبني
واني أصيح بس مجانوا يسمعوني
لا أبويه
ولا امي
ولا
البقيه من اهلي
(يمه
يمه
لا
وخري عني
ما اريد )
هذا الي خلاني انز من حلمي
لمن شفت
المره المنقبه وهي جانت تسحبني نحوها ولمن اقتربت
وخرت النقاب
عنها وطلعت
(جمره)
ابتسامه مستفزه
وكايلتلي
وين رايحه يا هيومتي
انتي
مكانج هنا يمي
.
.
كعدت وغرغره عيوني دموع
وحاسه بثقل كلش على صدري
تنفست بسرعه
وباوعت نفس المكان
الي. اني
نفس الغرفه
اللعينه
بس هل المره
جانت بابها مفتوحه
وما قفلتها
وريحه البخور
جان منتشره بالغرفه بشكل
خلاني نوعا ما ارتاح نفسيا ...
.
انتبهت على جهاز
كاعد يرن
على الميز
عقدت حواجبي
وكلت احتمال جهازها تاركته هنا
ما اعرت اي اهتمام
بس
بعدين ظل يدك ويدك
لحد ما استفزني وتنرفزت منه ومن الرنه الغبيه الي حاطتها
قررت أصيحها
بس ما جاوبتني
استغربت
ليش
ما اجت ...
كلت مره لخ
وبصوت عالي
(يا زفت
يا جمانه مدري جمره
انتي
هيو
الخرى مالتج جاي يدك
بعص سمعي بعص
وينج يا مريضه
خبله (كلتها وبصوت ناصي )
وقررت
اكوم
وأشوف منو
عساس راح اعرف منو يعني...
امشيت وعلى
كيفي
وحسيت بتحسن برجليه
بدن ياخذن مفعولهن
بالمشي
تخطيت
لحد ما وصلت اله
وشفت رقم واسم فوك مكتوب
(حبيبتي)
فتحت خط
وردت انطق
بس هي نطقت قبلي
بصوتها الي من كثر الخمر والجكاير صاير
يلعب النفس
(خشن )
.
كايلتلي:
راح اعديها الج
مال
المريضه والخبله
والزفت والغلط الي غلطتي عليه
بمزاجي
بس مره اللخ
مراح يصير خير ...
.
سويت حركه الاصبع
كدام الجهاز
وتفلت عليها
بس
صدمتني لمن كالت
تؤ تؤ
تؤ
جنت دا الغي هسه مو كلت ما اريد غلط
تره شايفتج..
.
وهنا عرفت مشكله كاميرات
.
غمضت عيوني لمن فركتهن باصابيعي
وقررت اسايرها لهل المريضه
.
شرايده
.
ردت
لا
هل الأسلوب ما احبه اني
كولي
شنو حبيبتي تأمر
.
رديت واني خفت لأن اكيد ادور زله حتى تضربني
بشنو تامرين
.
ردت
تؤ
نسيتي كلمه
كولي
ورايه
شنو
حبيبتي
تؤمرني
.
رديت
واني اكول بنفسي
حبيبتي بطيزج
.
(شنو حبيبتي تامرني)
.
سمعت ضحكتها الي جابتلي الجالي (حموضه بالمعده)
ردت
تمام
هسه رضيت
امممم هذا الجهاز خلي يمج
من اليوم وجاي
راح نتواصل اني وياج بي
وكت ما اكون بالشغل أو خارج البيت
اذا تشتاقيلي وتريديني
بس رنه وما تشوفيني الا واني يمج
.
دريت بكلبي
(اشتاقلج عزرائيل وكرفج(اخذج))
.
كملت
هاي شغله وشغله لخ
الباب تركتها الج مفتوحه فتعالي
طلعيلي
واتجهي للمطبخ
مسويتلج مفاجاه كلش راح تعجبج...لا تتاخرين
لأن الاكل راح يبرد
واني حيل جوعانه...
يله حبي
منتضرتج...
وها
نسيت
شغله
اكو على يسارج باب
باعيها
.
التفتت وشفتها بعد ما علكتلي الضوه من يمها
وكالت
هذا الحمام
تدخلين
بي
وسبحي وريحي جسمج وبعدين
اكو ملابس اني حاطتهن الج
البسيهن وتعاليلي
بس
لا تتاخرين
لأن الاكل لسه ما جهز كله بعدلي كم طبخه لسه ما خلصتها
تمام
.
ما رديت عليها
وظليت بس صافنه على الباب وافكر
أن
اكيد هي حاطتلي كاميرات جوه وراح تشوفني
وهمين
الملابس
اكيد مو عاديه ...
بس
نزيت لمن سمعتها صاحت
.
(ما سمعت ردج
موافقه ...)
بعدين من شافتني نزيت
كالت
(اسم الله
وجع اليضربني خفتي
اسفه بس ما سمعت ردج ...)
.
رديت
يعني اذا رفضت مثلا
راح تعديهاعلى خير
اكيد لا.غصبا عليه اوافق
.
وقفلت الجهاز
بسرعه
ومشيت للحمام
ودخلت
بعد ما فتحت الباب
وشفت شلون جان مرتب ونضيف
(المع من حياتي
ومن نيتها لهل المريضه )
.
شفت الشامبو
والبلسم الي من النوع الماركه الفاخره
ولا
مو اي نوع
من النوع الي جنت اريد اشتري
...
كلت بعقلي
اكيد مو صدفه
لأن ما بآمن بشي اسمه صدفه بعد اليوم
.
وبديت انزع كل قطعه مني
وفتحت الدوش وبدت قطرات المي وهي تنزل على كامل جسمي
الي
حرفيا راح تنتهكه الي ما تسمى (جمره)
بديت
اغسل شعري
وبديت اغسل جسمي
شفت أن اكو شعر في منطقتي
بس ما نضفتها
احسن
بلكت الله تنقرف مني وما تتقربلي
انطيت لنفسي فد أمل أن
هي ما تحب الشعر الي بجسمي
وراها
باوعت على موخرتي وشفت اكو منطقه زركه
مطبوعه لمستها ووجعتني
تذكرت كلامها لمن كالت
.
(ضربتج ابره وحزري وين)
.
غمضت عيوني
وحسيت بكره شديد الها
حقد وغل
وتمنيت
اكو معجزه تصيرلي
واني اكون بدالها
وهي بمكاني حتى اراويها (الله حق)
.
وراها كملت وطلعت
وشفت الملابس الي ذكرتها الي
تفاجات لمن
وخرتهن من الجيس(الكيس)
وشفت
أن
مجرد تيشيرت عادي وشورت قصير