البارت الرابع والسبعون
*********
قبل مانبدأ بس ياريت ياجماعه اللي كان قاريء الجزء الاول ووصله كلامي ان الروايه هتكمل هنا يثبت وجوده بنقطه بس حتي
********
دخل رعد منزلهم بعدما اتي للتو من مشواره
فقابل في طريقه شقيقته التي كادت تصعد الدرج لغرفتها التي تجلس بها الفتيات
اتجه ناحيتها بعدما وقفت عندما رأته فهو قد استطاع مصالحتها قبل مغادرته بسبب سوء طريقته معها في الامس
ملك:كنت فين يابني
رعد:كنت في مشوار كده
ملك بفضول:مشوار ايه؟
رعد:كنت عند نيڤين
لوت ملك فمها بضيق واجابت
ملك:وكنت عند نيڤين بتعمل ايه؟
رعد:كنت بطلب ايدها
ملك: لوحدك كده
رعد: اهلها متوفين مفيش غير عمها في الصعيد فانا روحتلها افتحها في الموضوع وخلاص
ملك: طب وايه رأيها السنيوره
رعد وهو يرفع كتفيه:وافقت
ملك:اممم..طب وبالنسبه لمروان اللي بتحبه ده..وافقت تتجوز واحد غيره عادي؟..بالسهوله دي
رعد وهو يفرك شعره: لا ماهو.. احم.. ماهو كان بالغصب
ملك: غصب؟.. غصب ايه وازاي
رعد: انا اجبرتها.. هددتها انها لو موافقتش تتجوزني هروح لعمها اللي في الصعيد واقوله علي علاقتها بمروان وهي خافت من تهديدي بعد ماقولتلها اني معايا دليل علي كلامي واللي يثبت انها علي علاقه بمروان
ملك بإحراج: طب هو.. احم.. هو علاقتها بمروان واصله لأي حد؟.. يعني اقصد حصل بينهم تجاوزات؟
رعد وقد فهم مقصدها:لاء..مفيش حاجه من دي..كل الحكايه انها ماشيه وراه في اي حاجه يقولها لأنها بتحبه وبتجري وراه
ملك: طب وانت كده مضطر تاخد ابوك وتروح تطلب ايدها من عمها؟
رعد بنفي: لاء انا قولتلها ان هي تفاتحه في الموضوع وانا هكلمه احدد معاه معاد الفرح سريع سريع كده عشان نخلص.. وهي هتفهمه ان انا مش هعرف اجيله عشان اطلب ايدها.. وعلي العموم هو مش هيهمه اوي لأنه اساساً مالوش دعوه بيها وشبه قاطع علاقته بيها.. بس عشان الاصول بتقول كده.. وعشان يبقي وكيلها
ملك بتنهيده:وليه بقي كل ده.. ليه تدبس نفسك في واحده زي دي يارعد.. واحده انت عارف انها بتحب واحد غيرك.. هتبقي معاك وبتفكر في غيرك
رعد وهو يستعد للمغادره:ملك انا مش عايز ادخل في مناقشه في الموضوع ده تاني..انا اللي عايزه هعمله..وخلاص الموضوع اتقفل علي كده..وانا هتجوز نيڤين
